ຕື່ມພະລັງໃຫ້ສະໝອງໂດຍ 6 ຫລັກການກິນອາຫານບຳລຸງສະໝອງຢ່າງເໝາະສົມ

ຕື່ມພະລັງໃຫ້ສະໝອງໂດຍ 6 ຫລັກການກິນອາຫານບຳລຸງສະໝອງຢ່າງເໝາະສົມ - 555 23 - ຕື່ມພະລັງໃຫ້ສະໝອງໂດຍ 6 ຫລັກການກິນອາຫານບຳລຸງສະໝອງຢ່າງເໝາະສົມ
ຕື່ມພະລັງໃຫ້ສະໝອງໂດຍ 6 ຫລັກການກິນອາຫານບຳລຸງສະໝອງຢ່າງເໝາະສົມ - Untitled design - ຕື່ມພະລັງໃຫ້ສະໝອງໂດຍ 6 ຫລັກການກິນອາຫານບຳລຸງສະໝອງຢ່າງເໝາະສົມ

ຍ້ອນສະໝອງເປັນອະໄວຍະວະທີ່ສຳຄັນທີ່ຄອຍຄວບຄຸມ ແລະ ສັ່ງການໃຫ້ລະບົບການເຮັດວຽກຂອງອະໄວຍະວະຕ່າງໆເປັນໄປຢ່າງມີປະສິດທິພາບ ຫລາຍຄົນມີອາການເມື່ອຍລ້າສະໝອງຢູ່ຕະຫລອດ ມື້ນີ້ພວກເຮົາຈະມາແນະນຳ 6 ຫລັກການກິນອາຫານບຳລຸງສະໝອງຢ່າງເໝາະສົມແກ່ທ່ານ ດັ່ງນີ້ :

  1. ກິນເຂົ້າເຊົ້າທຸກມື້ : ການກິນເຂົ້າເຊົ້າເປັນປະຈຳທຸກມື້ຈະຊ່ວຍເສີມສ້າງພະລັງສະໝອງໄດ້ເປັນຢ່າງດີ ກົງກັນຂ້າມກັບຄົນທີ່ອົດເຂົ້າເຊົ້າເປັນປະຈຳ ສະໝອງມັກບໍ່ແລ່ນ, ຄິດຫຍັງບໍ່ຄ່ອຍອອກ ທັງນີ້ເຂົ້າເຊົ້າຄວນເລືອກແບບທີ່ມີປະໂຫຍດນຳ ຫາກກິນຈຳພວກກາເຟ, ເຄັກ, ຄຸກກີ້ ຫລື ໂດນັດ ກໍອາດບໍ່ໄດ້ສົ່ງເສີມການເຮັດວຽກຂອງສະໝອງໃຫ້ມີປະສິດທິພາບໄດ້ເທົ່າທີ່ຄວນ ສະນັ້ນແລ້ວ ເຂົ້າເຊົ້າບຳລຸງສະໝອງທີ່ດີຈຶ່ງຄວນເປັນອາຫານທີ່ອຸດົມໄປດ້ວຍໂປຣຕິນ, ທາດການຊຽມ ແລະ ເສັ້ນໄຍອາຫານ ເປັນຕົ້ນແມ່ນຜັກ ແະ ໝາກໄມ້ຈະດີທີ່ສຸດ.
  2. ກິນອາຫານທີ່ມີສານຕ້ານອະນຸມູນອິດສະລະຫລາຍ : ເພື່ອເປັນການປ້ອງກັນບໍ່ໃຫ້ແຊນສະໝອງເສື່ອມປະສິດທິພາບລົງໂດຍໄວ ຄວນເນັ້ນກິນອາຫານທີ່ມີສານຕ້ານອະນຸມູນອິດສະລະຫລາຍ ເຊັ່ນ : ວິຕາມິນເຊ, ວິຕາມິນເອີ, ເບຕ້າແຄໂຣທີນ ແລະ ໄຍອາຫານ ໂດຍກິນໄດ້ຈາກຜັກ – ໝາກໄມ້ຫລາຍຊະນິດ ໄດ້ແກ່ : ໝາກກ້ຽງ, ໝາກກ້ວຍ, ໝາກແອັບເປິ້ນ, ຫົວກະຫລົດ, ໝາກໄມ້ຕະກູນເບີຣີ ແລະ ໝາກພຣຸນ ເປັນຕົ້ນ. ອາຫານທີ່ມີສານຕ້ານອະນຸມູນອິດສະລະຫລາຍນັ້ນ ຈະຊ່ວຍຫລຸດອະນຸມູນອິດສະລະທີ່ເກີດຂຶ້ນໃນເວລາທີ່ສະໝອງຂອງເຮົາເຄັ່ງຄຽດ ຈຶ່ງຊ່ວຍປ້ອງກັນສະໝອງເສື່ອມໄດ້ເປັນຢ່າງດີ.
  3. ຄວນກິນອາຫານໃຫ້ເປັນເວລາ : ການກິນອາຫານໃຫ້ເປັນເວລາ ແລະ ກິນໃຫ້ກົງຕໍ່ເວລາ ນອກຈາກປ້ອງກັນການເກີດພະຍາດກະເພາະອາຫານໄດ້ແລ້ວ ຍັງເປັນການຊ່ວຍຮັກສາລະດັບພະລັງງານພາຍໃນຮ່າງກາຍ ແລະ ຍັງຊ່ວຍໃຫ້ວິຕາມິນແຮ່ທາດເກີດຄວາມຄົງທີ່ນຳອີກ ເຮັດໃຫ້ຮ່າງກາຍສາມາດດູດຊຶມເອົາໄປໃຊ້ງານໄດ້ຕະຫລອດເວລາ.
  4. ແບ່ງອາຫານໄວ້ກິນສຳລັບຄາບນ້ອຍໆຫລາຍໆຄາບ :ແນະນຳໃຫ້ປັບຈາກຄາບອາຫານຫລັກມາເປັນການກິນອາຫານໃນຄາບນ້ອຍໆ ປະມານ 5 – 6 ຄາບຕໍ່ມື້ ເພື່ອຊ່ວຍໃຫ້ລະບົບຂອງຮ່າງກາຍເກີດການເຮັດວຽກຢ່າງມີປະສິດທິພາບຂຶ້ນ, ສ້າງຄວາມສົດຊື່ນຫ້າວຫັນ ເຮັດໃຫ້ສະໝອງບໍ່ເກີດຄວາມເມື່ອຍລ້າໝົດມື້ ແລະ ຍັງເປັນການຄວບຄຸມລະດັບນຳ້ຕານໃນເລືອດໃຫ້ຄົງທີ່ ທັງຍັງເປັນຜົນດີຕໍ່ຜູ້ທີ່ກຳລັງຫລຸດນຳ້ໜັກໄດ້ນຳອີກ.
  5. ດື່ມນຳ້ບໍລິສຸດໃຫ້ພຽງພໍ : ເນື່ອງຈາກສະໝອງປະກອບດ້ວຍນຳ້ຫລາຍເຖິງ 85% ຮ່າງກາຍຈຶ່ງບໍ່ຄວນຂາດນຳ້ເດັດຂາດ. ດັ່ງນັ້ນ, ຈຶ່ງຄວນດື່ມນຳ້ສະອາດມື້ລະ 8 – 10 ຈອກ ພ້ອມກັນນີ້ ຄວນຫລີກເວັ້ນເຄື່ອງດື່ມທີ່ມີນຳ້ຕານ ແລະ ກາເຟອີນໃນປະລິມານທີ່ຫລາຍເກີນໄປ ເພາະອາດສົ່ງຜົນເຮັດໃຫ້ເກີດອາການສັບສົນກະວົນກະວາຍ ມີບັນຫານອນບໍ່ຫລັບໃນຕອນກາງຄືນໄດ້.
  6. ເລືອກກິນອາຫານວ່າງຢ່າງສະຫລາດ : ອາຫານວ່າງ ຫລື ອາຫານກິນຫລິ້ນນັ້ນ ການກິນເຂົ້າໜົມທີ່ມີໄຂມັນຫລາຍ ເປັນສາເຫດເຮັດໃຫ້ນຳ້ໜັກໂຕຂຶ້ນ ບໍ່ເປັນຜົນດີຕໍ່ຜູ້ທີ່ກຳລັງຫລຸດນຳ້ໜັກແນ່ນອນ ກໍຄວນເລືອກເປັນໝາກໄມ້ຈະດີກ່ວາ ເພາະໝາກໄມ້ເປັນແຫ່ລງຂອງສານຕ້ານອະນຸມູນອິດສະລະທີ່ມີສ່ວນຊ່ວຍປ້ອງກັນການເສື່ອມຂອງສະໝອງ ແນະນຳວ່າຄວນເປັນໝາກບລູເບີຣີ, ໝາກພຣຸນ, ໝາກສະຕໍເບີຣີ, ໝາກກ້ຽງ, ໝາກກ້ວຍ, ໝາກແອັບເປິ້ນ, ໝາກລະແຊັງ ເປັນຕົ້ນ.

ຫລັກການທັງໝົດນີ້ເປັນຫລັກການກິນອາຫານບຳລຸງສະໝອງ, ຕື່ມພະລັງສະໝອງໃຫ້ສາມາດເຮັດວຽກໄດ້ຢ່າງມີປະສິດທິພາບໄດ້ດີ ໃຜຢາກໃຫ້ສະໝອງແລ່ນດີຕະຫລອດເວລາ ຕ້ອງລອງກິນອາຫານຕາມ 6 ຫລັກການທີ່ກ່າວມາຂ້າງເທິງນັ້ນເປັນປະຈຳ.

ຕື່ມພະລັງໃຫ້ສະໝອງໂດຍ 6 ຫລັກການກິນອາຫານບຳລຸງສະໝອງຢ່າງເໝາະສົມ - Wave100S AD to Website 2020 0 - ຕື່ມພະລັງໃຫ້ສະໝອງໂດຍ 6 ຫລັກການກິນອາຫານບຳລຸງສະໝອງຢ່າງເໝາະສົມ
ຕື່ມພະລັງໃຫ້ສະໝອງໂດຍ 6 ຫລັກການກິນອາຫານບຳລຸງສະໝອງຢ່າງເໝາະສົມ - WhatsApp Image 2020 05 27 at 5 - ຕື່ມພະລັງໃຫ້ສະໝອງໂດຍ 6 ຫລັກການກິນອາຫານບຳລຸງສະໝອງຢ່າງເໝາະສົມ
ຕື່ມພະລັງໃຫ້ສະໝອງໂດຍ 6 ຫລັກການກິນອາຫານບຳລຸງສະໝອງຢ່າງເໝາະສົມ - WhatsApp Image 2020 05 27 at 5 - ຕື່ມພະລັງໃຫ້ສະໝອງໂດຍ 6 ຫລັກການກິນອາຫານບຳລຸງສະໝອງຢ່າງເໝາະສົມ
error: Alert: ເນື້ອຫາຂ່າວມີລິຂະສິດ !!