ສາຍພົວພັນ ຫວຽດນາມ-ລາວ “ເຂົ້າເມັດຫັກ ຜັກເສັ້ນໜຶ່ງກໍແບ່ງກັນກິນ”

- vnlao PIWY - ສາຍພົວພັນ ຫວຽດນາມ-ລາວ “ເຂົ້າເມັດຫັກ ຜັກເສັ້ນໜຶ່ງກໍແບ່ງກັນກິນ”
- Untitled design - ສາຍພົວພັນ ຫວຽດນາມ-ລາວ “ເຂົ້າເມັດຫັກ ຜັກເສັ້ນໜຶ່ງກໍແບ່ງກັນກິນ”

ເນື່ອງໃນໂອກາດເຂົ້າຮ່ວມກອງປະຊຸມຄະນະກຳມະການພົວພັນຮ່ວມມືຫວຽດນາມ-ລາວຄັ້ງທີ 43 ຈັດຂຶ້ນຢູ່ທີ່ ຮ່າໂນ້ຍ ໃນວັນທີ 6 ທັນວາ, ທ່ານນາຍົກລັດຖະມົນຕີ ຫວຽດນາມ ຫງວຽນຊວັນຟຸກ ກ່າວວ່າ: ສອງຝ່າຍເຫັນດີນຳກັນວ່າ 5 ປີທີ່ຜ່ານມານັ້ນ ສອງປະເທດໄດ້ມີການພົວພັນຮ່ວມມືກັນຢ່າງຮອບດ້ານ ແລະ ໃນປີ 2020 ນີ້ ກໍມີບາດກ້າວຂະຫຍາຍຕົວໃໝ່ທີ່ຕັ້ງໜ້າກວ່າເກົ່າ ເຖິງແມ່ນວ່າສະຖານະການຂອງໂລກ, ພາກພື້ນມີຫຼາຍອັນຜັນແປໄປຢ່າງສັບສົນ ໂດຍສະເພາະແມ່ນການລະບາດຂອງເຊື້ອໄວຣັດໂຄໂຣນາ, ໄພພິບັດທາງທຳມະຊາດ, ເກີດໄພນໍ້າຖ້ວມ, ພາຍຸຖະຫຼົ່ມ…

ສຳລັບທິດທາງການຮ່ວມມືໃນຕໍ່ໜ້າ ທ່ານ ຫງວຽນຊວັນຟຸກ ຢືນຢັນວ່າ: ພາຍຫຼັງກອງປະຊຸມນີ້ແລ້ວ, ລັດຖະບານຫວຽດນາມຈະສຸມໃສ່ຊີ້ນຳບັນດາຂະແໜງການຂັ້ນສູນກາງ ແລະ ທ້ອງຖິ່ນ, ຫົວໜ່ວຍທຸລະກິດ ແລະ ອົງການທີ່ກ່ຽວຂ້ອງສົມທົບຢ່າງແໜ້ນແຟ້ນກັບຝ່າຍລາວ ເພື່ອຜັນຂະຫຍາຍຜົນສຳເລັດຂອງການສັນຍາຮ່ວມມື, ສ້າງເງື່ອນໄຂອຳນວຍຄວາມສະດວກທີ່ດີທີ່ສຸດໃຫ້ແກ່ບັນດາຫົວໜ່ວຍທຸລະກິດໄດ້ລົງທຶນ, ດຳເນີນການຜະລິດຢູ່ໃນລາວໃຫ້ມີປະສິດທິຜົນກວ່າເກົ່າ.

ດ້ານຂອງທ່ານ ທອງລຸນ ສີສຸລິດ ນາຍົກລັດຖະມົນຕີຂອງລາວກ່າວວ່າ: ກອງປະຊຸມຄັ້ງນີ້ມີຜົນສຳເລັດຢ່າງຈົບງາມທີ່ບໍ່ເຄີຍມີມາກ່ອນ. ລາວຕີລາຄາສູງການພັດທະນາເສດຖະກິດ-ສັງຄົມຂອງຫວຽດນາມ, ຫວຽດນາມ ເປັນເພື່ອນ, ເປັນສະຫາຍທີ່ໃກ້ສິດ, ສະໜິດສະໜົມທີ່ສຸດຂອງປະຊາຊົນລາວ.

ກອງປະຊຸມຄັ້ງນີ້, ຫວຽດນາມໃຫ້ການຊ່ວຍເຫຼືອລາວຫຼາຍໂຄງການ, ພິເສດແມ່ນການເພີ່ມມູນຄ່າການລົງທຶນໃຫ້ແກ່ລາວຕື່ມອີກ 10%  ໂດຍບໍ່ໃຫ້ໃຊ້ແທນຄືນ, ເພີ່ມຈຳນວນນັກຮຽນ, ນັກສຶກສາໄປຮຽນຢູ່ຫວຽດນາມຂຶ້ນອີກ 10%. ພ້ອມກັນນີ້ ຫວຽດນາມຈະສະໜັບສະໜູນ ແລະ ຊ່ວຍເຫຼືອລາວໃນການແກ້ໄຂຄວາມຫຍຸ້ງຍາກທາງດ້ານເສດຖະກິດໃນປັດຈຸບັນ, ຊ່ວຍໃຫ້ລາວມີກຳລັງແຮງທາງດ້ານຊັບພະຍາກອນມະນຸດເພື່ອພັດທະນາປະເທດຊາດໃນໄລຍະຕໍ່ໜ້ານີ້.

- Wave100S AD to Website 2020 0 - ສາຍພົວພັນ ຫວຽດນາມ-ລາວ “ເຂົ້າເມັດຫັກ ຜັກເສັ້ນໜຶ່ງກໍແບ່ງກັນກິນ”

ເຂົ້າຮ່ວມກອງປະຊຸມຄັ້ງນີ້ມີ 30 ຂະແໜງການຂັ້ນສູນກາງ ແລະ ທ້ອງຖິ່ນ, ຫົວໜ່ວຍທຸລະກິດ, ບໍລີສັດໃຫ່ຍໆ ເຂົ້າຮ່ວມ ເພື່ອສຳຫຼວດກວດກາຄືນໃນການພັດທະນາຮອບດ້ານຂອງສອງປະເທດໃນຕໍ່ໜ້າໃຫ້ມີປະສິດທິຜົນກວ່າເກົ່າ.

- WhatsApp Image 2020 05 27 at 5 - ສາຍພົວພັນ ຫວຽດນາມ-ລາວ “ເຂົ້າເມັດຫັກ ຜັກເສັ້ນໜຶ່ງກໍແບ່ງກັນກິນ”
- WhatsApp Image 2020 05 27 at 5 - ສາຍພົວພັນ ຫວຽດນາມ-ລາວ “ເຂົ້າເມັດຫັກ ຜັກເສັ້ນໜຶ່ງກໍແບ່ງກັນກິນ”
error: Alert: ເນື້ອຫາຂ່າວມີລິຂະສິດ !!