ສະພາການຄ້າ ແລະ ອຸດສາຫະກຳແຫ່ງຊາດ ຜູ້ຊ່ວຍໜູນສຳຄັນໃຫ້ທຸລະກິດລາວເຂັ້ມແຂງ

ສະພາການຄ້າ ແລະ ອຸດສາຫະກຳແຫ່ງຊາດ ຜູ້ຊ່ວຍໜູນສຳຄັນໃຫ້ທຸລະກິດລາວເຂັ້ມແຂງ - KLS 2475 01 scaled - ສະພາການຄ້າ ແລະ ອຸດສາຫະກຳແຫ່ງຊາດ ຜູ້ຊ່ວຍໜູນສຳຄັນໃຫ້ທຸລະກິດລາວເຂັ້ມແຂງ
ສະພາການຄ້າ ແລະ ອຸດສາຫະກຳແຫ່ງຊາດ ຜູ້ຊ່ວຍໜູນສຳຄັນໃຫ້ທຸລະກິດລາວເຂັ້ມແຂງ - 174233 - ສະພາການຄ້າ ແລະ ອຸດສາຫະກຳແຫ່ງຊາດ ຜູ້ຊ່ວຍໜູນສຳຄັນໃຫ້ທຸລະກິດລາວເຂັ້ມແຂງ

​ໃນ​ໂອກາດ​ວັນຊາດ​ທີ 2 ທັນວາ​ທີ່​ຈະມາ​ເຖິງ (2/12/1975 – 2/12/2020) ທ່ານ ດາວວອນ ພະຈັນທະວົງ ຮອງປະທານສະພາ​ການ​ຄ້າ ​ແລະ ອຸດສາຫະກຳ​ແຫ່ງ​ຊາດ (ສຄອຊ) ໄດ້ໃຫ້ສໍາພາດຕໍ່ສື່ມວນຊົນໃນວັນທີ 12 ພະຈິກນີ້ວ່າ: ສະພາການຄ້າ ແລະ ອຸດສາຫະກຳແຫ່ງຊາດລາວ (ສຄອຊ) ໄດ້ຮັບການສ້າງຕັ້ງຂຶ້ນໃນປີ 1989 ແມ່ນອົງການຈັດຕັ້ງທາງສັງຄົມຂອງນັກທຸລະກິດ ​ແລະ ໄດ້ເປັນຂົວຕໍ່ ລະຫວ່າງອົງການຂອງລັດ ແລະ ຫົວໜ່ວຍທຸລະກິດ ທັງເປັນຕົວແທນໃຫ້ແກ່ຜູ້ໃຊ້ແຮງງານ, ສະມາຄົມ, ນັກທຸລະກິດ ແລະ ປະເພດວິສາຫະກິດຕ່າງໆ ທີ່ເຄື່ອນໄຫວຢູ່ ສປປ ລາວ ໂດຍໄດ້ສຸມໃສ່ຈັດຕັ້ງປະຕິບັດ 4 ຍຸດທະສາດທີ່ເປັນເສົາຄໍ້າຫລັກຄື: ການສ້າງສະພາບແວດລ້ອມຂອງການດຳເນີນທຸລະກິດທີ່ດີຢູ່ ສປປ ລາວ, ການສະໜອງການບໍລິການສຳລັບທຸລະກິດ ແລະ SMEs ຂອງລາວ, ການສົ່ງເສີມການຕະຫລາດຂອງຜະລິດຕະພັນລາວ, ການຄຸ້ມຄອງຖານຂໍ້ມູນ ແລະ ການປະຊາສຳພັນ. ນອກຈາກນີ້, ຍັງໄດ້​ເອົາ​ໃຈ​ໃສ່ສະໜັບສະໜູນ ກໍຄືການຮ່ວມມືກັບພາກພື້ນ ແລະ ສາກົນ.

ຕະຫລອດ​ໄລຍະ 31 ປີຜ່ານມາ, ສຄອຊ ໄດ້ມີຜົນສຳເລັດຫລາຍດ້ານເຊັ່ນ: ​ໄດ້​ເອົາ​ໃຈ​ໃສ່ປັບປຸງສະພາບແວດລ້ອມການດຳເນີນທຸລະກິດ ​ແລະ ສ້າງສິ່ງອໍານວຍຄວາມສະດວກທາງດ້ານການຄ້າ ແລະ ການລົງທຶນ, ການປັບປຸງບັນດາລະບຽບການ ແລະ ກົນໄກປະສານງານໃນການດໍາເນີນທຸລະກິດຢູ່ ສປປ ລາວ ຊຶ່ງເປັນການແກ້ໄຂບັນຫາ ແລະ ສິ່ງກີດຂວາງຮ່ວມກັບລັດໄດ້ເປັນລະບົບ ແລະ ມີປະສິດທິຜົນດີກວ່າເກົ່າ. ພ້ອມ​ເອົາ​ໃຈ​ໃສ່ສົ່ງເສີມ SMEs ແລະ ທຸລະກິດຂອງລາວ ​ໂດຍ​ການຈັດຝຶກອົບຮົມ, ສໍາມະນາ ແລະ ການປຶກສາຫາລືຕ່າງໆ ນັບ​ທັງຄວາມຮູ້ດ້ານການເງິນ, ການບັນຊີ, ການວາງແຜນທຸລະກິດ ແລະ ຊຸກຍູ້​ສົ່ງ​ເສີມການເຂົ້າເຖິງແຫລ່ງທຶນຂອງ SMEs ເພື່ອໃຫ້SMEs ແລະ ທຸລະກິດຂອງລາວໄດ້ມີບາດກ້າວຂະຫຍາຍຕົວດີຂຶ້ນເລື້ອຍໆ, ຄຽງ​ຄູ່​ກັນນັ້ນ ກໍ​ໄດ້ສໍາເລັດການ​ສ້າງຕັ້ງສະພາການຄ້າ ແລະ ອຸດສາຫະກໍາແຂວງ/ນະຄອນຫລວງ​ໃນ​ທົ່ວ​ປະ​ເທດ. ພ້ອມໄດ້ສ້າງຕັ້ງສະມາຄົມທຸລະກິດ, ພິເສດໃນປີ 2017 ໄດ້ສຳເລັດການສ້າງຕັ້ງສູນບໍລິການ SMEs ໃນ 3 ແຂວງຄື: ຫລວງພະບາງ, ສະຫວັນນະເຂດ ແລະ ແຂວງຈຳປາສັກ. ສຄອຊ ຍັງໄດ້ຮັບເງິນຈາກລັດຖະບານ 200 ຕື້ກີບ ເພື່ອນໍາໄປຊ່ວຍພາກທຸລະກິດ ໂດຍຜ່ານກອງທຶນສົ່ງເສີມ SMEs ດ້ວຍດອກເບ້ຍ 3% ຕໍ່ປີ ປ່ອຍກູ້ຜ່ານລະບົບທະນາຄານ, ພ້ອມຍັງມີກອງທຶນນາງຟ້າ ທີ່ມີທຶນ 800 ລ້ານກີບ ທີ່ໄດ້ມີແຜນກຽມປ່ອຍໃຫ້ຈຸນລະວິສາຫະກິດ ແລະ SMEs ໂດຍແນໃສ່ຂະແໜງກະສິກຳ ປູກຝັງ-ລ້ຽງສັດ ຊຶ່ງຄາດວ່າໃນປີນີ້ຈະປ່ອຍໃຫ້ກູ້ປະມານ 30 ໂຄງການ. ສໍາລັບການແກ້ໄຂຜົນກະທົບ ທີ່ເກີດຈາກການລະບາດຂອງພະຍາດໂຄວິດ-19, ສຄອຊ ກໍໄດ້ເປັນເຈົ້າຊຸກຍູ້ນະໂຍບາຍລາວທ່ຽວລາວ, ຊຸກຍູ້ ແລະ ສົ່ງເສີມບັນດາໂຮງແຮມ ແລະ ຮ້ານອາຫານທີ່ມີແລ້ວ ກໍຄືບັນດາສະຖານທີ່ທ່ອງທ່ຽວຕ່າງໆ ໃຫ້ໄດ້ມີລາຍຮັບແນໃສ່ຟື້ນຟູເສດຖະກິດຂອງລາວ​ໃຫ້​ດີ​ຂຶ້ນ.

ດ້ານວຽກງານເຊື່ອມໂຍງເສດຖະກິດພາກພື້ນ ແລະ ລະດົມການລົງທຶນຕ່າງປະເທດ ໄດ້ມີການຮ່ວມມືກັບບັນດາປະເທດອາຊຽນ, ບັນດາປະເທດລຸ່ມແມ່ນໍ້າຂອງ, ທູດຕ່າງປະເທດ ແລະ ສະພາການຄ້າ-ອຸດສາຫະກຳຂອງປະເທດຕ່າງໆ ມາຢ້ຽມຢາມ ເພື່ອພົບປະແລກປ່ຽນບົດຮຽນເຊິ່ງກັນ ແລະ ກັນ. ພ້ອມກັນນັ້ນ, ກໍໄດ້ຈັດໃຫ້ມີການພົບປະແລກປ່ຽນ ລະຫວ່າງນັກທຸລະກິດລາວ-ຈີນ ແລະ ນັກທຸລະກິດຂອງປະເທດເພື່ອນມິດອື່ນໆ ເພື່ອການຮ່ວມມືດ້ານທຸລະກິດທີ່ມີຄວາມສົນໃຈ. ພ້ອມສາມາດຍາດແຍ່ງການຊ່ວຍເຫລືອຈາກສາກົນ ຊຶ່ງໄດ້ມີການຮ່ວມມືໃນຫລາຍໆດ້ານກັບບັນດາປະເທດເພື່ອນມິດ ແລະ ບັນດາອົງການຈັດຕັ້ງສາກົນ ເພື່ອພັດທະນາອົງການຈັດຕັ້ງພາກທຸລະກິດ ແລະ ເສດຖະກິດຂອງ ສປປ ລາວ ເປັນຕົ້ນແມ່ນ GIZ, UNDP, ILO, JICA, NIPA, LCT, WB, ADB, AOTS, AMECE, KAWASAKI, LDB.

ສະພາການຄ້າ ແລະ ອຸດສາຫະກຳແຫ່ງຊາດ ຜູ້ຊ່ວຍໜູນສຳຄັນໃຫ້ທຸລະກິດລາວເຂັ້ມແຂງ - Wave100S AD to Website 2020 0 - ສະພາການຄ້າ ແລະ ອຸດສາຫະກຳແຫ່ງຊາດ ຜູ້ຊ່ວຍໜູນສຳຄັນໃຫ້ທຸລະກິດລາວເຂັ້ມແຂງ

ທ່ານ ດາວວອນ ພະຈັນທະວົງ ກ່າວຕື່ມອີກວ່າ: ບັນດາຜົນງານດັ່ງກ່າວນັ້ນ, ໄດ້ປະກອບ ສ່ວນໃນການພັດທະນາ ແລະ ສ້າງຄວາມເຂັ້ມແຂງໃນພາກທຸລະກິດລາວ ລວມທັງຊຸກຍູ້ SMEs ໃຫ້ມີການເຕີບໃຫຍ່ຂະຫຍາຍຕົວ, ປະກອບສ່ວນສໍາຄັນ​ເຂົ້າໃນການພັດທະນາເສດຖະກິດ-ສັງຄົມແຫ່ງຊາດ​ໄດ້​ເຕີບ​ໃຫຍ່​ເຂັ້ມ​ແຂງ.

ສະພາການຄ້າ ແລະ ອຸດສາຫະກຳແຫ່ງຊາດ ຜູ້ຊ່ວຍໜູນສຳຄັນໃຫ້ທຸລະກິດລາວເຂັ້ມແຂງ - WhatsApp Image 2020 05 27 at 5 - ສະພາການຄ້າ ແລະ ອຸດສາຫະກຳແຫ່ງຊາດ ຜູ້ຊ່ວຍໜູນສຳຄັນໃຫ້ທຸລະກິດລາວເຂັ້ມແຂງ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: Content is protected !!