ຜູ້ຈະເດີນທາງຜ່ານເສັ້ນທາງເລກ 9 ໃຫ້ລະວັງຫລາຍຈຸດ ນັບແຕ່ເຊໂປນອອກໄປຊາຍແດນລາວ-ບາວຖືກນ້ຳຖ້ວມໜັກ
October 9, 2020 - 3:22 PM
ແຫລ່ງຂ່າວແຂວງສະຫວັນນະເຂດໃຫ້ຮູ້ວ່າ: ເນື່ອງຈາກຝົນຕົກໜັກ ແຕ່ແລງວັນທີ 8 ມາຮອດເຊົ້າວັນທີ 9 ຕຸລານີ້ ໄດ້ເຮັດໃຫ້ເສັ້ນທາງເລກ 9 ເຊິ່ງນັບແຕ່ເຊໂປນໄປຈົນຮອດຊາຍແດນລາວ-ບາວ ເບື້ອງແຂວງສະຫວັນນະເຂດມີຫລາຍຈຸດຖືກນ້ຳຖ້ວມໜັກ ເຮັດໃຫ້ການສັນຈອນພົບຄວາມຫຍຸ້ງຍາກ. ພ້ອມນັ້ນ ກໍມີຫລາຍບ້ານເຂດເມືອງເຊໂປນ ຄືບ້ານເຊໂປນເກົ່າ ແລະ ບ້ານຫວັງສານກໍຖືກນ້ຳຖ້ວມໜັກ ແລະ ແລງວັນທີ 8 ຜ່ານມານີ້ ອຳນາດການປົກຄອງແຂວງສະຫວັນນະເຂດກໍໄດ້ຮີບຮ້ອນນຳເອົາເຄື່ອງຊ່ວຍເຫລືອອັນຈຳເປັນລົງຊ່ວຍປະຊາຊົນໃນເຂດດັ່ງກ່າວ.
