5 ວິທີດູແລຕົນເອງຫລັງສັກຄິ້ວ.

   5 ວິທີດູແລຕົນເອງຫລັງສັກຄິ້ວ. - 020710 2020 -    5 ວິທີດູແລຕົນເອງຫລັງສັກຄິ້ວ.
   5 ວິທີດູແລຕົນເອງຫລັງສັກຄິ້ວ. - 174233 -    5 ວິທີດູແລຕົນເອງຫລັງສັກຄິ້ວ.
  1. ຫ້າມໃຫ້ບໍລິເວນທີ່ສັກຄິ້ວຖືກນຳ້ ປະມານ 5 – 7 ມື້ : ເມື່ອລ້າງໜ້າແບບເຕັມໆບໍ່ໄດ້ ແນະນຳໃຫ້ໃຊ້ສຳລີເຊັດເຮັດຄວາມສະອາດໃບໜ້າໃນໄລຍະທຳອິດໄປກ່ອນ ລະວັງຢ່າໃຫ້ນຳ້ຖືກຄິ້ວ ເພື່ອປ້ອງກັນບໍ່ໃຫ້ສີຫລຸດ.
  2. ທາວາສະລີນ ຫລື ມອຍເຈີໄຣເຊີ ເພື່ອຫລຸດຄວາມແຫ້ງ-ຄວາມເຄັ່ງ : ເມື່ອສັກຄິ້ວແລ້ວຈະມີອາການບວມແດງໜ້ອຍໜຶ່ງ ບໍ່ເທົ່າໃດຊົ່ວໂມງກໍເຊົາ ແລະ ຫລັງຈາກນັ້ນຈະຮູ້ສຶກແຫ້ງ – ເຄັ່ງ ຫາຄຣີມບຳລຸງທີ່ມີມອຍເຈີໄຣເຊີ ຫລື ວາສະລີນ ມາທາບໍລິເວນຄິ້ວໃຫ້ທົ່ວຢ່າງສະໝໍ່າສະເໝີ ປະມານ 3 ເທື່ອຕໍ່ມື້.
  3. ບໍ່ຄວນແກະສະເກັດບາດແຜອອກເດັດຂາດ : ໄລຍະທີ່ລໍຖ້າຄວາມງາມຕ້ອງໃຈເຢັນຈັກໜ້ອຍ, ຢ່າໃຈຮ້ອນຮີບຮ້ອນແກະສະເກັດບາດແຜບໍລິເວນຄິ້ວເດັດຂາດ ເພາະອາດຈະເຮັດໃຫ້ເສັ້ນຄິ້ວທີ່ຊ່າງແຕ້ມລົງໄປນັ້ນຫລຸດ, ແຫ່ວງ, ເສຍຮູບຊົງໄດ້ ແລະ ຍັງສ່ຽງໄດ້ຮັບເຊື້ອພະຍາດຈາກນິ້ວມື ແລະ ເລັບ ເຊິ່ງອາດເຮັດໃຫ້ບາດແຜຕິດເຊື້ອພະຍາດໄດ້.
  4. ຫ້າມຕາກແດດກ້າໆ ຫລື ຫລີກເວັ້ນກິດຈະກຳທີ່ເຮັດໃຫ້ເຫື່ອອອກຫລາຍ : ເມື່ອຫ້າມຖືກນຳ້ກໍຕ້ອງຫ້າມຖືກເຫື່ອນຳ ພະຍາຍາມຫລີກເວັ້ນກິດຈະກຳກາງແຈ້ງທີ່ກໍ່ໃຫ້ເກີດເຫື່ອອອກຫລາຍໆ ໂດຍສະເພາະການອອກກຳລັງກາຍ ອົດທົນໄວ້ກ່ອນ ເພື່ອໃຫ້ຄິ້ວອອກມາງາມສົມໃຈ.
  5. ຢ່າຟ້າວແຕ້ມຄິ້ວໃນໄລຍະອາທິດທຳອິດຂອງການສັກ : ເຖິງວ່າຈະສັກຄິ້ວມາແລ້ວ ແຕ່ກໍຍັງຄົງຕ້ອງມີການຕື່ມຄິ້ວອີກເທື່ອໜຶ່ງເພື່ອຄວາມງາມສົມບູບແບບ, ແຕ່ກໍຂໍໃຫ້ເວັ້ນໄລຍະໄປຈັກໜ້ອຍ ຫລັງຈາກທີ່ຖືກນຳ້ໄດ້ແລ້ວ ແລະ ສະເກັດບາດແຜຫລຸດອອກໝົດກ່ອນ ຈຶ່ງຄ່ອຍມາແຕ້ມຄິ້ວກັນໃໝ່ ເພື່ອປ້ອງກັນບໍ່ໃຫ້ຕິດເຊື້ອຈາກການທີ່ບາດແຜຍັງບໍ່ແຫ້ງ ຫລື ເຊົາດີ.
  • ສຳລັບສາວໆທີ່ສັກຄິ້ວແລ້ວພາດ ບໍ່ງາມໄດ້ຮູບດັ່ງທີ່ຕ້ອງການ ບໍ່ຕ້ອງກັງວົນ ເຮົາມີວິທີລຶບຮອຍສັກຄິ້ວໂດຍບໍ່ຕ້ອງເລເຊີມາແນະນຳ ເຊິ່ງອຸປະກອນກໍມີພຽງແຕ່ 3 ຢ່າງເທົ່ານັ້ນ ຄື : ຄອນຊີນເລີ, ແປງແຕ້ມຄິ້ວ ແລະ ສໍແຕ້ມຄິ້ວ ທັງແບບສໍ ແລະ ແບບຝຸ່ນ ໂດຍວິທີລຶບຮອຍສັກຄິ້ວແບບເກົ່າ ມີຄື :
  1. ລົງຄອນຊີນເລີໄປກ່ອນເປັນອັນດັບທຳອິດ ບໍ່ວ່າຈະເປັນແບບຄຣີມ ຫລື ແບບນຳ້ ເພື່ອລຶບຮອຍສັກຄິ້ວອັນເກົ່າທີ່ເຮົາບໍ່ມັກອອກໄປ, ແຕ່ສິ່ງທີ່ສາວໆຕ້ອງລະວັງຫລາຍທີ່ສຸດກໍຄື ຈະຕ້ອງເລືອກສີທີ່ໃກ້ຄຽງກັບໃບໜ້າຂອງເຮົາ ແລະ ທາໃຫ້ນຽນຫລາຍທີ່ສຸດນຳ.
  2. ເລີ່ມລາກຫາງຄິ້ວດ້ວຍສໍແຕ້ມຄິ້ວ ໃຫ້ອອກມາເປັນຮູບຊົງແບບທີ່ເຮົາຕ້ອງການກ່ອນ,​ ແຕ່ສາວໆທີ່ສັກຄິ້ວຕ້ອງຈື່ໄວ້ຢ່າງໜຶ່ງວ່າ ການທີ່ເຮົາສັກຄິ້ວມາແລ້ວນັ້ນ ມັນຈະເຮັດໃຫ້ຄິ້ວຂອງເຮົາເຂັ້ມປະມານໜຶ່ງຢູ່ແລ້ວ ສະນັ້ນ ເວລາແຕ້ມຄິ້ວຈະຕ້ອງລະວັງ ແລະ ເບົາມືຫລາຍໆ ບໍ່ດັ່ງນັ້ນຈາກຄິ້ວຈະກາຍເປັນປີງໄດ້.
  3. ໃຊ້ສໍແຕ້ມຄິ້ວແບບຝຸ່ນ ຄູ່ກັບແປງແຕ້ມຄິ້ວ ຄ່ອຍໆລາກໄປຕາມເສັ້ນຂົນຄິ້ວ ໃຫ້ເບິ່ງເປັນທຳມະຊາດຫລາຍທີ່ສຸດ ແລະ ແຕ້ມຢ່າງອ່ອນໆເບົາໆມື ເມື່ອແລ້ວເປັນທີ່ຮຽບຮ້ອຍ ໃຫ້ໃຊ້ແປງປັດຄິ້ວຂຶ້ນມາປັດ ເພື່ອເກັບລາຍລະອຽດອີກຮອບໜຶ່ງ.
  4. ຈາກນັ້ນໃຫ້ໃຊ້ແປງຫົວຕັດຈຸ່ມຄອນຊີນເລີຢ່າງບາງໆຂຶ້ນມາ ແລ້ວເອົາມາທາບໍລິເວນໃຕ້ທ້ອງຄິ້ວ ເພື່ອເຊັກຄວາມພໍດີຂອງຊົງຄິ້ວ ແລະ ຍົກໃຫ້ຄິ້ວຂອງເຮົານັ້ນເບິ່ງມີມິຕິຫລາຍຍິ່ງຂຶ້ນ.
  5. ສຸດທ້າຍແມ່ນການລົງມາສຄາຣ່າ ເພີ່ມຄວາມເຂັ້ມງາມໃຫ້ກັບຂົນຄິ້ວ ເຮັດໃຫ້ຄິ້ວເບິ່ງມີຂົນຫລາຍ ແລະ ເປັນທຳມະຊາດ.
   5 ວິທີດູແລຕົນເອງຫລັງສັກຄິ້ວ. - WhatsApp Image 2020 05 27 at 5 -    5 ວິທີດູແລຕົນເອງຫລັງສັກຄິ້ວ.
   5 ວິທີດູແລຕົນເອງຫລັງສັກຄິ້ວ. - Wave100S AD to Website 2020 0 -    5 ວິທີດູແລຕົນເອງຫລັງສັກຄິ້ວ.
error: Alert: Content is protected !!