ສະບາຍດີປີໃໝ່ 2021

ສະບາຍດີປີໃໝ່ 2021 - NY1 - ສະບາຍດີປີໃໝ່ 2021
ສະບາຍດີປີໃໝ່ 2021 - Untitled design - ສະບາຍດີປີໃໝ່ 2021

ສະບາຍດີ, ເພື່ອນຜູ້ອ່ານທີ່ຮັກແພງ, ມື້ນີ້ປີເກົ່າ 2020 ກໍໄດ້ຜ່ານພົ້ນໄປ ແລະ ປີໃໝ່ 2021 ກໍເຂົ້າມາປ່ຽນ ແທນ, ທ່ຽງທຳໃນນາມຜູ້ຂຽນ ຄໍລຳສະບາຍດີຕອນເຊົ້ານີ້, ກໍຂໍອວຍພອນໃຫ້ເພື່ອນຜູ້ອ່ານທຸກຖ້ວນໜ້າ, ຈົ່ງມີໂຊກມີໄຊອອກປີໃໝ່ຟ້າໃໝ່ກໍຂໍໃຫ້ມີສຸຂະພາບເຂັ້ມແຂງ, ມີຄວາມສຸກສົມບູນໃນໜ້າທີ່ການງານ ແລະ ຊີວິດ, ກຽມຈິດກຽມໃຈກ້າວສູ່ປີໃໝ່, ສິ່ງໃດບໍ່ດີໃຫ້ຖິ້ມໃຫ້ປະໄປນຳປີເກົ່າ ແລະ ຫັນມາເຮັດອັນໃໝ່ທີ່ມີປະສິດທິຜົນດີກວ່າ. ກໍດັ່ງ, ທ່ານ ນາຍົກລັດຖະມົນຕີ ທອງລຸນ ສີສຸລິດ ເພິ່ນກໍໄດ້ແນະນຳຫລາຍໜ້າວຽກໃຫ້ສະມາຊິກລັດຖະບານເອົາໃຈໃສ່ຈັດຕັ້ງປະຕິບັດໃຫ້ສຳເລັດຜົນໃນປີໃໝ່ນີ້ຄື: ໃຫ້ສຶບຕໍ່ເອົາໃຈໃສ່ສ້າງແຜນແມ່ບົດຈັດສັນຄວາມເປັນລະບຽບຮຽບຮ້ອຍໃນສັງຄົມໃຫ້ສຳເລັດ ເພື່ອແນໃສ່ແກ້ໄຂປະກົດການຫຍໍ້ທໍ້ຕ່າງໆໃນສັງຄົມໃຫ້ມີປະສິດທິຜົນກວ່າເກົ່າເຊັ່ນ: ບັນຫາຢາເສບຕິດ, ອຸປະຕິເຫດ, ປຸ້ນຈີ້ຊີງຊັບ, ລັກຊັບ ແລະ ສະພາບບໍ່ດີຕ່າງໆໃຫ້ໝົດໄປ.

ສະບາຍດີປີໃໝ່ 2021 - happy new year 2020 greeting video firework design template dd8457880cd465a8c53994acee32f13a screen 300x169 - ສະບາຍດີປີໃໝ່ 2021

ສືບຕໍ່ຕິດຕາມຢ່າງໃກ້ຊິດກ່ຽວກັບສະພາບການຂອງພາກພື້ນ ແລະ ສາກົນທີ່ພວມຜັນແປໄປຢ່າງສະຫລັບຊັບຊ້ອນ ແລະ ອາດມີຜົນກະທົບຕໍ່ດ້ານການເມືອງ, ເສດຖະກິດ-ສັງຄົມຢູ່ປະເທດເຮົາ ແລະ ກຽມຄວາມພ້ອມປ້ອງກັນຄວາມສ່ຽງຕ່າງໆທີ່ ອາດເກີດຂຶ້ນໃຫ້ທັນເວລາ, ໃຫ້ທຸກຂະແໜງການເສດຖະກິດ ເລັ່ງເຜີຍແຜ່ ແລະ ຊຸກຍູ້ການຈັດຕັ້ງປະຕິບັດດໍາລັດວ່າດ້ວຍການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ, ແຜນງົບປະມານແຫ່ງລັດປີ 2021 ໃຫ້ທົ່ວເຖິງ, ເຊິ່ງດໍາລັດດັ່ງກ່າວໄດ້ກໍານົດບັນດາຄາດໝາຍສູ້ຊົນ ແລະ ວຽກງານຈຸດສຸມຂອງລັດຖະບານຫລາຍດ້ານຄື: ການຊຸກຍູ້ການເຕີບໃຫຍ່ຂອງເສດຖະກິດ, ການຄຸ້ມຄອງການເງິນ- ງົບປະມານ- ເງິນຕາ, ປັບປຸງສະພາບແວດລ້ອມການດໍາເນີນທຸລະກິດ, ຊຸກຍູ້ສົ່ງເສີມການຜະລິດ ແລະ ບໍລິການ, ພັດທະນາທາງດ້ານວັດທະນາທໍາ-ສັງຄົມ ແລະ ແກ້ໄຂຄວາມທຸກຍາກ, ການຄົ້ນ ຄວ້າ ແລະ ຈັດຕັ້ງປະຕິບັດເປົ້າ ໝາຍການພັດທະນາແບບຍືນຍົງ, ການບໍລິຫານລັດ, ການເຄື່ອນໄຫວຂອງຜູ້ປະກອບການ, ການປັບປຸງນິຕິກໍາ ແລະ ການສ້າງສະພາບແວດລ້ອມທີ່ດີໃຫ້ແກ່ການພັດທະນາ. ໃຫ້ເອົາໃຈ ໃສ່ການຊຸກຍູ້ການຈັດຕັ້ງປະຕິບັດບັນດາໂຄງການຮ່ວມມືກັບປະເທດເພື່ອນມິດ ແລະ ສາກົນເປັນຕົ້ນ: ການຊ່ວຍເຫລືອຂອງ ສປ ຈີນ, ສສ ຫວຽດນາມ, ໂຄງການທີ່ສະພາແຫ່ງຊາດໄດ້ຮັບຮອງແລ້ວໃຫ້ຮີບຮ້ອນປະສານ ສົມທົບກັບຜູ້ໃຫ້ທຶນກູ້ຢືມ ເພື່ອຈັດຕັ້ງປະຕິບັດໂດຍໄວ ແລະ ເນັ້ນ ໃສ່ໂຄງການທີ່ມີປະສິດທິຜົນ ເພື່ອບໍ່ໃຫ້ມີໜີ້ສີນເພີ່ມຂຶ້ນ.

ສ່ວນບັນດາໂຄງການລົງທຶນຂະໜາດ ໃຫຍ່ທີ່ພວມດໍາເນີນຢູ່ນີ້ ເປັນຕົ້ນ: ໂຄງການກໍ່ສ້າງເສັ້ນທາງລົດໄຟ ລາວ-ຈີນ, ໂຄງການພັດທະນາຕາມນະໂຍບາຍ 1 ແລວທາງ 1 ເສັ້ນທາງ, ການພັດທະນາເຂດເສດຖະກິດພິເສດ ແລະ ໂຄງການອື່ນໆ ແມ່ນສຶບຕໍ່ຊຸກຍູ້ການຈັດຕັ້ງປະຕິບັດໃຫ້ໄປຕາມແຜນການວາງໄວ້. ນອກນີ້, ຕ້ອງເອົາໃຈໃສ່ ປັບປຸງສະພາບແວດລ້ອມຂອງການດໍາເນີນທຸລະກິດ, ໂດຍສະເພາະສຸມໃສ່ແກ້ບັນຫາຄວາມບໍ່ສະດວກໃນການດໍາເນີນທຸລະກິດ ແລະ ການອະນຸມັດການລົງ ທຶນຜ່ານປະຕູດຽວໃຫ້ວ່ອງໄວ, ໂປ່ງໃສ ແລະ ສອດຄ່ອງຕາມລະບຽບກົດໝາຍ, ພ້ອມທັງສືບຕໍ່ ປະຕິບັດແຜນພັດທະນາວິສາຫະກິດຂະໜາດນ້ອຍ ແລະ ກາງທີ່ລັດຖະບານໄດ້ປະກາດໃຊ້ແລ້ວນັ້ນໃຫ້ມີປະສິດທິຜົນດີເພື່ອຊຸກຍູ້ໃຫ້ວິສາຫະກິດດັ່ງກ່າວມີຄວາມເຂັ້ມແຂງເທື່ອລະກ້າວ. ພ້ອມນີ້, ກໍໃຫ້ສືບຕໍ່ຄຸ້ມຄອງ ແລະ ແກ້ໄຂການລົງທຶນ, ເຄື່ອນໄຫວທຸລະກິດ ແລະ ບໍລິການຕ່າງໆທີ່ບໍ່ສອດຄ່ອງກັບລະບຽບກົດໝາຍ, ໂດຍສະເພາະແມ່ນການລັກລອບຂຸດຄົ້ນ ແລະ ສົ່ງອອກໄມ້, ການລັກລອບຂຸດຄົ້ນແຮ່ທາດ ແລະ ຊັບພະຍາກອນທໍາມະຊາດໃຫ້ໄດ້ຮັບການແກ້ໄຂຢ່າງຂາດຕົວ.

ສະບາຍດີປີໃໝ່ 2021 - Wave100S AD to Website 2020 0 - ສະບາຍດີປີໃໝ່ 2021

ໃນໂອກາດນີ້ຄໍລຳສະບາຍດີຕອນເຊົ້າກໍຫວັງຢ່າງຍິ່ງວ່າ: ຈະໄດ້ຮັບການຮ່ວມມືຊ່ວຍເຫລືອຈາກເພື່ອນຜູ້ອ່ານຕະຫລອດໄປ, ເພື່ອເຮັດແນວໃດໃຫ້ພວກເຮົາໄດ້ພ້ອມກັນປະກອບສ່ວນເຂົ້າໃນການສ້າງສາພັດທະນາປະເທດຊາດບ້ານເມືອງເຮົານັບມື້ເຕີບໃຫຍ່ເຂັ້ມແຂງ ແລະ ຮຸ່ງເຮືອງສີວິໄລ.

ສະບາຍດີປີໃໝ່ 2021 - WhatsApp Image 2020 05 27 at 5 - ສະບາຍດີປີໃໝ່ 2021
ສະບາຍດີປີໃໝ່ 2021 - WhatsApp Image 2020 05 27 at 5 - ສະບາຍດີປີໃໝ່ 2021
error: Alert: ເນື້ອຫາຂ່າວມີລິຂະສິດ !!