ພາບທັງໝົດຂອງລະດູມອບລາງວັນ Nobel ປີ 2020

- LPN 23 - ພາບທັງໝົດຂອງລະດູມອບລາງວັນ Nobel ປີ 2020
- Untitled design - ພາບທັງໝົດຂອງລະດູມອບລາງວັນ Nobel ປີ 2020

ລະດູມອບລາງວັນ Nobel ຈະເລີ່ມຂຶ້ນໃນເດືອນຕຸລາ ຂອງແຕ່ລະປີ ໃນເມື່ອຄະນະກຳມະການລາງວັນຢູ່ທີ່ ສະວິເດັນ ແລະ ນໍເວ ສຳເລັດລາຍຊື່ຜູ້ທີ່ໄດ້ຮັບລາງວັນໃນສາຂາຂະວິທະຍາສາດ, ວັນນະກຳ: ເສດຖະກິດ ແລະ ສັນຕິພາບ ຂອງບັນດານັກວິທະຍາສາດ ທັງໝົດທີ່ໄດ້ປະກອບສ່ວນອັນໃຫ່ຍຫຼວງໃຫ້ແກ່ຄວາມກ້າວໜ້າຂອງມວນມະນຸດຊາດ.

ລາງວັນທຳອິດໃນປີນີ້ ແມ່ນລາງວັນສາຂາຊີວະວິທະຍາການແພດ, ຖືກຈັດຂຶ້ນເມື່ອວັນທີ 5 ຕຸລານີ້, ຕໍ່ຈາກນັ້ນກໍແມ່ນລາງວັນສາຂາວັດຖຸ, ເຄມີສາດ, ວັນນະກຳ, ເສດຖະກິດ ແລະ ສຸດທ້າຍກໍແມ່ນ ສັນຕິພາບ.

ຕາມປົກກະຕິແລ້ວ, ຜູ້ທີ່ໄດ້ຮັບລາງວັນຈະຕ້ອງມີໜ້າຢູ່ທີ່ ສະຕົກໂຄມ ແລະ ອອສໂລ ໃນເດືອນ ທັນວາຂອງແຕ່ລະປີ ເພື່ອອ່ານສູນທອນພົດ ແລະ ຮັບລາງວັນ, ແຕ່ປີນີ້ ຍ້ອນການລະບາດຂອງພະຍາດໂຄວິດ-19 ຈຶ່ງມີການຈັດຕັ້ງແປກໃໝ່ອອກໄປ ທີ່ແຕກຕ່າງກັບທຸກໆປີ.

ລະດູມອບລາງວັນ Nobel ປີນີ້, ຢູ່ນະຄອນຫຼວງ ສະຕົກໂຄມ ຈະຕ້ອງຢຸດຕິທຸກເຫດການ ແລະ ກິດຈະກຳຕ່າງໆ ພາຍໃນປະເທດ ເພື່ອຈັດພິທີມອບລາງວັນ Nobel ທີ່ຊົງກຽດໂດຍຜ່ານທາງສື່ອອນລາຍ, ສ່ວນລາງວັນ ແລະ ໃບຮັບຮອງ ຈະສົ່ງຜ່ານທາງສະຖານທູດຂອງປະເທດຜູ້ໄດ້ຮັບລາງວັນ.

- Wave100S AD to Website 2020 0 - ພາບທັງໝົດຂອງລະດູມອບລາງວັນ Nobel ປີ 2020

ຜູ້ທີ່ໄດ້ຮັບລາງວັນໃນປີນີ້, ອາດຈະຖືກເຊື່ອເຊີນໃຫ້ໄປຮັບລາງວັນໃນປີ 2021 ຖ້າສະຖານະການລະບາດຂອງພະຍາດ ຫາກ ຜ່ອນຄາຍລົງ. ສ່ວນການຈັດພິທີມອບລາງວັນຢູ່ທີ່ ອອສໂລ ປີນີ້ ກໍຈະກະທັດລັດກ່ວາ, ມີຜູ້ເຂົ້າຮ່ວມຈຳກັດທີ່ສຸດ.

ປີນີ້, ຄະນະກຳມະການລາງວັນ Nobel ປະກາດການປ່ຽນແປງເພີ່ມເຕີມບາງຢ່າງວ່າ: ລາງວັນແຕ່ລະຢ່າງຈະມີ ມູນຄ່າເປັນເງິນໃຫ້ພ້ອງຈຳນວນ 10 ລ້ານໂຄໂຣນາ(ສະກຸນເງິນ ສະວິເດັນ) ຫຼື ປະມານ 12 ລ້ານໂດລາ ສະຫະລັດ, ຊຶ່ງສູງກ່ວາ ສະກຸນເງະນຂອງສະວິເດັນ 1 ລ້ານ ໂຄໂຣນາ ຖ້າທຽບໃສ່ປີກາຍ.

- WhatsApp Image 2020 05 27 at 5 - ພາບທັງໝົດຂອງລະດູມອບລາງວັນ Nobel ປີ 2020
- WhatsApp Image 2020 05 27 at 5 - ພາບທັງໝົດຂອງລະດູມອບລາງວັນ Nobel ປີ 2020
error: Alert: ເນື້ອຫາຂ່າວມີລິຂະສິດ !!