ຜູ້ໂດຍສານຕິດໂຄວິດ-19 ເສຍຊີວິດໃນເຮືອບິນອາເມລິກາ

ຜູ້ໂດຍສານຕິດໂຄວິດ-19 ເສຍຊີວິດໃນເຮືອບິນອາເມລິກາ - 1414 5 - ຜູ້ໂດຍສານຕິດໂຄວິດ-19 ເສຍຊີວິດໃນເຮືອບິນອາເມລິກາ
ຜູ້ໂດຍສານຕິດໂຄວິດ-19 ເສຍຊີວິດໃນເຮືອບິນອາເມລິກາ - Untitled design - ຜູ້ໂດຍສານຕິດໂຄວິດ-19 ເສຍຊີວິດໃນເຮືອບິນອາເມລິກາ

ຜູ້​ໂດຍສານ “ຢູ​ໄນ​ເຕັດ ​ແອຣລາຍ” ​ເສຍ​ຊີວິດ​ດ້ວຍ​ຈາກ​ການ​ຕິດ​ເຊື້ອ​ໂຄ​ວິດ-19 ຢູ່​ເຮືອບິນ​ພາຍ​ໃນ​ປະ​ເທດ ຫລັງ​ປົກ​ປິດ​ຂໍ້​ມູນ​ວ່າ​ຕິດ​ເຊື້ອ​ແ​ລ້ວຂຶ້ນ​ເຮືອບິນ​ມາ ກ່ອນ​ເສຍ​ຊີວິດ ມີ​ຜູ້​ໂດຍສານ 3 ຄົນ​ເຂົ້າຊ່ວຍ​ເຫລືອ​ເຮັດ CPR ​ໃຫ້​ນຳ.

​ໃນ​ວັນ​ທີ 20 ທັນວາ, ​ເວັບ​ໄຊ​ຂ່າວ Daily Mail ລາຍ​ງານ​ວ່າ: ​ເຮືອບິນ​ໂດຍສານ​ຖ້ຽວ​ບິນ​ພາຍ​ໃນ​ປະ​ເທດ “UA591” ຂອງ​ສາຍ​ການບິນ “ຢູ​ໄນ​ເຕັດ ​ແອຣລາຍ” ທີ່​ກຳລັງ​ມຸ່ງ​ໜ້າ​ຈາກ​ເມືອງ​ອໍ​ແລນ​ໂດ ​ໃນ​ລັດ​ຟໍຣິດາ ​​ໄປ​ນະຄອນ​ລອສ​ແອນ​ເຈ​ລິ​ສ ​ໃນ​ລັດ​ແຄ​ລິ​ຟໍ​ເນຍ ຕ້ອງ​ລົງ​ຈອດ​ສຸກ​ເສີນ​ຢູ່​ສະໜາມ​ບິນ​ໃນ​ເມືອງ​ນິວອໍ​ລີ​ນ ​ເມື່ອ​ວັນ​ທີ 14 ທັນວາ​ຜ່ານ​ມາ ຫລັງ​ຈາກ​ມີ​ຜູ້​ໂດຍສານ​ຊາຍ​ຄົນ​ໜຶ່ງ​ບໍ່​ສະບາຍ ​ແລະ ​ເສຍ​ຊີວິດ​ຢູ່​ໃນ​ເຮືອບິນ.

ລາຍ​ງານ​ລະບຸ​ວ່າ: ຂະນະ​ທີ່​ຜູ້​ໂດຍສານ​ຄົນ​ນີ້​ບໍ່​ສະບາຍ ມີ​ອາກາດ​ໂຕ​ສັ່ນ ​ແລະ ​ເຫື່ອອອກ, ຫາຍ​ໃຈ​ບໍ່​ອອກ ​ແລ້ວ​ລົ້ມລົງ​ໄປ​ນອນ​ກັບ​ພື້ນ ​ໄດ້​ມີ​ຜູ້​ໂດຍສານ​ອີກ 3 ຄົນ​ອາສາ​ເຂົ້າ​ໄປ​ຊ່ວຍ​ເຮັດ CPR ​ໃຫ້. ຈາກ​ນັ້ນ​ເມື່ອ​ເຮືອບິນ​ລົງ​ຈອດ ​ເຈົ້າໜ້າ​ທີ່​ໜ່ວຍ​ກູ້​ຊີ​ນ​ໄດ້​ຂຶ້ນ​ໄປ​ຊ່ວຍ ພັນ​ລະ​ຍາ​ຂອງ​ຊາຍ​ຄົນ​ນີ້​ບອກ​ກັບ​ເຈົ້າໜ້າ​ທີ່​ວ່າ: ຜົວ​ຂອງ​ນາງ​ມີ​ອາການ​ປ່ວຍ​ໂຄ​ວິດ-19 ນັບ​ແຕ່​ອາທິດ​ຜ່ານ​ມາ ​ແຕ່​ກ່ອນ​ຂຶ້ນ​ເຮືອບິນ ທັງ​ສອງ​ບໍ່​ໄດ້​ແຈ້ງ​ໃຫ້​ເຈົ້າໜ້າ​ທີ່​ສາຍ​ການບິນ​ກ່ອນ.

ໜຶ່ງ​ໃນ​ຜູ້​ໂດຍສານ​ທີ່​ເຂົ້າ​ໄປ​ຊ່ວຍ​ເຮັດ CPR ​ໃຫ້ ​ເປີດ​ເຜີຍ​ວ່າ: ລາວ ​ແລະ ຊາຍ​ອີກ 2 ຄົນ​ໄດ້​ພະຍາຍາມ​ຢ່າງ​ດົນ​ທີ່​ຈະ​ຊ່ວຍ​ຊີວິດ​ຜູ້​ໂດຍສານ​ຄົນ​ນີ້ ​ໂດຍ​ບໍ່​ມີ​ໃຜ​ບອກ​ວ່າ​ຊາຍ​ຄົນ​ນີ້​ຕິດ​ເຊື້ອ​ໂຄ​ວິດ-19 ຈົນ​ກະ​ທັງ​ເຮືອບິນ​ລົງ​ຈອດ ​ແລະ ໜ່ວຍ​ກູ້​ຊີບ​ສະໜາມ​ບິນ​ເດີນທາງ​ມາ​ເຖິງ. ລາວ​ບອກ​ວ່າ: ປັດຈຸບັນ​ກຳລັງ​ລໍຖ້າ​ຜົນ​ກວດ​ຂອງ​ຕົນ​ເອງ​ວ່າ​ຕິດ​ໂຄ​ວິດ-19 ຈາກ​ເຫດການ​ນີ້ ຫລື ບໍ່ ​ແລະ ​ເຖິງ​ຈະ​ສ່ຽງ​ຫລາຍ ​ແຕ່​ກໍ​ດີ​ໃຈ​ທີ່​ໄດ້​ພະຍາຍາມ​ຊ່ວຍ​ຊີວິດ​ຊາຍ​ຄົນ​ນີ້ ​ເຖິງ​ວ່າ​ຈະ​ບໍ່​ສຳ​ເລັດ​ກໍ​ຕາມ.

ຜູ້ໂດຍສານຕິດໂຄວິດ-19 ເສຍຊີວິດໃນເຮືອບິນອາເມລິກາ - Wave100S AD to Website 2020 0 - ຜູ້ໂດຍສານຕິດໂຄວິດ-19 ເສຍຊີວິດໃນເຮືອບິນອາເມລິກາ

ກ່ອນ​ໜ້າ​ນີ້, ​ໃນ​ວັນ​ທີ 19 ທັນວາ ສາຍ​ການບິນ​ຢູ​ໄນ​ເຕັດ ​ແອຣລາຍ ​ແລະ ສູນ​ຄວບ​ຄຸມພະ​ຍາດຕິ​ດຕໍ່​ຂອງ​ອາ​ເມ​ລິ​ກາ (Centers for Disease Control-CDC) ຢືນຢັນ​ຜົນ​ກວດ​ວ່າ​ຜູ້​ໂດຍສານ​ຊາຍ​ທີ່​ເສຍ​ຊີວິດ ຕິດ​ໂຄ​ວິດ-19 ​ແທ້ ​ໂດຍ​ມີ​ການ​ກັກ​ຕົວ​ລູກ​ເຮືອ​ໃນ​ຖ້ຽວ​ບິນ​ນີ້ ​ແລະ ຂໍ​ໃຫ້​ຜູ້​ໂດຍສານ​ທຸກ​ຄົນ​ໃນ​ຖ້ຽວ​ບິນ​ນີ້​ຟ້າວ​ໄປ​ກວດ​ຮ່າງກາຍ.

​ເມື່ອ​ວັນ​ທີ 20 ທັນວາ, ກະຊວງ​ສາທາລະນະ​ສຸກ​ອາ​ເມ​ລິ​ກາ ​ເປີດ​ເຜີຍ​ຕົວ​ເລກ​ຜູ້​ຕິດ​ເຊື້ອ​ໂຄ​ວິດ-19 ​ເພີ່ມ​ອີກ 141.591 ຄົນ ສົ່ງ​ຜົນ​​ໃຫ້​ຈຳນວນ​ຜູ້​ຕິດ​ເຊື້ອສະ​ສົມ​ມີ​ທັງ​ໝົດ 18,2 ລ້ານ​ກວ່າ​ຄົນ, ມີຜູ້​ເສຍ​ຊີວິດ 324.574 ຄົນ.

ຜູ້ໂດຍສານຕິດໂຄວິດ-19 ເສຍຊີວິດໃນເຮືອບິນອາເມລິກາ - WhatsApp Image 2020 05 27 at 5 - ຜູ້ໂດຍສານຕິດໂຄວິດ-19 ເສຍຊີວິດໃນເຮືອບິນອາເມລິກາ
ຜູ້ໂດຍສານຕິດໂຄວິດ-19 ເສຍຊີວິດໃນເຮືອບິນອາເມລິກາ - WhatsApp Image 2020 05 27 at 5 - ຜູ້ໂດຍສານຕິດໂຄວິດ-19 ເສຍຊີວິດໃນເຮືອບິນອາເມລິກາ
error: Alert: ເນື້ອຫາຂ່າວມີລິຂະສິດ !!