ລັດຖະບານອອກແຈ້ງການກ່ຽວກັບການສະເຫລີມສະຫລອງປີໃໝ່ ພສ 2560.

- advert banner 728 90 728x90 - ລັດຖະບານອອກແຈ້ງການກ່ຽວກັບການສະເຫລີມສະຫລອງປີໃໝ່ ພສ 2560.
- Laos Festivals Events 300x200 - ລັດຖະບານອອກແຈ້ງການກ່ຽວກັບການສະເຫລີມສະຫລອງປີໃໝ່ ພສ 2560.
ພາບປະກອບ

ເມື່ອມໍ່ມານີ້ຫ້ອງການສຳນັກງານນາຍົກລັດຖະມົນຕີໄດ້ອອກແຈ້ງການກ່ຽວກັບການສະຫລອງບຸນປີໃໝ່ລາວ ພສ 2560 ເຖິງພະນັກງານ-ລັດຖະກອນ, ທະຫານ, ຕໍາຫລວດ ຕະຫລອດຮອດປະຊາຊົນລາວບັນດາເຜົ່າໃນທົ່ວປະເທດຊາບວ່າ: ປີໃໝ່ລາວປີນີ້ແມ່ນເລີ່ມແຕ່ວັນທີ 14-16 ເມສາ 2017 ກົງກັບວັນສຸກ, ວັນເສົາ ແລະ ວັນອາທິດ, ແຕ່ເນື່ອງຈາກວັນທີ 15-16 ເປັນມື້ພັກວັນລັດຖະການສະນັ້ນ, ຈຶ່ງຕົກລົງເຫັນດີ ກຳນົດເອົາວັນທີ 13 ແລະ 17 ເມສາ 2017 ຊຶ່ງກົງກັບວັນພະຫັດ ແລະ ວັນຈັນເປັນວັນພັກຊົດເຊີຍ, ພ້ອມທັງມອບໃຫ້ກະຊວງອຸດສາຫະກຳ ແລະ ການຄ້າ, ກະສິກຳ ແລະ ປ່າໄມ້, ນະຄອນຫລວງວຽງຈັນ ແລະ ບັນດາແຂວງໃນທົ່ວປະເທດເອົາໃຈໃສ່ຊີ້ນຳການຜະລິດສະບຽງອາຫານ, ການສະໜອງເຄື່ອງອຸປະໂພກ-ບໍລິໂພກໃຫ້ພຽງພໍກັບຄວາມຕ້ອງ ການຂອງສັງຄົມ, ລວມທັງຕິດຕາມ, ກວດກາ ແລະ ຄຸ້ມຄອງລາຄາສິນຄ້າໃນທ້ອງຕະຫລາດເພື່ອບໍ່ໃຫ້ມີການສວຍໂອກາດຂຶ້ນລາຄາຕາມລໍາພັງໃຈ, ພ້ອມນີ້ກໍໃຫ້ທຸກພາກສ່ວນໃນທົ່ວປະເທດເອົາໃຈໃສ່ການຮັກສາຄວາມສະຫງົບປອດໄພ, ຄວາມເປັນລະບຽບຮຽບຮ້ອຍຂອງສັງຄົມ ໂດຍໃຫ້ມີການແບ່ງຄວາມຮັບຜິດຊອບໃນການຕິດຕາມ, ກວດກາເວນຍາມ ແລະ ປະຈຳການຄັກແນ່ ເພື່ອປ້ອງກັນສຳນັກງານ, ອົງການຕະຫລອດໄລຍະປີໃໝ່ລາວ ແລະ ໃຫ້ສາມາດປະສານງານໄດ້ຢ່າງເປັນປົກກະຕິທຸກເວລາ. ພ້ອມນັ້ນ, ມອບໃຫ້ກະຊວງປ້ອງກັນຄວາມສະຫງົບສົມທົບກັບກະຊວງໂຍທາທິການ ແລະ ຂົນສົ່ງ, ກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ ແລະ ທ້ອງຖິ່ນຕ່າງໆ ຈັດສັນ, ອຳນວຍຄວາມສະດວກໃນການສັນຈອນໄປ-ມາໃຫ້ມີຄວາມປອດໄພ ແລະ ໃຫ້ເພີ່ມທະວີການໂຄສະນາເພື່ອສ້າງຈິດສຳນຶກໃຫ້ພົນລະເມືອງທົ່ວສັງຄົມເຄົາລົບກົດລະບຽບຈະລາຈອນ ເພື່ອປ້ອງກັນການເກີດອຸປະຕິເຫດ ແລະ ເພີ່ມທະວີໂຄສະນາປະຊາສຳພັນໃຫ້ປະຊາຊົນທົ່ວສັງຄົມໄດ້ຮັບຮູ້ເຂົ້າໃຈກ່ຽວກັບການສະຫລອງບຸນປີໃໝ່ປະຈຳຊາດໃຫ້ຖືກຕ້ອງ ແລະ ສອດຄ່ອງກັບວັດທະນະທຳ, ຮີດຄອງປະເພນີອັນດີງາມຂອງຊາດລາວ.

- new3 - ລັດຖະບານອອກແຈ້ງການກ່ຽວກັບການສະເຫລີມສະຫລອງປີໃໝ່ ພສ 2560.
error: Content is protected !!