ເຂົ້າໃຈໃຫ້ຖືກຄຳວ່າ “ຫັນເປັນໜຸ່ມ” ແມ່ນແນວທາງຖືກຕ້ອງສອດຄ່ອງທຸກໄລຍະການປະຕິວັດຂອງພັກເຮົາ

ເຂົ້າໃຈໃຫ້ຖືກຄຳວ່າ “ຫັນເປັນໜຸ່ມ” ແມ່ນແນວທາງຖືກຕ້ອງສອດຄ່ອງທຸກໄລຍະການປະຕິວັດຂອງພັກເຮົາ - Untitled design - ເຂົ້າໃຈໃຫ້ຖືກຄຳວ່າ “ຫັນເປັນໜຸ່ມ” ແມ່ນແນວທາງຖືກຕ້ອງສອດຄ່ອງທຸກໄລຍະການປະຕິວັດຂອງພັກເຮົາ

ໂດຍ: ລູກເມືອງພວນ

ເພື່ອຮັບຮອງໃຫ້ແກ່ການແບກຫາບພາລະກິດປະຕິວັດທີ່ໜັກໜ່ວງຂອງປະເທດຊາດ ແລະ ຮັກສາໄດ້ລັກສະນະ “ສືບທອດ”, ພັກໄດ້ຊີ້ແນວທາງປັບປຸງ ບູລະນະກົງຈັກ-ການຈັດຕັ້ງຂອງພັກ-ລັດ ໃນທຸກລະດັບຂັ້ນໃຫ້ມີຄວາມເຂັ້ມແຂງ, ຮັບປະກັນຄຸນນະພາບ ປະສິດທິຜົນສູງສຸດຂອງວຽກງານ ຕ້ອງໄດ້ “ຫັນເປັນໜຸ່ມ”.

ການທີ່ “ຫັນເປັນໜຸ່ມ” ແມ່ນແນວທາງຖືກຕ້ອງສອດຄ່ອງທຸກໄລຍະການປະຕິວັດຂອງພັກເຮົາ. ບັນຫາຕັ້ງຂຶ້ນວ່າ ເປັນຫຍັງຈຶ່ງຕ້ອງ “ຫັນເປັນໜຸ່ມ ? ”, ຖ້າບໍ່ “ຫັນເປັນໜຸ່ມ” ຈະໄດ້ບໍ ?

ຄຳຕອບກໍຄື ການ “ຫັນເປັນໜຸ່ມ” ແມ່ນກົດເກນສືບທອດທາງທຳມະຊາດ ແລະ ສັງຄົມ “ລູກແທນພໍ່ ໜໍ່ແທນລຳ”, ຖ້າຫາກບໍ່ມີການສືບທອດເຊື້ອແນວຂອງສາຍພັນນັ້ນກໍຈະດັບສູນໄປໃນທີ່ສຸດ, ເພື່ອໃຫ້ເຊື້ອແນວໄດ້ສືບຕໍ່ຂະຫຍາຍພັນ ແລະ ຍືນຍົງຄົງຕົວຢູ່ໄດ້ຕະຫຼອດໄປ ຈຳເປັນຕ້ອງມີການສືບທອດ ຫຼື ສືບພັນ. ພາລະກິດປະຕິວັດກໍເຊັ່ນດຽວກັນ ຖ້າບໍ່ມີຜູ້ໜຸ່ມນ້ອຍສືບທອດ ການປະຕິວັດນັ້ນ ໃນທີ່ສຸດກໍຈະລົ້ມສະຫຼາຍລົງຢ່າງບໍ່ຕ້ອງສົງໄສ.

ເຂົ້າໃຈໃຫ້ຖືກຄຳວ່າ “ຫັນເປັນໜຸ່ມ” ແມ່ນແນວທາງຖືກຕ້ອງສອດຄ່ອງທຸກໄລຍະການປະຕິວັດຂອງພັກເຮົາ - Wave100S AD to Website 2020 0 - ເຂົ້າໃຈໃຫ້ຖືກຄຳວ່າ “ຫັນເປັນໜຸ່ມ” ແມ່ນແນວທາງຖືກຕ້ອງສອດຄ່ອງທຸກໄລຍະການປະຕິວັດຂອງພັກເຮົາ

“ຫັນເປັນໜຸ່ມ” ແມ່ນສ້າງຜູ້ສືບທອດການປະຕິວັດ ໃຫ້ມີຜູ້ໜຸ່ມແໜ້ນນັບມື້ຫຼາຍຂຶ້ນ ແຊກຊ້ອນກັນລະຫວ່າງ 3 ຮຸ່ນຄົນ: ຮຸ່ນອາວຸໂສ, ຮຸ່ນກາງ ແລະ ຮຸ່ນໜຸ່ມນ້ອຍ. ເປັນຫຍັງຈຶ່ງຕ້ອງມີ 3 ຮຸ່ນຄົນນີ້ຢູ່ຮ່ວມກັນ ? ກໍເພາະວ່າ ຮຸ່ນອາວຸໂວ ຜູ້ທີ່ໄປກ່ອນອາດຈະມີຄວາມຮູ້ປະສົບການຕົວຈິງຫຼາຍກວ່າ ເພື່ອຖ່າຍທອດໃຫ້ຄົນຮຸ່ນກາງ ແລະ ຮຸ່ນໜຸ່ມທັງທາງດ້ານການເມືອງ-ແນວຄິດ, ຄຸນສົມບັດ ສິນທຳປະຕິວັດ ແລະ ທັງທາງດ້ານທັດສະນະຫຼັກໝັນຊົນຊັ້ນ, ລະບອບການເມືອງ… ໃຫ້ຄົນຮຸ່ນກາງ ແລະ ຄົນຮຸ່ນໜຸ່ມ.  ກົງກັນຂ້າມ ຄົນຮຸ່ນໜຸ່ມເປັນຮຸ່ນຄົນທີ່ມີຄວາມຮູ້ຄວາມສາມາດທາງດ້ານວິທະຍາສາດເຕັກນິກຫຼາຍກວ່າຄົນ 2 ຮຸ່ນກ່ອນ, ເປັນຮຸ່ນຄົນທີ່ມີກຳລັງວັງຊາ ສາມາດແບກຫາບໜ້າທີ່ວຽກງານທີ່ໜັກໜ່ວງໄດ້, ມີຄວາມທົນທານທາງດ້ານສະຕິປັນຍາ ແລະ ເຫື່ອແຮງ. ດັ່ງນັ້ນ ມັນຈຶ່ງເປັນການເສີມສ້າງຄວາມຮູ້ປະສົບການຊຶ່ງກັນ ແລະ ກັນລະຫວ່າງ 3 ຮຸ່ນຄົນຢ່າງກົມກຽວ ເຮັດໃຫ້ກົງຈັກການຈັດຕັ້ງຂອງພັກ-ລັດ ທຸກລະດັບຂັ້ນ ມີຄຸນນະພາບ ປະສິດທິຜົນ, ມີຄວາມເຂັ້ມແຂງ ສາມາດແບກຫາບວຽກງານທີ່ນັກໜ່ວງຂອງຊາດໄດ້.

ພວກເຮົາຕ້ອງເຂົ້າໃຈຄຳວ່າ “ຫັນເປັນໜຸ່ມ” ໃຫ້ຖືກຕ້ອງ, ມັນແມ່ນການສ້າງຄົນຮຸ່ນໜຸ່ມປ່ຽນແທນຮຸ່ນຄົນອາວຸໂສ ຢ່າງມີແຜນການ ຫາກບໍ່ແມ່ນການຫັນປ່ຽນເປັນໜຸ່ມທັງໝົດພາບດຽວ ດັ່ງທີ່ຫຼາຍຄົນເຂົ້າໃຈ ໂດຍປະຕິເສດຮຸ່ນຄົນ ອາວຸໂສ ແລະ ຮຸ່ນຄົນ ຮຸ່ນກາງ. ການ “ຫັນເປັນໜຸ່ມ” ແມ່ນແນວທາງທີ່ຖືກຕ້ອງຂອງພັກເຮົາ ເພື່ອປົກປັກຮັກສາໝາກຜົນການປະຕິວັດຂອງຊາດທີ່ຍາດມາໄດ້ໃຫ້ຍືນຍົງຄົງຕົວຢູ່ກັບຊາດລາວຕະຫຼອດໄປ ເພື່ອອະນາຄົດທີ່ສົດໃສຂອງປະເທດຊາດ ເພື່ອຄວາມຢູ່ດີກິນດີ ເພື່ອຄວາມສົມບຸນພູນສຸກຂອງຊາດລາວ, ເພື່ອໃຫ້ປະຊາຊົນຮັ່ງມີ ປະເທດຊາດມັ່ງຄັ່ງເຂັ້ມແຂງ ສັງຄົມສີວິໄລ ຍຸຕິທຳ.

ເຂົ້າໃຈໃຫ້ຖືກຄຳວ່າ “ຫັນເປັນໜຸ່ມ” ແມ່ນແນວທາງຖືກຕ້ອງສອດຄ່ອງທຸກໄລຍະການປະຕິວັດຂອງພັກເຮົາ - WhatsApp Image 2020 05 27 at 5 - ເຂົ້າໃຈໃຫ້ຖືກຄຳວ່າ “ຫັນເປັນໜຸ່ມ” ແມ່ນແນວທາງຖືກຕ້ອງສອດຄ່ອງທຸກໄລຍະການປະຕິວັດຂອງພັກເຮົາ
ເຂົ້າໃຈໃຫ້ຖືກຄຳວ່າ “ຫັນເປັນໜຸ່ມ” ແມ່ນແນວທາງຖືກຕ້ອງສອດຄ່ອງທຸກໄລຍະການປະຕິວັດຂອງພັກເຮົາ - WhatsApp Image 2020 05 27 at 5 - ເຂົ້າໃຈໃຫ້ຖືກຄຳວ່າ “ຫັນເປັນໜຸ່ມ” ແມ່ນແນວທາງຖືກຕ້ອງສອດຄ່ອງທຸກໄລຍະການປະຕິວັດຂອງພັກເຮົາ
error: Alert: ເນື້ອຫາຂ່າວມີລິຂະສິດ !!