ກອງທັບມາລີໃຫ້ຄຳໝັ້ນຈັດເລືອກຕັ້ງໃໝ່ ຫລັງກໍ່ລັດຖະປະຫານ ບີບປະທານາທິບໍດີລາອອກ

ກອງທັບມາລີໃຫ້ຄຳໝັ້ນຈັດເລືອກຕັ້ງໃໝ່ ຫລັງກໍ່ລັດຖະປະຫານ ບີບປະທານາທິບໍດີລາອອກ - 201 - ກອງທັບມາລີໃຫ້ຄຳໝັ້ນຈັດເລືອກຕັ້ງໃໝ່ ຫລັງກໍ່ລັດຖະປະຫານ ບີບປະທານາທິບໍດີລາອອກ
ກອງທັບມາລີໃຫ້ຄຳໝັ້ນຈັດເລືອກຕັ້ງໃໝ່ ຫລັງກໍ່ລັດຖະປະຫານ ບີບປະທານາທິບໍດີລາອອກ - AGL banner - ກອງທັບມາລີໃຫ້ຄຳໝັ້ນຈັດເລືອກຕັ້ງໃໝ່ ຫລັງກໍ່ລັດຖະປະຫານ ບີບປະທານາທິບໍດີລາອອກ

ກອງ​ກຳລັງ​ທະຫານ​ມາລີ​ທີ່​ກໍ່​ລັດຖະປະຫານ ​ໂຄ່ນ​ອຳນາດ​ປະທານາທິບໍດີ ອິບຣາຮິມ ບູບາ​ກາ ຄີ​ຕາ ປະກາດ​ຄຳ​ໝັ້ນ ກຽມ​ຈັດຕັ້ງລັດຖະບານ​ພົນລະ​ເຮືອນ​ຊຸດ​ປ່ຽນ​ຜ່ານ ກ່ອນ​ຈະ​ຈັດການ​ເລືອກ​ຕັ້ງ​ໃໝ່​ໃນ​ໄລຍະ​ເວລາ​ທີ່​ເໝາະ​ສົມ ​ເພື່ອ​ຟື້ນຟູ​ສະຖຽນ​ລະ​ພາບ​ຂອງ​ປະ​ເທດ.

​ໂດຍ​ການ​ກໍ່​ລັດຖະປະຫານ​ດັ່ງກ່າວ​ມີ​ຂຶ້ນທ່າມກາງ​ກະ​ແສ​ປະນາມ​ຈາກ​ບັນດາ​ປະ​ເທດ. ຂະນະ​ທີ່​ປະທານາທິບໍດີ ຄີ​ຕາ ຍອມ​ປະກາດ​ລາ​ອອກ ​ແລະ ຍຸບ​ສະພາ ​ເພື່ອ​ບໍ່​ໃຫ້​ເກີດ​ການ​ນອງ​ເລືອດ ຫລັງ​ຖືກ​ກອງທັບ​ຄວບ​ຄຸມ​ຕົວ​ໃນ​ຄືນ​ວັນ​ທີ 18 ສິງຫາ​ຜ່ານ​ມາ.

ພັນ​ເອກ ອິສມາ​ເອລ ວາ​ກີ ຮອງ​ເສນາ​ທິການ​ກອງທັບ​ອາກາດ ​ແລະ ​ໂຄສົກ​ຄະນະ​ລັດຖະປະຫານ ​ເຊິ່ງ​ເອີ້ນ​ຕົວ​ເອງ​ວ່າ: “ຄະນະ​ກຳມະການ​ແຫ່ງ​ຊາດ​ເພື່ອ​ຄວາມ​ຢູ່​ລອດ​ຂອງ​ປະຊາຊົນ” ຖະ​ແຫລ​ງຜ່ານ​ທາງ​ໂທລະພາບ​ໃນ​ວັນ​ທີ 19 ສິງຫາ ​ໃຫ້​ເຫດຜົນ​ໃນ​ການ​ກໍ່​ລັດຖະປະຫານ​ວ່າ: ​ເພື່ອ​ປ້ອງ​ກັນ​ປະ​ເທດ​ເຂົ້າສູ່​ວິ​ກິດ ​ແລະ ຢືນຢັນ​ວ່າ: ກອງທັບ​ບໍ່​ຕ້ອງການ​ຢູ່​ໃນ​ອຳນາດ.

ພ້ອມ​ກັນ​ນີ້, ທ່ານ​ຍັງ​ເຊີນ​ພາກ​ປະຊາ​ສັງຄົມ ​ແລະ ກຸ່ມ​ການ​ເມືອງ​ເຂົ້າຮ່ວມ​ສ້າງ​ເງື່ອນ​ໄຂ​ທີ່​ດີ​ທີ່​ສຸດ​ສຳລັບ​ການ​ປ່ຽນ​ຜ່ານ​ທາງ​ການ​ເມືອງ ກ່ອນ​ຈະ​ນຳ​ໄປ​ສູ່​ການ​ເລືອ​ກຕັ້ງ​ໃໝ່​ທີ່​ໜ້າ​ເຊື່ອ​ຖື​ຕາມ​ລະບອບ​ປະຊາທິປະ​ໄຕ ຜ່ານ​ໂຄງການ​ທີ່​ຈະ​ເປັນ​ຮາກ​ຖານ​ສຳລັບ​ມາລີ​ຍຸກ​ໃໝ່.

ກອງທັບມາລີໃຫ້ຄຳໝັ້ນຈັດເລືອກຕັ້ງໃໝ່ ຫລັງກໍ່ລັດຖະປະຫານ ບີບປະທານາທິບໍດີລາອອກ - Wave100S AD to Website 2020 0 - ກອງທັບມາລີໃຫ້ຄຳໝັ້ນຈັດເລືອກຕັ້ງໃໝ່ ຫລັງກໍ່ລັດຖະປະຫານ ບີບປະທານາທິບໍດີລາອອກ

ມາ​ຮອດ​ປັດຈຸບັນ​ຍັງ​ບໍ່​ມີ​ລາຍ​ງານ​ຊະ​ຕາ​ກຳ​ຂອງ​ປະທານາທິບໍດີ ຄີ​ຕາ ອາຍຸ 75 ປີ ​ໂດຍ​ສະຫະພາບ​ອາ​ຟຣິກາ (AU) ມີ​ມະຕິ​ໃຫ້​ໂຈະການ​ເປັນ​ສະມາຊິກ​ຂອງ​ມາລີ ​ແລະ ຮຽກຮ້ອງ​ໃຫ້​ຟື້ນຟູ​ການ​ບັງຄັບ​ໃຊ້​ລັດຖະທຳ​ມະນູນ ​ແລະ ປ່ອຍ​ຕົວ​ປະທານາທິບໍດີ ຄີ​ຕາ ພ້ອມ​ເຈົ້າໜ້າ​ທີ່​ລັດ​ທັງ​ໝົດ.

ຂະນະ​ດຽວ​ກັນ, ສະພາ​ຄວາມ​ໝັ້ນຄົງ​ແຫ່ງ​ສະຫະ​ປະຊາ​ຊາດ​ປະນາມ​ການ​ກໍ່​ລັດຖະປະຫານ​ທີ່​ເກີດ​ຂຶ້ນວ່າ​ເປັນ​ການ​ກໍ່​ກະບົດ ​ແລະ ຮຽກຮ້ອງ​ໃຫ້​ກອງທັບ​ມາລີ​ປ່ອຍ​ຕົວ​ປະທານາທິບໍດີ ຄີ​ຕາ ​ແລະ ​ເຈົ້າໜ້າ​ທີ່​ຂອງ​ລັດ​ທີ່​ຖືກ​ຄວບ​ຄຸມ​ຕົວ​ທັນທີ. ພ້ອມ​ຊີ້​ວ່າ: ທະຫານ​ທັງ​ໝົດ​ຄວນ​ກັບ​ເຂົ້າກົມ​ກອງ​ໂດຍ​ໄວ.

ສຳລັບ​ປະທານາທິບໍດີ ຄີ​ຕາ ຊະນະ​ການ​ເລືອກ​ຕັ້ງສະ​ໄໝ​ທີ 2 ​ໃນ​ປີ 2018 ຜ່ານ​ມາ ​ນັບ​ແຕ່​ເດືອນ​ມິຖຸນາ ທ່ານ​ຕ້ອງ​ຜະ​ເຊີນ​ການ​ປະ​ທ້ວງ​ໃຫຍ່​ຈາກ​ປະຊາຊົນ​ທີ່​ອອກ​ມາ​ແຫ່​ຂະ​ບວນຕໍ່ຕ້ານ ​ແລະ ກ່າວ​ຫາ​ວ່າ​ລັດຖະບານ​ມີ​ການ​ສໍ້​ລາດ​ບັງ​ຫລວງ ​ແລະ ບໍລິຫານ​ເສດຖະກິດ​ຜິດພາດ. ຂະນະ​ທີ່​ບັນຫາ​ດ້ານ​ງົບປະມານ ​ແລະ ຄວາມ​ຂັດ​ແຍ່ງ​ກັບ​ກຸ່ມ​ກໍ່​ການ​ຮ້າຍ​ຊາວ​ມຸດ​ສະ​ລິ​ມ​ກໍ​ເປັນ​ສາ​ເຫດ​​ໃຫ້​ເກີດ​ຄວາມ​ບໍ່ພໍ​ໃຈ​ໃນ​ກອງທັບ.

ກອງທັບມາລີໃຫ້ຄຳໝັ້ນຈັດເລືອກຕັ້ງໃໝ່ ຫລັງກໍ່ລັດຖະປະຫານ ບີບປະທານາທິບໍດີລາອອກ - lattana banner - ກອງທັບມາລີໃຫ້ຄຳໝັ້ນຈັດເລືອກຕັ້ງໃໝ່ ຫລັງກໍ່ລັດຖະປະຫານ ບີບປະທານາທິບໍດີລາອອກ
ກອງທັບມາລີໃຫ້ຄຳໝັ້ນຈັດເລືອກຕັ້ງໃໝ່ ຫລັງກໍ່ລັດຖະປະຫານ ບີບປະທານາທິບໍດີລາອອກ -    AD conten website - ກອງທັບມາລີໃຫ້ຄຳໝັ້ນຈັດເລືອກຕັ້ງໃໝ່ ຫລັງກໍ່ລັດຖະປະຫານ ບີບປະທານາທິບໍດີລາອອກ
ກອງທັບມາລີໃຫ້ຄຳໝັ້ນຈັດເລືອກຕັ້ງໃໝ່ ຫລັງກໍ່ລັດຖະປະຫານ ບີບປະທານາທິບໍດີລາອອກ - lattana banner 1 - ກອງທັບມາລີໃຫ້ຄຳໝັ້ນຈັດເລືອກຕັ້ງໃໝ່ ຫລັງກໍ່ລັດຖະປະຫານ ບີບປະທານາທິບໍດີລາອອກ
error: Alert: ເນື້ອຫາຂ່າວມີລິຂະສິດ !!