ກອງທັບ ເອັຟຊີ ພົບ ເອັສທີທີ ເອັຟຊີຊີງຊະນະເລີດບານເຕະຄອມມານໂດລາວລີກ 2
ນັດຊີຊີງຊະນະເລີດບານເຕະຄອມມານໂດລາວລີກ 2 ປະຈຳປີ 2020.ຈະໄດ້ຈັດຂຶ້ນ ໃນເວລາ 15:00 ໂມງຂອງວັນເສົາ 10 ຕຸລາ ນີ້ລະຫວ່າງກອງທັບ ເອັຟຊີ ພົບ ເອັສທີທີ ເອັຟຊີແຂ່ງຂັນທີ່ສະຫນາມຫຍ້າ ທຽມສະຫະພັນບານເຕະແຫ່ງຊາດລາວ ສະຫນາມ 1. ການແຂ່ງຂັນຂັນບານເຕະ ຄອມມານໂດ ລາວລີກ 2 ເຊິ່ງໄດ້ເປີດສາກຄວາມມັນໃນວັນທີ 25 ກໍລະກົດ ຜ່ານມານີ້ ແລະ ການແຂ່ງຂັນດັ່ງກ່າວໄດ້ນຳໃຊ້ 3 ສະຫນາມເຊິ່ງມີທີມເຂົ້າຮ່ວມທັງຫມົດ 14 ທີມ ໄດ້ແບ່ງກຸ່ມອອກເປັນ 2 ກຸ່ມ, ກຸ່ມລະ 7 ທີມ. ຮູບແບບ ການແຂ່ງຂັນຮອບແບ່ງກຸ່ມແມ່ນແຂ່ງຂັນ ແບບພົບກັນຫມົດ, ທີມທີ່ໄດ້ອັນດັບ 1ໃນກຸ່ມແມ່ນຈະໄດ້ຜ່ານເຂົ້າສູ່ຮອບຊີງຊະນະເລີດ
ທີມຊະນະເລີດຈະ ໄດ້ຮັບຂັນຊະນະເລີດ, ຫລຽນ, ເງິນຈຳນວນ 30.000.000 ກີບ ແລະ ໄດ້ສິດເລື່ອນຊັ້ນເຂົ້າຮ່ວມການແຂ່ງຂັນ ເປບຊີ ລາວລີກ 1 ປະຈຳປີ 2021, ອັນດັບ 2 ໄດ້ຮັບເງິນຈໍານວນ 20.000,000 ກີບ ແລະ ອັນດັບ 3 ໄດ້ຮັບເງິນຈໍານວນ 10.000.000 ກີບ.
