ສະຫລຸບບັນຫາໜ້າສົນໃຈທົ່ວໂລກວັນທີ 14 ກັນຍາ 2020

ສະຫລຸບບັນຫາໜ້າສົນໃຈທົ່ວໂລກວັນທີ 14 ກັນຍາ 2020 -                                                                                                 14                 2020 - ສະຫລຸບບັນຫາໜ້າສົນໃຈທົ່ວໂລກວັນທີ 14 ກັນຍາ 2020
ສະຫລຸບບັນຫາໜ້າສົນໃຈທົ່ວໂລກວັນທີ 14 ກັນຍາ 2020 - Untitled design - ສະຫລຸບບັນຫາໜ້າສົນໃຈທົ່ວໂລກວັນທີ 14 ກັນຍາ 2020
  1. Oracle ສາມາດ​ເອົາ​ຊະນະ Microsoft ​ໄດ້​ໃນ​ການ​ຊື້ປະຕິບັດ​ການ​ຂອງ TikTok ຢູ່​ອາ​ເມ​ລິ​ກາ ​ໂດຍ​ລາຍ​ງານ​ລະບຸ​ວ່າ ByteDance ​ເຊິ່ງ​ເປັນ​ເຈົ້າຂອງ​ແພກຟອມ​ໄດ້​ຕົກລົງ​ຈະ​ເຂົ້າຮ່ວມ​ເປັນ “ຫຸ້ນ​ສ່ວນ​ທາງ​ເຕັກນິກ” ກັບ​ບໍລິສັດ​ຊອບ​ແວ​ຍັກ​ໃຫຍ່​ຂອງ​ອາ​ເມ​ລິ​ກາ.

​ເຖິງ​ຢ່າງ​ໃດ​ກໍ​ຕາມ, ປະທານາທິບໍດີ ​ໂດ​ນັລ ທຣຳ ຢືນຢັນ​ວ່າ TikTok ຈະ​ຕ້ອງ​ຂາຍ​ກິດຈະການ​ທັງ​ໝົດ​ໃຫ້​ບໍລິສັດ​ອາ​ເມ​ລິ​ກາ ​ໂດຍ​ອ້າງ​ເຖິງ​ຄວາມ​ກັງວົນ​ກ່ຽວ​ກັບ​ຄວາມ​ໝັ້ນຂອງ​ປະ​ເທດ.

  1. SoftBank ຕົກລົງ​ຈະ​ຂາຍ​ກິດຈະການ​ຂອງ​ບໍລິສັດ Arm Holdings ​ໃຫ້ Nvidia ​ເຊິ່ງ​ເປັນ​ຜູ້​ຜະລິດ​ຊິ​ບສັນຊາດ​ອາ​ເມ​ລິ​ກາ. ການ​ທີ່ Nvdia ​ໄດ້​ໃຫ້​ຄວາມ​ສຳຄັນ​ເຈາະ​ຈົງ​ໃສ່​ບໍລິສັດ​ນັກ​ອອກ​ແບບ​ຊິ​ບສັນຊາດ​ອັງກິດ​ແຫ່ງ​ນີ້ ​ເພາະວ່າ​ໄມ​ໂຄຣ​ໂປຣ​ເຊ​ສ​ເຊີ​ທີ່ Arm Holdings ອອກ​ແບບ​ນັ້ນຖືກ​ຝັງ​ຢູ່​ໃນ​ສະມາດ​ໂຟນສ່ວນ​ໃຫຍ່​ໃນ​ປັດຈຸບັນ, ຂະນະ​ທີ່​​ໂຄງການຄັ້ງນີ້​ຈະ​ມີ​ມູນ​ຄ່າ​ປະມານ 40.000 ລ້ານ​ໂດ​ລາ.

​ເມື່ອ 4 ປີ​ກ່ອນ SoftBank ​ຊື້ກິດຈະການ Arm ມາ​ໃນ​ລາຄາ 32.000 ລ້ານ​ໂດ​ລາ. ຂະນະ​ທີ່ Nvidia ກ່າວ​ວ່າ ການ​ຊື້ກິດຈະການ​ຄັ້ງ​ໃໝ່​ຈະ​ຍັງ​ຕັ້ງຖິ່ນ​ຖານ​ຢູ່​ຄື​ເກົ່າ Cambridge.

  1. United Russia ພັກ​ຂອງ​ປະທານາທິບໍດີ​ວະ​ລາ​ດິ​ເມຍ ປູ​ຕິນ ກ່າວ​ວ່າ ພວກ​ເຂົາ​ໄດ້​ຮັບ​ໄຊຊະນະ​ໃນ​ການ​ເລືອກ​ຕັ້ງທ້ອງ​ຖິ່ນ​ຄັ້ງຫລ້າ​ສຸດ. ຂະນະ​ດຽວ​ກັນ ຜູ້​ສະໝັກ​ທີ່​ໄດ້​ຮັບ​ການ​ຮັບຮອງ​ໂດຍ Alexei Navalny ຜູ້ນຳ​ຝ່າຍ​ຄ້ານ​ຂອງຣັດ​ເຊຍ ​ເຊິ່ງຖືກ​ວາງຢາ​ພິດ ​ໂດຍ​ສາຍ​ລັບ​ໃນ​ເດືອນ​ສິງຫາ​ຜ່ານ​ມາ ກ່າວ​ວ່າ ພວກ​ເຂົາ​ໄດ້​ຮັບ​ໄຊຊະນະ​ຢູ່​ໄຊ​ບີ​ເຣຍ (ພາກພື້ນໜຶ່ງ​ຂອງຣັດ​ເຊຍ).

ຂໍ້​ກ່າວ​ຫາ​ກ່ຽວ​ກັບ​ຄວາມ​ຜິດ​ປົກກະຕິ​ໃນ​ການ​ລົງ​ຄະ​ແນນ​ສຽງ​ຢ່າງ​ກວ້າງຂວາງ​ຍັງ​ວົນວຽນ​ຢູ່​ໃນ​ສື່ ​ແລະ ການ​ສົນທະນາ​ທົ່ວ​ໄປ. ຂະນະ​ທີ່​ການ​ເລືອກ​ຕັ້ງລະດັບ​ປະ​ເທດ​ຖືກ​ກຳນົດ​ໃຫ້​ຈັດ​ຂຶ້ນ​ໃນ​ປີໜ້າ.

  1. ປະຊາຊົນ​ຢ່າງ​ໜ້ອຍ 100.000 ຄົນ​ໄດ້​ອອກ​ໄປ​ແຫ່​ຂະ​ບວນຕາມ​ທ້ອງ​ຖະໜົນ​ໃນ​ປະ​ເທດ​ເບ​ລາຣຸສ ​ເພື່ອ​ປະ​ທ້ວງ​ຕໍ່ຕ້ານ Alexander Lukashenko ​ເຊິ່ງປົກຄອງ​ປະ​ເທດ​ມາກ​ວ່າ 26 ປີ.

ການ​ແຫ່​ຂະ​ບວນປະ​ທ້ວງ ​ໄດ້​ກາຍ​ເປັນ​ເລື່ອງ​ປົກກະຕິ​ຂອງ​ປະ​ເທດ ຫລັງ​ຈາກ​ມີ​ຂ່າວ​ອອກ​ມາ​ວ່າ ທ່ານ​ສໍ້​ໂກງ​ການ​ເລືອກ​ຕັ້ງປະທານາທິບໍດີ​ຢ່າງ​​ໂຈ່ງ​ແຈ້ງ​ໃນ​ເດືອນ​ສິງຫາ​ຜ່ານ​ມາ ​ເຊັ່ນ​ດຽວ​ກັບ​ຄວາມ​ໂຫດຮ້າຍ​ຂອງ​ຕຳຫລວດ.

ຫລ້າ​ສຸດ ​ເຈົ້າໜ້າ​ທີ່​ກ່າ​ວວ່າ ພວກ​ເຂົາ​ຈັບ​ກຸມ​ຜູ້​ຄົນ​ປະມານ 250 ຄົນ​ກ່ອນ​ການ​ປະ​ທ້ວງ​​ໃນ​ວັນ​ທີ 13 ກັນຍາ.

ສະຫລຸບບັນຫາໜ້າສົນໃຈທົ່ວໂລກວັນທີ 14 ກັນຍາ 2020 - Wave100S AD to Website 2020 0 - ສະຫລຸບບັນຫາໜ້າສົນໃຈທົ່ວໂລກວັນທີ 14 ກັນຍາ 2020
  1. Tony Blair ​ແລະ John Major ອະດີດ​ນາຍົກລັດຖະມົນຕີຂອງ​ອັງກິດ ຈາກ​ພັກ​ແຮງ​ງານ ​ແລະ ພັກ​ອະນຸລັກ​ນິຍົມ (ຕາມ​ລຳດັບ) ​ໄດ້​ອອກ​ມາ​ຕໍ່ຕ້ານ​ການ​ກະທຳ​ຂອງ​ລັດຖະບານ​ປັດຈຸບັນ​ໃນ​ຂໍ້​ຫາ “​ເຮັດ​ໃຫ້​ສະຫະຣາຊະ​ອານາຈັກ​ອັບອາຍ” ​ໂດຍ​ການ​ທີ່​ລັດຖະບານ​ຊຸດ​ນີ້​ໄດ້​ສະ​ເໜີ​ຮ່າງ​ກົດໝາຍ Brexit ສະບັບ​ໃໝ່​ຊື່ວ່າ “ການ​ຕະຫລາດ​ພາຍ​ໃນ​ປະ​ເທດ (internal-market bill)” ​ເຊິ່ງຈະ​ແທນ​ທີ່​ບາງ​ສ່ວນ​ຂອງ​ຂໍ້​ຕົກລົງ​ທີ່​ສັນຍາ​ຮ່ວມ​ກັນ​ເອົາ​ໄວ້​ກັບ​ສະຫະ​ພາບ​ເອີຣົບ​ໃນ​ປີຜ່ານມາ.

ຂະນະ​ດຽວ​ກັນ ການສະ​ເໜີ​ຄຳ​ເຫັນ​ກ່ຽວ​ກັບ​ຮ່າງ​ກົດໝາຍ​ໂດຍ Boris Johnson ຈະ​ເລີ່​ມຕຶ້ນຂຶ້ນ​ໃນ​ວັນ​ທີ 14 ກັນຍາ​ນີ້.

  1. ​ໄຟ​ໄໝ້​ປ່າ​ຍັງ​ເຜົາ​ຜານ​ພື້ນທີ່​ໃນ​ລັດ California, Oregon ​ແລະ Washington ​ເພີ່ມ​ຂຶ້ນ ​ໂດຍ​ຫລ້າ​ສຸດ​ມີ​ລາຍ​ງານ​ຜູ້​ເສຍ​ຊີວິດ​ຫລາຍ​ກວ່າ 30 ຄົນ ​ແລະ ອີກ​ຫລາຍ​ແສນ​ຄົນ​ຕ້ອງ​ອົບ​ພະຍົບອອກ​ຈາກ​ພື້ນທີ່​ຕາມ​ຄຳ​ສັ່ງ​ຂອງ​ລັດຖະບານ.

ຄວັນ​ຈາກ​ເປ​ວ​ໄຟ​ເຮັດ​ໃຫ້​ເມືອງ Portland ມີ​ຄຸນ​ນະພາ​ບອາກາດ​ຕໍ່າ​ທີ່​ສຸດ​ໃນ​ໂລກ. ຂະນະ​ທີ່​ໄຟ​ໄໝ້​ປ່າ​ຢູ່​ລັດ California ​ໄດ້​ເຜົາ​ຜານ​ແຜ່ນດິນ​ເພີ່ມ​ຂຶ້ນ 26 ​ເທົ່າ ນັບ​ແຕ່​ຕົ້ນປີ​ມາ​ນີ້ ​ເມື່ອ​ທຽບ​ໃສ່​ໄລຍະ​ດຽວ​ກັນ​ຂອງ​ປີ 2019 ​ເຊິ່ງຖ້າ​ປຽບທຽບ​ໃຫ້​ເຫັນ​ພາບ​ຈະ​ມີ​ຂະໜາດ​ປະມານ​ລັດ New Jersey.

  1. ອົງການ​ອະນາ​​ໄມ​ໂລກ​ລາຍ​ງານ​ຜູ້​ຕິດ​ເຊື້ອ COVID-19 ​ໃໝ່​ຫລາຍ​ກວ່າ 307.000 ຄົນ​ໃນ​ວັນ​ທີ 13 ກັນຍາ​ຜ່ານ​ມາ ​ເຊິ່ງ​ເປັນ​ສະຖິຕິ​ແຕ່​ລະມື້ສູງ​ທີ່​ສຸດ​ນັບ​ແຕ່​ເກີດ​ການລະບາດ​ຂຶ້ນ ​ແລະ ຍັງ​ກ່າວ​ວ່າ ມີ​ຜູ້​ເສຍ​ຊີວິດ​ອີກ 5.500 ຄົນ ​ເຮັດ​ໃຫ້​ຈຳນວນ​ລວມຄິດ​ເປັນ​ຫລາຍ​ກວ່າ 917.000 ຄົນ.

ອິນ​ເດຍ, ​ເບຣຊິນ ​ແລະ ອາ​ເມ​ລິ​ກາ ຍັງ​ເປັນ​ຈຸດ​ແຜ່ລະບາດ​ຫລັກ​ຂອງ​ພະຍາດ ​ແລະ ​ໃນ​ຂະນະ​ດຽວ​ກັນ ອິດສະ​ລາ​ແອນ​ກໍ​ກາຍ​ເປັນ​ປະ​ເທດທຳ​ອິດ​ທີ່​ກັບ​ມາ​ໃຊ້​ການ Lockdown ຢ່າງ​ເຕັມ​ຮູບ​ແບບ.

  1. ການ​ທົດ​ລອງ​ວັກ​ຊີ​ນ COVID-19 ທາງ​ຄລີ​ນິກທີ່​ດຳ​ເນີນ​ການ​ໂດຍ​ມະຫາ​ໄລ Oxford ​ແລະ AstraZeneca ​ໄດ້​ກັບ​ມາດໍາ​ເນີນ​ການ​ຕໍ່​ຫລັງ​ຈາກ​ຢຸດ​ໄປ​ຊົ່ວຄາວ​ໃນ​ອາທິດ​ຜ່ານ​ມາ​ເມື່ອ​ມີ​ຜູ້​ເຂົ້າຮັບ​ການ​ທົດ​ລອງ​ເກີດ​ອາການ​ບໍ່​ສະບາຍ ປັດ​ຈຸ​ບັນ​ວັກ​ຊີ​ນທີ່​ພັດທະນາ​ໂດຍ​ທັງ 2 ອົງ​ກອນ ​ໄດ້​ຮັບ​ການ​ທົດ​ລອງ​ກັບ​ອາສາ​ສະໝັກ​ໄປ​ແລ້ວ 18.000 ຄົນ ​ເຊິ່ງມີ​ບາງ​ຄົນ​ບໍ່​ສະບາຍ​ໂດຍ​ທຳ​ມະ​ຊາດ​ຈາກ​ສາ​ເຫດ​ທີ່​ບໍ່​ກ່ຽວຂ້ອງ​ກັບ​ການ​ສັກ​ວັກ​ຊີ​ນ.
ສະຫລຸບບັນຫາໜ້າສົນໃຈທົ່ວໂລກວັນທີ 14 ກັນຍາ 2020 - WhatsApp Image 2020 05 27 at 5 - ສະຫລຸບບັນຫາໜ້າສົນໃຈທົ່ວໂລກວັນທີ 14 ກັນຍາ 2020
ສະຫລຸບບັນຫາໜ້າສົນໃຈທົ່ວໂລກວັນທີ 14 ກັນຍາ 2020 - WhatsApp Image 2020 05 27 at 5 - ສະຫລຸບບັນຫາໜ້າສົນໃຈທົ່ວໂລກວັນທີ 14 ກັນຍາ 2020
error: Alert: ເນື້ອຫາຂ່າວມີລິຂະສິດ !!