ຫຼາຍກວ່າ 40 ປະເທດຈຳກັດການໄປປະເທດອັງກິດ ເພາະເຊື້ອໄວຣັດໂຄໂຣນາ ກາຍພັນ

ສຳນັກຂ່າວຕ່າງປະເທດ AFP ລາຍງານ ເມື່ອວັນທີ 23 ທັນວານີ້ວ່າ ເມື່ອໄລ່ມາເຖິງວັນທີ 23 ທັນວານີ້ ມີຫຼາຍກວ່າ 40 ປະເທດແລ້ວ ທີ່ຈຳກັດການເດີນທາງໄປທີ່ປະເທດອັງກິດ ອັນເນື່ອງຈາກວ່າປະເທດນີ້ກວດພົບເຊື້ອໄວຣັດໂຄໂຣນາ ກາຍພັນຊະນິດໃໝ່ ຊຶ່ງມີການແຜ່ລະບາດຢ່າງໄວວາ.

ສະກ໊ອດແລນ, ຝຣັ່ງ, ເຢຍລະມັນ, ໄອແລນ, ເນເທີແລນ, ສະເປນ…ລ້ວນແຕ່ມີມາດຕະການຈຳກັດພົນລະເມືອງຂອງຕົນເດີນທາງໄປອັງກິດ ທັງມີມາດຕະການທີ່ເຄັ່ງຄັດຕໍ່ຜູ້ທີ່ເດີນທາງຈາກອັງກິດຈະເຂົ້າປະເທດ ຕ້ອງມີຜົນກວດເປັນລົບ ແລະ ຕ້ອງໄດ້ກັກຕົວຕາມລະບຽບການ.