ລາວ ໂທລະຄົມ ເປີດນຳໃຊ້ລະບົບ 5G ເຄືອຂ່າຍທຳອິດໃນລາວ

ລາວ ໂທລະຄົມ ເປີດນຳໃຊ້ລະບົບ 5g ເຄືອຂ່າຍທຳອິດໃນລາວ - 555 83 - ລາວ ໂທລະຄົມ ເປີດນຳໃຊ້ລະບົບ 5G ເຄືອຂ່າຍທຳອິດໃນລາວ
ລາວ ໂທລະຄົມ ເປີດນຳໃຊ້ລະບົບ 5g ເຄືອຂ່າຍທຳອິດໃນລາວ - Untitled design - ລາວ ໂທລະຄົມ ເປີດນຳໃຊ້ລະບົບ 5G ເຄືອຂ່າຍທຳອິດໃນລາວ

ບໍລິສັດ ລາວໂທລະຄົມມະນາຄົມ ມະຫາຊົນ ເປີດນຳໃຊ້ລະບົບ 5G ຢ່າງເປັນທາງການ ໃນວັນທີ 31 ສິງຫາ 2020 ທີ່ນະຄອນຫລວງວຽງຈັນ, ພາຍຫລັງລະບົບ 5G ໄດ້ເປີດທົດລອງການນຳໃຊ້ໃນເດືອນຕຸລາ 2019 ຜ່ານມາ ເຊິ່ງເປັນເຄືອຂ່າຍທຳອິດໃນ ສປປ ລາວ ເພື່ອສ້າງເງື່ອນໄຂໃຫ້ກັບສັງຄົມ ຫລື ຜູ້ຊົມໃຊ້ ມີວິຖີຊີວິດນັບມື້ນັບສະດວກ, ວ່ອງໄວ ແລະ ມີຄວາມປອດໄພສູງ.ໂດຍການເຂົ້າຮ່ວມຂອງ ທ່ານ ທັນສະໄໝ ກົມມະສິດ ລັດຖະມົນຕີກະຊວງໄປສະນີ, ໂທລະຄົມມະນາຄົມ ແລະ ການສື່ສານ(ປທສ), ທ່ານ ສຸພົນ ຈັນທະວີໄຊ ຜູ້ອຳນວຍການໃຫຍ່ ບໍລິສັດ ລາວໂທລະຄົມມະ ນາຄົມ ມະຫາຊົນ, ພ້ອມດ້ວຍພະນັກງານກ່ຽວຂ້ອງ ແລະ ຄະນະອຳນວຍການ-ຜູ້ບໍລິຫານ ລາວ ໂທລະຄົມ.

ໂອກາດນີ້, ທ່ານ ສຸພົນ ຈັນທະວີໄຊ ກ່າວວ່າ: ການເປີດນໍາໃຊ້ລະບົບ 5G ໃນມື້ນີ້ ເພື່ອຈັດຕັ້ງຜັນຂະຫຍາຍແນວທາງຂອງພັກ, ນະໂຍບາຍຂອງລັດ ກໍຄືວຽກງານຂອງກະຊວງ ປທສ ໃນການຫັນການບໍລິການໂທລະຄົມເປັນທັນສະໄໝ ສາມາດເຊື່ອມໂຍງກັບພາກພື້ນ ແລະ ສາກົນໄດ້ ໂດຍສະເພາະໃນຍຸກເສດຖະກິດ ດີຈີຕອນ 4.0. ດັ່ງທີ່ພວກເຮົາໄດ້ຮັບຊາບກັນແລ້ວ ໃນຍຸກປັດຈຸບັນການນຳໃຊ້ເຄື່ອງມືສື່ສານ ແລະ ການບໍລິການຂອງໂທລະຄົມ ແມ່ນໄດ້ກາຍເປັນປັດໃຈທີ່ສຳຄັນ ໃນການດຳລົງຊີວິດຂອງມະນຸດເຮົາກໍຄືທົ່ວສັງຄົມໃນ ສປປ ລາວ. ປັດຈຸບັນ ໄດ້ມີຫລາຍປະເທດໃນທົ່ວໂລກ ແລະ ຂົງເຂດອາຊີບ ໄດ້ທົດລອງນຳໃຊ້ເທັກໂນໂລຊີ 5G ເຂົ້າຮັບໃຊ້ສັງຄົມຢູ່ໃນຫລາຍຂົງເຂດວຽກງານ ເຊັ່ນ: ດ້ານທຸລະກິດອອນລາຍ, ນຳໃຊ້ປັນຍາປະດິດ, IoT, Robotic ເຂົ້າຢູ່ໃນຂົງເຂດອຸດສາຫະກຳ, ກະສິກຳ ແລະ ການແພດເປັນຕົ້ນ ເຊິ່ງລ້ວນແລ້ວແຕ່ເປັນການສ້າງເງື່ອນໄຂໃຫ້ກັບສັງຄົມ ຫລື ຜູ້ຊົມໃຊ້ ມີວິຖີຊີວິດນັບມື້ນັບສະດວກ, ວ່ອງໄວ ແລະ ມີຄວາມປອດໄພສູງ.

ໃນເບື້ອງຕົ້ນ, ລາວ ໂທລະຄົມ ຈະໃຫ້ບໍລິການລະບົບ 5G ຢູ່ໃນບາງພື້ນທີ່ທີ່ເປັນຊຸມຊົນໃຈກາງເມືອງໃນນະຄອນຫລວງວຽງຈັນ ເຊັ່ນ: ເຂດສີຫອມ, ຕະຫລາດກາງຄືນແຄມຂອງ, ເຂດສາຍລົມ ແລະ ເຂດມະຫາວິທະຍາໄລແຫ່ງຊາດ, ຫລັງຈາກນັ້ນ ຈຶ່ງຈະຂະຫຍາຍໄປສູ່ບັນດາແຂວງໃຫຍ່ໃນປະເທດ ເປັນໄລຍະທີສອງ. ລະບົບ 5G ມີຄຸນສົມບັດພິເສດຫລັກໆຢູ່ 3 ຢ່າງທີ່ແຕກຕ່າງກັບລະບົບ 4G ຄື: ຄວາມໄວໃນການຮັບ-ສົ່ງຂໍ້ມູນໄວກວ່າ 4G ເຖິງ 20 ເທົ່າ, ການເຊື່ອມຕໍ່ທີ່ສາມາດຮອງຮັບອຸປະກອນໄດ້ຫລາຍກວ່າ 4G ເຖິງ 10 ເທົ່າ ຫລື ເທົ່າກັບ 1.000.000 ອຸປະກອນ ແລະ ເວລາໃນການຕອບສະໜອງ/ໂຕ້ຕອບ ຈະສັ້ນລົງເຖິງ 1 ມິນລີວິນາທີ (1ms).

ລາວ ໂທລະຄົມ ເປີດນຳໃຊ້ລະບົບ 5g ເຄືອຂ່າຍທຳອິດໃນລາວ - Wave100S AD to Website 2020 0 - ລາວ ໂທລະຄົມ ເປີດນຳໃຊ້ລະບົບ 5G ເຄືອຂ່າຍທຳອິດໃນລາວ
ລາວ ໂທລະຄົມ ເປີດນຳໃຊ້ລະບົບ 5g ເຄືອຂ່າຍທຳອິດໃນລາວ - WhatsApp Image 2020 05 27 at 5 - ລາວ ໂທລະຄົມ ເປີດນຳໃຊ້ລະບົບ 5G ເຄືອຂ່າຍທຳອິດໃນລາວ
ລາວ ໂທລະຄົມ ເປີດນຳໃຊ້ລະບົບ 5g ເຄືອຂ່າຍທຳອິດໃນລາວ - WhatsApp Image 2020 05 27 at 5 - ລາວ ໂທລະຄົມ ເປີດນຳໃຊ້ລະບົບ 5G ເຄືອຂ່າຍທຳອິດໃນລາວ
error: Alert: ເນື້ອຫາຂ່າວມີລິຂະສິດ !!