ໂຄງການອາຫານໂລກຄືໃຜ ເປັນຫຍັງໄດ້ໂນເບລສັນຕິພາບ

ໂຄງການອາຫານໂລກຄືໃຜ ເປັນຫຍັງໄດ້ໂນເບລສັນຕິພາບ -                                                        - ໂຄງການອາຫານໂລກຄືໃຜ ເປັນຫຍັງໄດ້ໂນເບລສັນຕິພາບ
ໂຄງການອາຫານໂລກຄືໃຜ ເປັນຫຍັງໄດ້ໂນເບລສັນຕິພາບ - Untitled design - ໂຄງການອາຫານໂລກຄືໃຜ ເປັນຫຍັງໄດ້ໂນເບລສັນຕິພາບ

ຄະນະ​ກຳມະການ​ລາງວັນ​ໂນ​ເບ​ລ ມີ​ມະຕິ​ມອບ​ລາງວັນ​ໂນ​ເບ​ລສາຂາ​ສັນຕິພາບ​ປະຈຳ​ປີ 2020 ​ໃຫ້​ໂຄງການ​ອາຫານ​ໂລກ (WFP).

​ໂຄງການ​ອາຫານ​ໂລກ​ຄື​ໃຜ, ​ເຮັດ​ໜ້າ​ທີ່​ຫຍັງ ​ແລະ ​ເປັນ​ຫຍັງ ໜ່ວຍ​ງານ​ນີ້​ຈຶ່ງ​ສົມຄວນ​ໄດ້​ຮັບ​ລາງວັນ​ໂນ​ເບ​ລສັນຕິພາບ ມື້ນີ້​ເຮົາ​ຈະ​ສະຫລຸບ​ເປັນ​ຂໍ້​ດັ່ງ​ນີ້:

  1. ​ໂຄງການ​ອາຫານ​ໂລກ (World Food Program: WFP) ​ເປັນ​ໜ່ວຍ​ງານ​ດ້ານ​ມະນຸດສະທຳ​ພາຍ​ໃຕ້​ອົງການ​ສະຫະ​ປະຊາ​ຊາດ (UN) ຖືກ​ຈັດ​ເປັນ​ໜ່ວຍ​ງານ​ດ້ານ​ມະນຸດສະທຳ​​ໃຫຍ່​ທີ່​ສຸດ​ໃນ​ໂລກ ມີໜ້າ​ທີ່​ໃຫ້ການ​ຊ່ວຍ​ເຫລືອ​ດ້ານ​ອາຫານ​ໃຫ້​ແກ່​ປະຊາກອນ​ທີ່​ອຶດຫິວ ​ແລະ ຢູ່​ໃນ​ສະພາບ​ສຸກ​ເສີນ​ທົ່ວ​ໂລກ.
  2. ​ໂຄງການ​ອາຫານ​ໂລກ​ເລີ່​ມສ້າງຕັ້ງ​ໃນ​ປີ 1991 ​ເລີ່​ມມີ​ບົດບາດ​ເຂົ້າ​ໄປ​ຊ່ວຍ​ເຫລືອ​ດ້ານ​ອາຫານ​ໃຫ້​ປະຊາຊົນ​ໃນ​ປະ​ເທດ​ທີ່​ຜະ​ເຊີນ​ບັນຫາ​ຫລາກ​ຫລາຍ​ຮູບ​ແບບ ທັງ​ໄພ​ທຳ​ມະ​ຊາດ, ຄວາມທຸກ​ຍາກ ​ແລະ ສົງຄາມ ​ໂດຍ​ສະຖິຕິ​ໃນ​ປີຜ່ານມາ ​ໂຄງການ​ອາຫານ​ໂລກ​ໄດ້​ເຂົ້າ​ໄປ​ໃຫ້ການ​ຊ່ວຍ​ເຫລືອ​ປະຊາກອນ​ປະມານ 97 ລ້ານ​ຄົນ​ໃນ​ 88 ປະ​ເທດ ​ເຊິ່ງຖື​ວ່າ​ຫລາຍ​ທີ່​ສຸດ​ນັບ​ແຕ່​ປີ 2012.
  3. ປະຫວັດ​ການ​ຊ່ວຍ​ເຫລືອ​ດ້ານ​ອາຫານ​ຂອງ​ໂຄງການ​ອາຫານ​ໂລກ ສະທ້ອນ​ໃຫ້​ເຫັນ​ເຖິງ​ຄວາມທຸກ​ຍາກ​ຂອງ​ໂລກ​ໄດ້​ເປັນ​ຢ່າງ​ດີ.

​ໂດຍ​ໂຄງການ​ອາຫານ​ໂລກ​ໄດ້​ກ່າວ​ເຖິງ​ສະຖານະ​ການ​ໃນ​ໄລຍະ 30 ປີຜ່ານມາ ​ທີ່​ເລີ່​ມ​ເຫັນ​​ໄດ້​ຈະ​ແຈ້ງວ່າ: ຄວາມ​ຂັດ​ແຍ່ງ​ໃນ​ປະ​ເທດ​ຕ່າງໆ​ເລີ່​ມ​ເປັນ​ປັດ​ໄຈ​ເຮັດ​ໃຫ້​ປະຊາຊົນ​ໃນ​ປະ​ເທດ​ນັ້ນໆຂາດ​ເຂີນ​ອາຫານ​ຫລາຍ​ຂຶ້ນ ​ໂດຍ​ຍົກ​ຕົວຢ່າງ​ກໍລະນີ​ການ​ຂ້າ​ລ້າງ​ເຜົ່າ​ພັນຢູ່ຣາວັນ​ດາ ​ໄປ​ຈົນ​ເຖິງ​ສົງຄາມ​ຢູ່​ໂກ​ໂຊ​ໂວ.

ຂະນະ​ທີ່​ໃນ​ໄລຍະ 20 ປີ​ຫລັງ ​ເຖິງ​ວ່າ​ຫລາຍ​ພື້ນທີ່​ຈະ​ມີ​ຄວາມ​ຂັດ​ແຍ່ງ​ຢູ່, ​ແຕ່​ຄວາມ​ອຶດຫິວ​ຂອງ​ຄົນ​ກັບ​ມາ​ພ້ອມ​ໄພ​ທຳ​ມະ​ຊາດ​ທີ່​ຮຸນ​ແຮງ​ຂຶ້ນ ​ເຊິ່ງ​ໂຄງການ​ອາຫານ​ໂລກ​ໄດ້​ເຂົ້າ​ໄປ​ມີ​ສ່ວນ​ຊ່ວຍ​ເຫລືອ​ໃນ​ຫລາຍ​ເຫດການ​ເຊັ່ນ: ​ເຫດ​ແຜ່ນດິນ​ໄຫວ ​ແລະ ສຶນາ​ມິ​ຢູ່​ມະຫາ​ສະໝຸດ​ອິນ​ເດຍ​ໃນ​ປີ 2004, ​ເຫດ​ແຜ່ນດິນ​ໄຫວ​ເຮ​ຕິ​​ໃນ​ປີ 2010 ລວມທັງ​ເຫດ​ແຜ່ນດິນ​ໄຫວ​ເນ​ປານ​ໃນ​ປີ 2015.

  1. ການ​ແຈກ​ຢາຍ​ອາຫານ​ຂອງ​ໂຄງການ​ອາຫານ​ໂລກ ຫລາຍ​ແຫ່ງ​ສ່ຽງ​ອັນຕະລາຍ, ຫລາຍ​ພື້ນທີ່​ທຸລະກັນດານ ​ເຮັດ​ໃຫ້ການ​ຂົນ​ສົ່ງ​ອາຫານ​ໄປ​ແຈກ​ຢາຍ​ຕ້ອງ​ປ່ຽນ​ໃຫ້​ມີ​ຄວາມ​ເໝາະ​ສົມ ທັງ​ການ​ຢ່ອນ​ອາຫານ​ລົງ​ໄປ​ຈາກ​ເຮືອບິນ ​ໄປ​ຈົນ​ເຖິງ​ໃຊ້​ສັດ​ເຊັ່ນ​ອູດ ຂົນ​ສົ່ງ​ອາຫານ​ໄປ​ໃຫ້​ພື້ນທີ່​ຂາດ​ເຂີນ.

​ໃນ​ປີ 2019 ​ໂຄງການ​ອາຫານ​ໂລກ​ແຈກ​ຢາຍ​ອາຫານ​ຫລາຍ​ກວ່າ 4,2 ລ້ານ​ໂຕນ ​ແລະ ບໍລິຈາກ​ເງິນ​ສຳລັບ​ຊື້ອາຫານ​ປະມານ 65.200 ລ້ານ​ບາດ ​ເພື່ອ​ໃຫ້​ຜູ້​ຮັບ​ບໍລິຈາກ​​ເອົາ​ເງິນ​ໄປ​ຊື້ອາຫານ​ທີ່​ໃກ້​ຄຽງ​ກັບ​ຄວາມ​ຕ້ອງການ​ຫລາຍ​ທີ່​ສຸດ ​ເຊິ່ງຈະ​ຊ່ວຍ​ໂຄງການ​ອາຫານ​ໂລກ​ຫລຸດ​ຄ່າ​ໃຊ້​ຈ່າຍ​ດ້ານ​ການ​ຂົນ​ສົ່ງ ​ແລະ ຍັງ​ຊ່ວຍ​ເສດຖະກິດ​ໃນ​ພື້ນທີ່​ນຳ​ອີກ.

ສ່ວນ​ຂໍ້​ມູນ​ໃນ​ປັດຈຸບັນ ​ໂຄງການ​ອາຫານ​ໂລກ​ເປີດ​ເຜີຍ​ວ່າ: ​ໃນ​ແຕ່​ລະມື້ຈະ​ມີ​ລົດ​ບັນທຸກ 5.600 ຄັນ​, ​ເຮືອ 30 ລຳ, ​ເຮືອບິນ​ເກືອບ 100 ລຳ ຮ່ວມ​ກະຈາຍ​ອາຫານ​ໄປ​ໃຫ້​ຜູ້​ທີ່​ຂາດ​ເຂີນ.

ໂຄງການອາຫານໂລກຄືໃຜ ເປັນຫຍັງໄດ້ໂນເບລສັນຕິພາບ - Wave100S AD to Website 2020 0 - ໂຄງການອາຫານໂລກຄືໃຜ ເປັນຫຍັງໄດ້ໂນເບລສັນຕິພາບ
  1. ສຳລັບ​ການ​ໄດ້​ຮັບ​ລາງວັນ​ໂນ​ເບ​ລສາຂາ​ສັນຕິພາບ, ຄະນະ​ກຳມະການ​ລາງວັນ​​ໂນ​ເບ​ລ​ໃຫ້​ເຫດຜົນ​ວ່າ: ​ໂຄງການ​ອາຫານ​ໂລກ​ມີ​ບົດບາດ​ຕໍ່ສູ້​ກັບ​ຄວາມ​ອຶດຫິວ.

​ໂດຍ​ໃນ​ຄຳ​ປະກາດ​ຂອງ​ຄະນະ​ກຳມະການ​ລາງວັນ​ໂນ​ເບ​ລ ​ເນັ້ນປັດ​ໄຈ​ໃນ​ປັດຈຸບັນ​ທີ່​ເຮັດ​ໃຫ້​ໂຄ​ງກາ​ນອາຫານ​ໂລກ​ຕ້ອງ​ຮັບ​ບົດ​ໜັກ​ຂຶ້ນຢູ່ 2 ປັດ​ໄຈ​ຄື: ການລະບາດ​ໂຄ​ວິດ-19 ​ແລະ ຄວາມ​ຂັດ​ແຍ່ງ​ໃນ​ບາງ​ພື້ນທີ່.

​ໂດຍ​ກ່ອນ​ໜ້າ​ນີ້ ​ໂຄງກາ​ນອາຫານ​ໂລກ​ປະ​ເມີນ​ວ່າ: ການ​ແຜ່​ລະບາດ​ຂອງ​ໂຄ​ວິດ-19 ອາດ​ສົ່ງ​ຜົນ​ໃຫ້​ມີ​ປະຊາກອນ​ຢ່າງ​ໜ້ອຍ 138 ລ້ານ​ຄົນ​ທີ່​ໂຄງການ​ອາຫານ​ໂລກ​ຕ້ອງ​ເຂົ້າຊ່ວຍ​ເຫລືອ ​ໂດຍ​ສະ​ເພາະ​ໃນ​ປະ​ເທດ​ທຸກ​ຍາກ​ທີ່​ໂຄ​ວິດ-19 ຈະ​ຍິ່ງ​ຊ້ຳ​ຕື່ມ​ເສດຖະກິດ ​ເຮັດ​ໃຫ້​ຂາດ​ຄວາມ​ໝັ້ນຄົງ​ທາງ​ອາຫານ.

ຂະນະ​ທີ່​ສະພາບ​ສົງຄາມ​ທີ່​ເປັນ​ບົດບາດ​​ເຮັດ​ໃຫ້​ຄະນະ​ກຳມະການ​ໂນ​ເບ​ລມອບ​ລາງວັນ​​ໂນ​ເບ​ລສັນຕິພາບ​ໃຫ້​ໂຄງການ​ອາຫານ​ໂລກ ​ເນື່ອງ​ຈາກ​ຄະນະ​ກຳມະການ​ໃຫ້​ເຫດຜົນ​ວ່າ: ການ​ຕໍ່ສູ້​ກັບ​ຄວາມ​ອຶດຫິວ​ຂອງ​ໂຄງການ​ອາຫານ​ໂລກ​ມີ​ສ່ວນ​ຊ່ວຍ​ສ້າງສັນ​ຕິ​ພາບ​ໃນ​ພື້ນທີ່​ຂັດ​ແຍ່ງ, ຜ່ານ​ການ​ປ້ອງ​ກັນ​ບໍ່​ໃຫ້​ມີ​ຝ່າຍ​ໃດ​ຝ່າຍ​ໜຶ່ງ​ໃຊ້​ຄວາມ​ຫິວ​ໂຫຍ​ເປັນ​ອາວຸດ​ໃນ​ການ​ກໍ່​ສົງຄາມ ​ແລະ ຄວາມ​ຂັດ​ແຍ່ງ.

  1. ຄຳ​ປະກາດ​ຂອງ​ຄະນະ​ກຳມະການ​ໂນ​ເບ​ລຍັງ​ລະບຸ​ອີກ​ວ່າ: ການ​ມອບ​ລາງວັນ​ໃນ​ຄັ້ງນີ້​ ຕ້ອງການ​ໃຫ້​ທົ່ວ​ໂລກ​ຫັນ​ມາ​ໃຫ້​ຄວາມ​ສຳຄັນ​ຕໍ່​ຄົນ​ທຸກ​ຍາກ ​ເຊິ່ງຂໍ້​ມູນ​ຂອງ​ໂຄງການ​ອາຫານ​ໂລກ​ຊີ້​ວ່າ: ທຸກ​ມື້ນີ້​ມີ​ປະຊາກອນ 1 ຄົນ​ໃນ​ທຸກໆ 9 ຄົນ ມີ​ອາຫານ​ບໍ່​ພໍ​ກິນ.

ຄະນະ​ກຳມະການ​ລາງວັນ​ໂນ​ເບ​ລ​ເບິ່ງ​ວ່າ: ​ໂຄງການ​ອາຫານ​ໂລກ​ມີ​ບົດບາດ​ສຳຄັນ​ຕໍ່​ການ​ແກ້​ໄຂ​ບັນຫາ​ນີ້ ​ເຊິ່ງຖື​ເປັນ​ປະ​ໂຫຍ​ດຕໍ່​ມະນຸດ ​ແລະ ທຸກ​ປະ​ເທດຄວນ​ໃຫ້ການ​ສະໜັບສະໜູນ​ໂຄງການ​ອາຫານ​ໂລກ.

  1. ສຳລັບ​ລາງວັນ​​ໂນ​ເບ​ລ ​ເປັນ​ລາງວັນ​ທີ່ຕັ້ງຂຶ້ນ​ເພື່ອ​ຍົກຍ້ອງ​ທ່ານ ອັລ​ເຟຣດ ​ໂນ​ເບ​ລ ນັກ​ປະດິດ​ຊາ​ວສະ​ວີ​ເດັນ ​ເລີ່​ມມອບ​ລາງວັນ​ມາ​ແຕ່​ປີ 1901 ​ແລະ ປັດຈຸບັນ​ເປັນ​ໜຶ່ງ​ໃນ​ລາງວັນ​ທີ່​ມີ​ອິດ​ທິພົນ​ທີ່​ສຸດ​ຂອງ​ໂລກ ​ແບ່ງ​ອອກ​ເປັນ​ລາງວັນ​ໂນ​ເບ​ລສາຂາ​ການ​ແພດ, ຟີ​ຊິກ, ​ເຄມີ, ວັນນະກຳ, ສັນຕິພາບ ​ແລະ ​ເສດຖະສາດ.

​ໂດຍ​ຜູ້​ໄດ້​ຮັບ​ຄັດ​ເລືອກ​ໃຫ້​ໄດ້​ລາງວັນ​ໂນ​ເບ​ລສັນຕິພາບ​ຈະ​ໄດ້​ຮັບ​ໃບ​ປະກາດ​ສະ​ນີຍະ​ບັດ​ຫລຽນ​ຄຳ ​ແລະ ​ເງິນ​ລາງວັນ 10 ລ້ານ​ໂຄຣນາ​ສະ​ວີ​ເດັນ ຫລື ປະມານ 35 ລ້ານ​ບາດ.

ໂຄງການອາຫານໂລກຄືໃຜ ເປັນຫຍັງໄດ້ໂນເບລສັນຕິພາບ - WhatsApp Image 2020 05 27 at 5 - ໂຄງການອາຫານໂລກຄືໃຜ ເປັນຫຍັງໄດ້ໂນເບລສັນຕິພາບ
ໂຄງການອາຫານໂລກຄືໃຜ ເປັນຫຍັງໄດ້ໂນເບລສັນຕິພາບ - WhatsApp Image 2020 05 27 at 5 - ໂຄງການອາຫານໂລກຄືໃຜ ເປັນຫຍັງໄດ້ໂນເບລສັນຕິພາບ
error: Alert: ເນື້ອຫາຂ່າວມີລິຂະສິດ !!