ເສດຖະກິດອິດສະລາແອນອາດເຕີບໃຫຍ່ເຖິງ 7% ເພາະສັກວັກຊີນໂຄວິດ-19 ແລ້ວໄວ

ເສດຖະກິດອິດສະລາແອນອາດເຕີບໃຫຍ່ເຖິງ 7% ເພາະສັກວັກຊີນໂຄວິດ-19 ແລ້ວໄວ - 135650324 1506132586422681 7150175203363626615 o - ເສດຖະກິດອິດສະລາແອນອາດເຕີບໃຫຍ່ເຖິງ 7% ເພາະສັກວັກຊີນໂຄວິດ-19 ແລ້ວໄວ
ເສດຖະກິດອິດສະລາແອນອາດເຕີບໃຫຍ່ເຖິງ 7% ເພາະສັກວັກຊີນໂຄວິດ-19 ແລ້ວໄວ - Untitled design - ເສດຖະກິດອິດສະລາແອນອາດເຕີບໃຫຍ່ເຖິງ 7% ເພາະສັກວັກຊີນໂຄວິດ-19 ແລ້ວໄວ

ການ​ສັກ​ວັກ​ຊີ​ນ​ໂຄ​ວິດ-19 ​ໃຫ້​ປະຊາຊົນ 1 ລ້ານ​ກວ່າ​ຄົນບໍ່​ຮອດ​ເດືອນ ຈົນ​ກາຍ​ເປັນ​ປະ​ເທດ​ທີ່​ສັກ​ວັກ​ຊີ​ນ​ໂຄ​ວິດ-19 ​ໃຫ້​ປະຊາຊົນ​ໄວ​ທີ່​ສຸດ​ໃນ​ໂລກ ​ເປັນ​ຜົນສຳ​ເລັດ​ທີ່​ລັດຖະບານ​ອິດສະ​ລາ​ແອນ​ອ້າງ​ວ່າ: ຈະ​ນຳ​ໄປ​ສູ່​ການພົ້ນວິ​ກິດ​ໂຄ​ວິດ-19 ​ໄດ້​ພາຍ​ໃນ​ເດືອນ​ໜ້າ ​ແລະ ອາດ​ເຮັດ​ໃຫ້​ເສດຖະກິດ​ອິດສະ​ລາ​ແອນ​ກັບ​ມາຟື້ນຕົວຢ່າງ​ວ່ອງ​ໄວ ສວນ​ກະ​ແສ​ໂລກ.

ປັດ​ໄຈ​ຫຍັງ​ທີ່​ເຮັດ​ໃຫ້​ອິດສະ​ລາ​ແອນ​ໝັ້ນ​ໃຈ​ແບບ​ນີ້ ​ແລະ ລັດຖະບານ​ອິດສະ​ລາ​ແອນ​ເຮັດ​ແນວ​ໃດ ຈຶ່ງ​ກະຈາຍ​ວັກ​ຊີ​ນ​ໂຄ​ວິດ-19 ​ເຖິງ​ປະຊາຊົນ​ຢ່າງ​ວ່ອງ​ໄວ. ມື້ນີ້​ເຮົາ​ມີ​ຄຳ​ຕອບ.

​ໃນ​ຕອນ​ນີ້​ອິດສະ​ລາ​ແອນ​ສັກ​ວັກ​ຊີ​ນ​ໃຫ້​ປະຊາຊົນ​ແລ້ວ 1 ລ້ານ​ກວ່າ​ຄົນ ​ເຊິ່ງ​ເທົ່າ​ກັບ​ສັກ​ໄປ​ແລ້ວ​ປະມານ 11,55% ຂອງ​ປະຊາກອນ​ທັງ​ໝົດ​ປະມານ 9 ລ້ານ​ຄົນ ​ໂດຍ​ເຄີຍ​ສ້າງ​ສະຖິຕິ​ສັກ​ວັກ​ຊີ​ນ​ໂຄ​ວິດ-19 ​ໃຫ້​ປະຊາຊົນ​ສູງ​ສຸດ​ເຖິງ 150.000 ຄົນ​ໃນ​ມື້ດຽວ ​ເຊິ່ງກຸ່ມ​ທຳ​ອິດ​ທີ່​ໄດ້​ຮັບ​ວັກ​ຊີ​ນຍັງ​ເປັນ​ຜູ້​ອາຍຸ​ສູງ, ບຸກຄະລາ​ກອນ​ທາງ​ການ​ແພດ ​ແລະ ຜູ້​ຕິດ​ເຊື້ອອາການ​ສາຫັດ.

ຄວາມ​ຄືບ​ໜ້າການ​ສັກ​ວັກ​ຊີ​ນ​ໂຄ​ວິດ-19 ທີ່​ວ່ອງ​ໄວ ​ເຮັດ​ໃຫ້​ທ່ານ ​ເບັນ​ຈາ​ມິນ ​ເນ​ຕັນ​ຢາ​ຮູ ນາຍົກລັດຖະມົນຕີອິດສະລາ​ແອນ ​ເຊື່ອ​ໝັ້ນວ່າ: ອິດສະ​ລາ​ແອນ​ຈະ​ເປັນ​ປະ​ເທດ​ທຳ​ອິດ​ຂອງ​ໂລກ​ທີ່​ຫລຸດ​ພົ້ນວິ​ກິດ​ໂຄ​ວິດ-19 ພາຍ​ໃນ​ເດືອນ​ກຸມພາ​ນີ້.

​ເຊັ່ນ​ດຽວ​ກັບ​ນັກ​ເສດຖະສາດ​ໃນ​ອິດສະ​ລາ​ແອນ​ຊີ້​ວ່າ: ການ​ສັກ​ວັກ​ຊີ​ນ​ໂຄ​ວິດ-19 ອາດ​ເຮັດ​ໃຫ້​ເສດຖະກິດ​ອິດສະ​ລາ​ແອນ​ໃນ​ປີ​ນີ້​ເຕີບ​ໃຫຍ່​​ເຖິງ 7% ​ໂດຍ​ຈະ​ເລີ່​ມ​ເຫັນ​ເສດຖະກິດ​ກັບ​ມາ​ຟື້ນຕົວ​ທັນທີ​ເມື່ອ​ເລີ່​ມ​ເຂົ້າສູ່​ໄຕ​ມາດ 2 ​ໄວ​ຂຶ້ນກວ່າ​ເກົ່າ​ທີ່​ຫລາຍ​ຝ່າຍ​ຄາດ​ວ່າ​ເສດຖະກິດ​ອິດສະ​ລາ​ແອນ​ອາດ​ຈະ​ເລີ່​ມກັບ​ມາ​ດີ​ຂຶ້ນ​ເມື່ອ​ຜ່ານ​ກາງ​ປີ​ໄປ​ແລ້ວ.

ລັດຖະບານ​ອິດສະ​ລາ​ແອນ​ເລືອກ​ໃຊ້​ວັກ​ຊີ​ນ​ໂຄ​ວິດ-19 ທີ່​ພັດທະນາ​ໂດຍ​ບໍລິສັດ​ Pfizer ​ແລະ BioNTech ​ໂດຍ​ບໍ່​ຍອມ​ເປີດ​ເຜີຍ​ຈຳນວນ​ທີ່​ສັ່ງ​ຊື້ ລວມທັງ​ງົບປະມານ​ທີ່​ຕ້ອງ​ຈ່າຍ​ຄ່າ​ວັກ​ຊີ​ນ​ໃຫ້​ຄົນ​ທົ່ວ​ປະ​ເທດ, ​ແຕ່​ມີ​ການ​ເປີດ​ເຜີຍ​ວ່າ: ລັດຖະບານ​ອິດສະລ​າ​ແອນ​ໃຊ້​ວິທີ​ສັ່ງ​ຈອງ​ລ່ວງ​ໜ້າ​​ແຕ່​ເນີ້​ນໆ ​ແລະ ທຸ້ມ​ເງິນ​ຊື້​ໃນ​ລາຄາ​ທີ່​ສູງ​ກວ່າ​ປົກກະຕິ ​ເພື່ອ​ໃຫ້​ໄດ້​ວັກ​ຊີ​ນກ່ອນ.

ເສດຖະກິດອິດສະລາແອນອາດເຕີບໃຫຍ່ເຖິງ 7% ເພາະສັກວັກຊີນໂຄວິດ-19 ແລ້ວໄວ - Wave100S AD to Website 2020 0 - ເສດຖະກິດອິດສະລາແອນອາດເຕີບໃຫຍ່ເຖິງ 7% ເພາະສັກວັກຊີນໂຄວິດ-19 ແລ້ວໄວ

​ເຖິງ​ວ່າ​ຈະ​ຕ້ອງ​ຊື້ວັກ​ຊີ​ນ​ໃນ​ລາຄາ​ທີ່​ແພງ​ກວ່າ, ​ແຕ່​ລັດຖະມົນຕີ​ສາທາລະນະ​ສຸກ​ອິດສະ​ລາ​ແອນ​ເບິ່ງ​ວ່າ: ລາຄາ​ທີ່​ຕ້ອງ​ຈ່າຍ​ເພີ່ມ​ນັ້ນກຸ້ມ​ຄ່າ​ເມື່ອ​ທຽບ​ໃສ່​ເສດຖະກິດ​ທີ່​ຈະ​ເປີດ​ໄດ້​ໄວຂຶ້ນ, ​ເຖິງ​ວ່າ​ສຸດ​ທ້າຍ​ອາດ​ໄວ​ກວ່າ​ປະ​ເທດ​ອື່ນ​ພຽງ​ອາທິດ​ດຽວ​ກໍ​ຍັງ​ກຸ້ມ​ຄ່າ. ​ເຊັ່ນ​ດຽວ​ກັບ​ຫລາຍ​ຝ່າຍ​ຍ້ອງຍໍ​ວ່າ: ລັດຖະບານ​ອິດສະ​ລາ​ແອນ​ວາງ​ຍຸດ​ທະ​ສາດ​ນີ້​ໄດ້​ຢ່າງ​ຖືກຕ້ອງ.

ນອກຈາກ​ຜົນສຳ​ເລັດ​ໃນ​ການ​ຊື້ວັກ​ຊີ​ນ​ໂຄ​ວິດ-19 ກ່ອນ​ປະ​ເທດ​ອື່ນ​ແລ້ວ, ອີກ​ປັດ​ໄຈ​ຜົນສຳ​ເລັດ​ຍັງ​ຢູ່​ທີ່​ລະບົບ​ສາທາລະນະ​ສຸກ​ຂອງ​ປະ​ເທດ​ທີ່​ເອີ້ນ​ວ່າ: HMO ​ເຮັດ​ໜ້າ​ທີ່​ປະສານ​ງານ​ຜູ້​ມີ​ສິດ​ໄດ້​ຮັບ​ວັກ​ຊີ​ນ ຈົນກະທັ້ງຈັດຕັ້ງສູນ​ຮັບ​ວັກ​ຊີ​ນຕາມ​ແຫ​ລ່ງຊຸມ​ຊົນ​ຕ່າງໆ​ໄດ້​ຢ່າງ​ທົ່ວ​ເຖິງ.

ລັດຖະບານ​ອິດສະ​ລາ​ແອນ​ຍັງ​ແກ້​ໄຂ​ບັນຫາ​ຄວາມ​ບໍ່​ໝັ້ນ​ໃຈ​ໃນ​ວັກ​ຊີນ​ໂຄ​ວິດ-19 ​ໂດຍ​ສະ​ເພາະ​ກັບ​ກຸ່ມ​ຄົນ​ເຊື້ອສາຍ​ອາຣັບ ​ໂດຍ​ທ່ານ ​ເບັນ​ຈາ​ມິນ ​ເນ​ຕັນ​ຢາ​ຮູ ນາຍົກລັດຖະມົນຕີອິດສະລາ​ແອນ ລົງ​ມາ​​​ເບິ່ງ​ແຍງ​ເລື່ອງ​ນີ້​ດ້ວຍ​ຕົນ​ເອງ ຜ່ານ​ການ​ສັກ​ວັກ​ຊີ​ນ​ໂຄ​ວິດ-19 ​ເປັນ​ຄົນ​ທຳ​ອິດ​ເພື່ອ​ສ້າງ​ຄວາມ​ໝັ້ນ​ໃຈ​ໃຫ້​ສາທາລະນະ ລວມທັງ​ການ​ສື່ສານ​ໂດຍ​ກົງ​ຜ່ານ​ການ​ສົ່ງ​ຂໍ້ຄວາມ​ສຽງ​ຫາ​ຄົນ​ອາຣັບທີ່​ອາດ​ບໍ່​ໝັ້ນ​ໃຈ ​ໂດຍ​ປຽບທຽບ​ວ່າ: ວັກ​ຊີ​ນ​ໂຄ​ວິດ-19 ​ເປັນ​ຄື​ສິ່ງ​ສັກສິດ​ສຳລັບ​ທຸກ​ຄົນ.

ຜູ້ນຳ​ອິດສະ​ລາ​ແອນ​ຍັງ​ກ່າວ​ເຖິງ​ການ​ສັກ​ວັກ​ຊີ​ນທີ່​ຕ້ອງ​ເຂົ້າ​ເຖິງ​ຄົນ​ທຸກ​ກຸ່ມ, ທຸກ​ເຊື້ອຊາດ ​ໂດຍ​ສະ​ເພາະ​ພົນລະ​ເມືອງ​ອິດສະລ​າ​ແອນ​ທີ່​ມີ​ເຊື້ອສາຍ​ອາຣັບ ​ເຊິ່ງມັກ​ຖືກ​ດູ​ຖູ​ກ​ໃນ​ສັງຄົມ ​ໂດຍ​ຊີ້​ວ່າ: ການ​ສັກ​ວັກ​ຊີ​ນ​ໂຄ​ວິດ-19 ​ໃຫ້​ຄົນ​ເຊື້ອສາຍ​ອາຣັບ​ເປັນ​ເລື່ອງ​ສຳຄັນ ​ເພາະ​ວັກ​ຊີ​ນຈະ​ຊ່ວຍ​ຮັກສາ​ຊີວິດ.

ທ້າຍ​ທີ່​ສຸດ​ແລ້ວ ນັກວິ​ເຄາະ​ເບິ່ງ​ວ່າ: ​ແຮງ​ຈູງ​ໃຈ​ໃຫ້​ລັດຖະບານ​ອິດສະ​ລາ​ແອນ​ເລັ່ງສັກ​ວັກ​ຊີ​ນ​ໂຄ​ວິດ-19 ​ໃຫ້​ປະຊາຊົນ ​ເພື່ອ​ເປີດ​ເສດຖະກິດ ຄື​ປັດ​ໄຈ​ທາງ​ການ​ເມືອງ ​ເນື່ອງ​ຈາກ​ອິດສະ​ລາ​ແອນ​ກຳລັງ​ຈະ​ມີ​ການ​ເລືອກ​ຕັ້ງ​ໃນ​ເດືອນ​ມີນາ​ນີ້ ​ເຊິ່ງ​​ໃນ​ປີຜ່ານມາ ລັດຖະບານ​ຂອງ​ທ່ານ ​ເນ​ຕັນ​ຢາ​ຮູ ຖືກ​ວິຈານ​ຢ່າງ​ໜັກ​ວ່າ: ບໍ່​ມີ​ປະສິດທິພາບ​ຮັບ​ມື​ພະຍາດ​ລະບາດ. ດັ່ງນັ້ນ ຖ້າ​ລັດຖະບານ​ອິດສະ​ລາ​ແອນ​ຍິ່ງ​ກັບ​ມາ​ເປີດ​ເສດຖະກິດ​ໄດ້​ກ່ອນ​ເດືອນ​ມີນາ​ນີ້ ຈະ​ເປັນ​ເກາະ​ປ້ອງ​ກັນ​ຢ່າງ​ດີ​ໃນ​ການ​ຮັກສາ​ຕັ່ງ​ລັດຖະບານ​ຫລັງ​ເລືອກ​ຕັ້ງຕໍ່​ໄປ​ໄດ້.

ເສດຖະກິດອິດສະລາແອນອາດເຕີບໃຫຍ່ເຖິງ 7% ເພາະສັກວັກຊີນໂຄວິດ-19 ແລ້ວໄວ - WhatsApp Image 2020 05 27 at 5 - ເສດຖະກິດອິດສະລາແອນອາດເຕີບໃຫຍ່ເຖິງ 7% ເພາະສັກວັກຊີນໂຄວິດ-19 ແລ້ວໄວ
ເສດຖະກິດອິດສະລາແອນອາດເຕີບໃຫຍ່ເຖິງ 7% ເພາະສັກວັກຊີນໂຄວິດ-19 ແລ້ວໄວ - WhatsApp Image 2020 05 27 at 5 - ເສດຖະກິດອິດສະລາແອນອາດເຕີບໃຫຍ່ເຖິງ 7% ເພາະສັກວັກຊີນໂຄວິດ-19 ແລ້ວໄວ
error: Alert: ເນື້ອຫາຂ່າວມີລິຂະສິດ !!