ເຈົ້າໜ້າ​ທີ່​ດ່ານ​ສາກົນ​ນ້ຳກັ່ນສາມາດ​ຢຶດ​ໄມ້​ຂະ​ຍຸງ 9 ພັນ​ກວ່າ​ກິ​ໂລ ຊອກ​ເຊື່ອງ​ຢູ່​ລົດ​ຄອນ​ເທັນ​ເນີ

- advert banner 728 90 728x90 - ເຈົ້າໜ້າ​ທີ່​ດ່ານ​ສາກົນ​ນ້ຳກັ່ນສາມາດ​ຢຶດ​ໄມ້​ຂະ​ຍຸງ 9 ພັນ​ກວ່າ​ກິ​ໂລ ຊອກ​ເຊື່ອງ​ຢູ່​ລົດ​ຄອນ​ເທັນ​ເນີ

​ໃນ​ວັນ​ທີ 21 ມິຖຸນາ​ນີ້, ​ເຈົ້າໜ້າ​ທີ່​ພາສີ​ປະຈຳ​ດ່ານ​ສາກົນ​ນ້ຳກັ່ນ ​ແຂວງ​ຊຽງ​ຂວາງ ສົມທົບ​ກັບ​ເຈົ້າໜ້າ​ທີ່​ຕຳຫລວດ​ປ່າ​ໄມ້ ​ແລະ ບໍລິຫານ​ດ່ານ ​ໄດ້ກວດກາ​ພົບ​ເຫັນ​ແລະ ຢຶດ​ໄມ້​ຄ້າຍຄື​ໄມ້​ຂະ​ຍຸງ​ ປະມານ 9 ພັນ​ກວ່າ​ກິ​ໂລ ທີ່​ຊຸກ​ເຊື່ອງ​ຢູ່​ລົດ​ຄອນ​ເທັນ​ເນີ ໝາຍ​ເລກ​ທະບຽນ 43C-123.30 ທີ່​ບັນທຸກ​ສາລີ​ເມັດ ​ເພື່ອ​ສົ່ງ​ອອກ​ໄປ ສສ ຫວຽດນາມ ​ແລະ ​ໂດຍ​ປະຕິບັດ​ຕາມ​ຄຳ​ຊີ້​ນຳ​ຂອງຂັ້ນ​ເທິງ, ​ເຈົ້າໜ້າ​ທີ່​ດ່ານ​ພາສີ​ດັ່ງກ່າວ​ຈຶ່ງ​ອອກ​ແຈ້ງ​ການ​ໃຫ້​ເຈົ້າຂອງ​ລົດ​ນຳ​ເອົາ​ເອກະສານ​ມາ​ພົວພັນ​ແຈ້ງ​ຕໍ່​ເຈົ້າໜ້າ​ທີ່​ພາສີ​ດ່ານ ພາຍ​ໃນ​ກຳນົດ 15 ວັນ​ທາງ​ລັດຖະການ ​ແລະ ​ພາຍຫລັງ​ທີ່​ແຈ້ງ​ການ​ດັ່ງກ່າວ​ໝົດ​ກຳນົດ​ກໍ​ບໍ່​ເຫັນ​ເຈົ້າຂອງ​ລົດ​ນຳ​ເອົາ​ເອກະສານ​ມາ​ແຈ້ງ​ດ່ານ, ທາງ​ເຈົ້າໜ້າ​ທີ່​ພາສີ​ຈຶ່ງ​ໄດ້​ສົມທົບ​ກັບ​ຂະ​ແໜງ​ການ​ກ່ຽວຂ້ອງ​ຢູ່​ດ່ານ​ຕັ້ງຄະນະ​ກຳມະການ ​ເພື່ອ​ທຳ​ການ​ກວດກາ​ລົດ​ຄັນ​ດັ່ງກ່າວ ​ເຊິ່ງ​ໄດ້​ພົບ​ເຫັນ​ໄມ້​ຂະ​ຍຸງ​ຈຳນວນ 1.178 ​ເສັ້ນ/ທ່ອນ ນ້ຳໜັກ 9.013 ກິ​ໂລ ​ແລະ ​ໄມ້​ຄ້າຍຄື​ໄມ້​ຂະ​ຍຸງ ຈຳ​ນວນ 4 ​ເປົາ ນ້ຳໜັກ 85 ກິ​ໂລ, ສາລີ​ເມັດ​ແຫ້ງ ຈຳນວນ 416 ​ເປົາ ນ້ຳໜັກ 2.800 ກິ​ໂລ ທາງ​ເຈົ້າໜ້າ​ທີ່​ພາສີ​ນ້ຳກັ່ນ​ຈຶ່ງ​ໄດ້​ຢຶດ​ໄມ້ ​ແລະ ພາຫະນະ​ຄັນ​ດັ່ງກ່າວ ​ເພື່ອ​ທຳ​ການ​ສື​ບສວນ-ສອບ​ສວນ​ຊອກ​ຫາ​ຜູ້​ກະທຳ​ຜິດ​ມາ​ດຳ​ເນີນ​ຄະດີ​ຕາມ​ລະບຽບ​ກົດໝາຍ.

- new3 - ເຈົ້າໜ້າ​ທີ່​ດ່ານ​ສາກົນ​ນ້ຳກັ່ນສາມາດ​ຢຶດ​ໄມ້​ຂະ​ຍຸງ 9 ພັນ​ກວ່າ​ກິ​ໂລ ຊອກ​ເຊື່ອງ​ຢູ່​ລົດ​ຄອນ​ເທັນ​ເນີ
- lattana 1 - ເຈົ້າໜ້າ​ທີ່​ດ່ານ​ສາກົນ​ນ້ຳກັ່ນສາມາດ​ຢຶດ​ໄມ້​ຂະ​ຍຸງ 9 ພັນ​ກວ່າ​ກິ​ໂລ ຊອກ​ເຊື່ອງ​ຢູ່​ລົດ​ຄອນ​ເທັນ​ເນີ
error: Content is protected !!