ປ່ຽນແປງຮູບແບບທຸລະກິດໃນຍຸກ Digital

ປ່ຽນແປງຮູບແບບທຸລະກິດໃນຍຸກ digital -                                                                              Digital - ປ່ຽນແປງຮູບແບບທຸລະກິດໃນຍຸກ Digital
ປ່ຽນແປງຮູບແບບທຸລະກິດໃນຍຸກ digital - Untitled design - ປ່ຽນແປງຮູບແບບທຸລະກິດໃນຍຸກ Digital

​ໃນ​ມື້ທີ່​ໂລກ​ປ່ຽນ​ແປງ​ໄປ​ຢ່າງ​ວ່ອງ​ໄວ ການ​ປັບ​ຕົວ​ເປັນ​ເລື່ອງ​ຫລີກ​ລ່ຽງບໍ່​ໄດ້ ບໍ່​ວ່າ​ຈະ​ເປັນ​ລະດັບ​ຂອງ​ບຸກຄົນ, ບໍລິສັດ ຫລື ອົງການ ​ເພາະ​ຄົນ​ທີ່​ປັບ​ຕົວ​ບໍ່​ໄດ້ ຄື​ຄົນ​ທີ່​ອາດ​ຈະ​ຖືກ​ຖິ້ມ​ໄວ້​ທາງ​ຫລັງ ​ໂດຍ​ສະ​ເພາະ​ຜູ້​ປະກອບ​ການ, ຄົນ​ເຮັດ​ທຸລະ​ກິດ, ການ​ປ່ຽນ​ແປງ​ຖື​ໄດ້​ວ່າ​ເປັນ​ສິ່ງ​ທີ່​ຕ້ອງ​ຜະ​ເຊີນ​ຢູ່​ຕະຫລອດ ນ້ອຍ ຫລື ​ໃຫຍ່​ແລ້ວ​ແຕ່​ໄລຍະ​ເວລາ.

​ແຕ່​ຕະຫລອດ​ໄລຍະ​ຫລາຍ​ປີຜ່ານມາ ​ເລື່ອງ​ຂອງ ດິຈີ​ຕອນ ​ເລີ່​ມ​ເຂົ້າມາ​ມີ​ບົດບາດ​ຕໍ່​ທຸກ​ສິ່ງ​ທຸກ​ຢ່າງ​ໃນ​ໂລກ​ຫລາຍ​ຂຶ້ນ​ເລື້ອຍໆ ​ເຮັດ​ໃຫ້​ເກີດ​ຄຳ​ຄຳ​ໜຶ່ງ​ທີ່​ຫລາຍ​ຄົນ​ອາດ​ຈະລຶ້ງຫູ​ເປັນ​ຢ່າງ​ດີ ນັ້ນຄື​ຄຳ​ວ່າ Digital Transformation ອະທິບາຍ​ໃຫ້​ເຂົ້າ​ໃຈ​ເປັນ​ພາສາ​ລາວ​ງ່າຍໆ​ຄື ການ​ປ່ຽນ​ແປງ​ເພື່ອ​ເອົາ​ດິຈີ​ຕອນ​ມາ​ມີ​ສ່ວນ​ຮ່ວມ (ຈາກ​ແຕ່​ກ່ອນ​ອາດ​ຈະ​ໜ້ອຍ ຫລື ບໍ່​ມີ).

ມື້ນີ້​ເລີຍ​ຢາກ​ຈະ​ມາ​ເວົ້າ​ເຖິງ​ວ່າ ຖ້າ​ຈະ​ປັບ​ຕົວ ຈະ​ປ່ຽນ​ແປງຮູບ​ແບບ​ທຸລະ​ກິດ​ໃນ​ຍຸກ Digital ມີ​ມຸມ​ໃດ​ທີ່​​ເຮົາ​ຕ້ອງ​ຄິດ​ເປັນ​ພິ​ເສດ​ແດ່

Digital leadership / ຜູ້ນຳ​ທີ່​ມີ​ຄວາມ​ເຂົ້າ​ໃຈ​ເລື່ອງ​ດິຈີ​ຕອນ

ສິ່ງ​ໜຶ່ງ​ທີ່​ສຳຄັນ​​ໃນ​ການ​​ເຮັດ​ໃຫ້​ເກີດ​ການ​ປ່ຽນ​ແປງ ບໍ່​ວ່າ​ຈະ​ໃນ​ອົງ​ກອນ​ນ້ອຍ ຫລື ​ໃຫຍ່ ຄື “ຜູ້ນຳ” ​ແລະ ການ​ຈະ​ເອົາ​ເຕັກ​ໂນ​ໂລ​ຊີ​ມາ​​ໃຊ້​ໃນ​ພາບ​ລວມ ຫລື ​ເລີ່​ມສ້າງ​ວັດທະນະທຳ​ການ​ເຮັດ​ວຽກ ​ໂດຍ​ມີ​ດິຈີ​ຕອນ​ມາ​ເປັນ​ສ່ວນ​ໜຶ່ງ​ນັ້ນ ຈະ​ບໍ່​ສາມາດ​ເກີດ​ຂຶ້ນ​ໄດ້ ຖ້າ​ຫົວ​ເຮືອ​ໃຫຍ່​ບໍ່​ເລີ່​ມກ່ອນ.

Upskill – Reskill / ພັດທະນາ​ທັກ​ສະ​ໃຫ້​ທີ​ມງານ

ຫລັງ​ຈາກ​ເລີ່​ມປ່ຽນ​ທີ່​ຕົວ​ຜູ້ນຳ​ແລ້ວ ຕໍ່​ມາ​ກໍ​ຈະ​ເປັນ​ສ່ວນ​ຂອງ “ທີ​ມ” ​ເມື່ອ​ມີ​ການ​ເອົາ Digital ​ເຂົ້າມາ​ໃຊ້​ຫລາຍ​ຂຶ້ນ ​ເລື່ອງ​ຮູບ​ແບບ​ການ​ເຮັດ​ວຽກ​ຕ້ອງ​ມີ​ການ​ປ່ຽນ​ແປງ ຫລື ບໍ່​ຈຳ​ເປັນ​ອີກ​ຕໍ່​ໄປ. ສະນັ້ນ ການ​ພັດທະນາ​ທັກ​ສະ​ໃຫ້​ທີ​ມງານ​ຈຶ່ງ​ເປັນ​ເລື່ອງ​ຕ້ອງ​ເຮັດ​ຕໍ່​ທັນທີ ບໍ່​ວ່າ​ຈະ​ເປັນການ Upskill (​ເພີ່ມ​ທັກ​ສະ) ຫລື Reskill (ປັບ​ທັກ​ສະ) ​ເພື່ອ​ໃຫ້​ທີ​ມງານ​ສາມາດ​​ເຮັດ​ວຽກ​ເຂົ້າກັບ​ຮູບ​ແບບ​ການ​ເຮັດ​ວຽກ​ທີ່​ປ່ຽນ​ໄປ​ໄດ້.

Set a goal for change / ຕັ້ງ​ເປົ້າໝາຍ​ໃນ​ການ​ປ່ຽນ​ແປງ

ປ່ຽນແປງຮູບແບບທຸລະກິດໃນຍຸກ digital - Wave100S AD to Website 2020 0 - ປ່ຽນແປງຮູບແບບທຸລະກິດໃນຍຸກ Digital

​ແນ່​ນອນ​ວ່າ​ທຸກ​ການ​ກະທຳ​ຕ້ອງ​ມີ​ຈຸດປະສົງ (Objective) ​ໃນ​ການ​ເຮັດ Digital Transformation ​ເອງ​ກໍ​ເຊັ່ນ​ກັນ ​ເຮົາ​ຕ້ອງ​ຫາ​ຈຸດປະສົງ​ໃຫ້​ເຫັນ​ກ່ອນ ວ່າ​ເຮົາ​ຕ້ອງການ​ຈະ​ເຮັດ​ຫຍັງ ​ແລະ ​ແກ້​ໄຂ​ສ່ວນ​ໃດ ຫລີກ​ລ່ຽງການ​ຕັ້ງ​ເປົ້າໝາຍ​ແບບ​ລວມໆ​ເຊັ່ນ: ພັດທະນາ​ໂດຍ​ລວມ​ໃຫ້ດີ​ຂຶ້ນດ້ວຍ​ດິຈີ​ຕອນ ​ແບບ​ນີ້​ຈະ​ເຮັດ​ໃຫ້​ເຮົາ​ບໍ່​ຮູ້​ທິດ​ທາງ ​ແລະ ວັດ​ແທກ​ໄດ້​ຍາກ. ວິທີ​ທີ່​ແນະນຳ​ຄື ລະບຸ​ພາບ​ລວມ​ໃຫຍ່​ເທື່ອ​ລະ​ເລື່ອງ​ເຊັ່ນ: ການ​ເຮັດ Digital Transformation ຕ້ອງການ​ເຮັດ​ໃຫ້ “ລູກ​ຄ້າຂອງ​​ເຮົາ​ມີ​ຄວາມ​ເພິ່ງ​ພໍຫລາຍ​ຂຶ້ນ” ດ້ວຍ​ການ​ເພີ່ມ​ຊ່ອງ​ທາງ​ໃນ​ການ​ຕິດ​ຕໍ່​ຫລາຍ​ຂຶ້ນ, ສະດວກ​ຂຶ້ນ ດ້ວຍ​ການ​ເຮັດ Omni channel (ຊ່ອງ​ທາງ​ການ​ຕິດ​ຕໍ່​ທີ່​ປະສົມ​ອອນ​ລາຍ​ກັບ​ອອບລາຍ​ເຂົ້ານຳ​ກັນ) ຫລັງ​ຈາກ​ນັ້ນ ຕັ້ງ​ເປົ້າ​ເລື່ອງ​ອື່ນໆ​ຕໍ່​ໄປ ການ​ເຮັດ​ແບບ​ນີ້​ຈະ​ເຮັດ​ໃຫ້​ຄົນ​ທັງ​ອົງ​ກອນຮັບ​ຮູ້​ຮ່ວມ​ກັນ​ວ່າ​ເຮົາ​ກຳລັງ​ຈະ​ເຮັດ​ຫຍັງ ​ແລະ ​ເພື່ອ​ຫຍັງ.

Communication / ສື່ສານ​ຢ່າງ​ສະໝໍ່າສະ​ເໝີ

​ເລື່ອງ​ການ​ສື່ສານ​ເປັນ​ສິ່ງ​ທີ່​ຂາດ​ບໍ່​ໄດ້ ​ເພາະ​ຫລັງ​ຈາກ​ທີ່​ມີ​ການ​ຕັດສິນ​ໃຈ​ຈາກ​ລະດັບ​ບໍລິ​ຫານ​ແລ້ວ ທຸກ​ຄົນ​ຕ້ອງ​ຮູ້​ວ່າ ອົງການ​ກຳລັງ​ເຮັດ​ຫຍັງ​ຢູ່, ​ເພື່ອ​ຫຍັງ ​ແລະ ​ເຂົາ​ຈະ​ສາມາດ​ມີ​ສ່ວນ​ຮ່ວມ​ແນວ​ໃດ​ແດ່ ບໍ່​ພຽງ​ເພື່ອ​ສ້າງ​ສິ່ງ​ທີ່​ສຳຄັນຄື Engage (ການ​ມີ​ສ່ວນ​ຮ່ວມ) ​ເທົ່າ​ນັ້ນ ​ແຕ່​ການ​ສື່ສານ​ຍັງ​ຊ່ວຍ​ເຮັດ​ໃຫ້​ທຸກ​ຄົນຮູ້​ເຖິງ Direction (ທິດ​ທາງ) ທີ່​ເຮືອ​ກຳລັງ​ຂີ່​ໄປ.

Upgrade Your Tools & Workflow / ອັບ​ເກຣດ​ເຄື່ອງມື ​ແລະ ຂະ​ບວນການ​ເຮັດ​ວຽກ

4 ຂໍ້​ເບື້ອງຕົ້ນຈະ​ບໍ່​ເກີດຜົນ​ປະ​ໂຫຍ​ດຫຍັງ ຫລື ຖ້າ​ເກີດ​ກໍ​ບໍ່​ຫລາຍ ຖ້າ​ເຮົາ​ບໍ່​ເລີ່​ມ​ເຮັດ​ໃຫ້​ມັນ​ເກີດ​ຂຶ້ນ​ແທ້ໆ ຄື​ການ​ເອົາ​ດິຕີ​ຕອນ​ມ​າ​ເປັນ​ສ່ວນ​ໜຶ່ງ​ຂອງ​ທຸລະ​ກິດ ນັບ​ແຕ່​ອັບ​ເກຣດ Workflow (ຂະ​ບວນການ​ເຮັດ​ວຽກ), ປັບ​ປ່ຽນ​ປະສົບ​ການ​ຂອງ​ລູກ​ຄ້າ​ໃນ​ຮູບ​ແບບ​ຂອງ​ດິຈີ​ຕອນ​ໃຫ້​ດີ​ຂຶ້ນ, ​ເພີ່ມ​ແຊ​ລ​ແນ​ລ​ໃນ​ການ​ເຂົ້າ​ເຖິງ​ລູກ​ຄ້າ, ປ່ຽນ​ແປງ​ຮູບ​ແບບ​ຂອງ​ການ​ເກັບ​ຂໍ້​ມູນ​ຈາກ​ເຈ້ຍ​ເປັນ Cloud ຫລື ການ​ປັບປຸງ​ລະບົບ​ເຄືອ​ຂ່າຍ​ຂອງ​ທຸລະ​ກິດ​ໃຫ້​ດີ​ຂຶ້ນ ລວມທັງ​ການ​ນຳ​ເອົາ loT, AI ຕ່າງໆ​ມາ​ປັບ​ໃຊ້ ກໍ​ເປັນ​ສ່ວນ​ສຳຄັນ​ໃນ​ການ​ສ້າງການ​ປ່ຽນ​ແປງ​ໃຫ້​ທຸລະ​ກິດ.

ທັງ​ໝົດນີ້​ຄື​ໜຶ່ງ​ຈາກ​ຫລາກ​ຫລາຍ​ວິທີ ​ເພື່ອ​ເຮັດ​ໃຫ້​ເຮົາ​ສາມາດ​ປ່ຽນ​​ແປງ​ຮູບ​ແບບ​ທຸລະ​ກິດ​ໃນ​ຍຸກ Digital ​ເພື່ອ​ເຮັດ​ໃຫ້​ທຸລະ​ກິດ​ຂອງ​​ເຮົາ​ຍັງ​ສາມາດ​ຈະ​ແຂ່ງຂັນ​ໄດ້​ຕໍ່​ໄປ. ສິ່ງ​ສຳຄັນ​ຄື ​ເລື່ອງ​ການ​ປັບ​ຕົວ ​ເພາະ​ທຸກ​ຢ່າງ​ນັ້ນກຳລັງ​ປ່ຽນ​ແປງ​ຕະຫລອດ ຄົນ​ທີ່​ປັບ​ຕົວ​ໄດ້​ຄື “ຄົນ​ທີ່​ລອດ”.

ປ່ຽນແປງຮູບແບບທຸລະກິດໃນຍຸກ digital - WhatsApp Image 2020 05 27 at 5 - ປ່ຽນແປງຮູບແບບທຸລະກິດໃນຍຸກ Digital
ປ່ຽນແປງຮູບແບບທຸລະກິດໃນຍຸກ digital - WhatsApp Image 2020 05 27 at 5 - ປ່ຽນແປງຮູບແບບທຸລະກິດໃນຍຸກ Digital
error: Alert: ເນື້ອຫາຂ່າວມີລິຂະສິດ !!