ຮອງນາຍົກ ເຄື່ອນໄຫວຊີ້ນໍາວຽກງານເກັບລາຍຮັບ ຢູ່ແຂວງຈໍາປາສັກ ແລະ ແຂວງສະຫວັນນະເຂດ

- advert banner 728 90 728x90 - ຮອງນາຍົກ ເຄື່ອນໄຫວຊີ້ນໍາວຽກງານເກັບລາຍຮັບ ຢູ່ແຂວງຈໍາປາສັກ ແລະ ແຂວງສະຫວັນນະເຂດ

ໃນລະຫວ່າງວັນທີ 22-24 ພະຈິກນີ້ ທ່ານ ສົມດີ ດວງດີ ຮອງນາຍົກລັດຖະມົນຕີ ລັດຖະມົນຕີກະຊວງການເງິນ, ພ້ອມດ້ວຍຄະນະກົມທີ່ກ່ຽວຂ້ອງໄດ້ເຄື່ອນໄຫວຊຸກຍູ້ວຽກງານການຈັດເກັບລາຍຮັບເຂົ້າງົບປະມານແຫ່ງລັດຢູ່ແຂວງຢູ່ຈຳປາສັກ ແລະ ແຂວງສະຫວັນນະເຂດ, ພ້ອມທັງໄດ້ເນັ້ນໃຫ້ພະແນກການເງິນແຂວງ, ຂະແໜງພາສີ, ອາກອນ, ຊັບສິນ…ເພີ່ມທະວີຄວາມຮັບຜິດຊອບໃນການຈັດເກັບລາຍຮັບ ແລະ ຊອກທ່າແຮງລາຍຮັບທີ່ບົ່ມຊ້ອນຂອງແຕ່ລະແໜງການເພື່ອໃຫ້ແຜນຈັດເກັບລາຍຮັບໝົດປີ 2017 ບັນລຸຕາມເປົ້າໝາຍທີ່ວາງໄວ້.

- lattana 1 - ຮອງນາຍົກ ເຄື່ອນໄຫວຊີ້ນໍາວຽກງານເກັບລາຍຮັບ ຢູ່ແຂວງຈໍາປາສັກ ແລະ ແຂວງສະຫວັນນະເຂດ

ໃນ​ການ​ເຄື່ອນ​ໄຫວ​ຊຸກຍູ້ວຽກງານການຈັດເກັບລາຍຮັບຂອງທ່ານ ສົມດີ ດວງດີ  ຢູ່ແຂວງຈຳປາສັກ ໂດຍໄດ້ຮັບການຕ້ອນຮັບຈາກທ່ານ ບຸນຖອງ ດີວິໄຊ ເຈົ້າແຂວງໆຈຳປາສັກ, ຄະນະພັກແຂວງ, ພະແນກການເງິນ ​ແລະ ພະນັກງານວິຊາການເຂົ້າຮ່ວມຢ່າງ​ພ້ອມພຽງ ​ໂດຍ​ມີ​ທ່ານຫົວໜ້າພະແນກການເງິນແຂວງ  ໄດ້ລາຍງານວ່າ : ການຈັດເກັບລາຍຮັບນັບແຕ່ເດືອນມັງກອນມາຮອດວັນທີ 23 ພະຈິກ 2017 ປະຕິບັດໄດ້ທັງໝົດຫລາຍ​ກວ່າ 1.072 ຕື້ກີບ. ໃນນັ້ນ, ລາຍຮັບປົກກະຕິປະຕິບັດໄດ້ 1.067 ກວ່າຕື້ກີບ, ທຽບໃສ່ໄລຍະດຽວກັນຂອງປີຜ່ານມາຫລຸດລົງ 0,55%,​ ​ໃນ​ນັ້ນລາຍຮັບພູດສູນກາງປະຕິບັດໄດ້ 511 ກວ່າຕື້ກີບ, ທຽບໃສ່ແຜນການປີ ເທົ່າກັບ 79,58%, ລາຍຮັບພູດທ້ອງຖິ່ນປະຕິບັດໄດ້ 560 ກວ່າຕື້ກີບ, ທຽບໃສ່ໄລຍະດຽວກັນຂອງປີຜ່ານມາເພີ່ມຂຶ້ນ 0,27%. ສ່ວນລາຍຈ່າຍທົ່ວແຂວງຈໍາປາສັກປະຕິບັດໄດ້ 538 ກວ່າຕື້ກີບ ທຽບໃສ່ແຜນດັດແກ້ ເທົ່າກັບ 75,75%.

ສ່ວນແຂວງສະຫວັນນະເຂດ, ທ່ານ  ຮອງ​ນາຍົກລັດຖະມົນຕີ  ພ້ອມດ້ວຍຄະນະກົມທີ່ກ່ຽວຂ້ອງ ໄດ້ເຄື່ອນໄຫວຊຸກຍູ້ວຽກງານການຈັດເກັບລາຍຮັບ ໂດຍໄດ້ຮັບການຕ້ອນຮັບຈາກທ່ານ ສັນຕິພາບ ພົມວິຫານ ເຈົ້າແຂວງສະຫວັນນະເຂດ, ມີຄະນະປະຈໍາພັກແຂວງ, ຫົວໜ້າພະແນກການ​ເງິນແຂວງ, ພາສີ, ສ່ວຍສາອາກອນ, ຄັງເງິນ, ດ່ານສາກົນຕະຫລອດຮອດພະນັກງານວິຊາການຂະແໜງການເງິນເຂົ້າຮ່ວມ  ​ແລະ ​ໄດ້​ຮັບການຟັງ​ລາຍ​ງານ​ຈາກ

ທ່ານຫົວໜ້າພະແນກການເງິນແຂວງວ່າ: ສະພາບການຈັດຕັ້ງປະຕິບັດແຜນລາຍຮັບງົບປະມານໄລຍະ 10 ເດືອນປີ 2017 ທົ່ວແຂວງສາມາດປະຕິບັດໄດ້ 986 ກວ່າຕື້ກີບ,  ຖ້າທຽບໃສ່ໄລຍະດຽວກັນຂອງປີຜ່ານມາເພີ່ມຂຶ້ນ 4,12%. ໃນນັ້ນ, ລາຍຮັບພູດສູນກາງປະຕິບັດໄດ້ 5643 ກວ່າຕື້ກີບ  ທຽບໃສ່ໄລຍະດຽວກັນເພີ່ມຂຶ້ນ 23,66%, ລາຍຮັບພູດທ້ອງຖິ່ນປະຕິບັດໄດ້ 422 ກວ່າຕື້ກີບ  ທຽບໃສ່ໄລຍະດຽວກັນຫລຸດລົງ 14,05% ສ່ວນລາຍຈ່າຍ 10 ເດືອນ ປະຕິບັດໄດ້ 639 ກວ່າຕື້ກີບ ເທົ່າກັບ 72,54% ຂອງແຜນການປີ. ໃນນັ້ນ,​ ການປະຕິບັດລາຍຈ່າຍແມ່ນໄດ້ສຸມໃສ່ການຈັດລຽງບຸລິມະສິດຕາມທີ່ລັດຖະບານກຳນົດເປັນຕົ້ນ: ການເບີກຈ່າຍເງິນເດືອນ, ເງິນອຸດ ໜູນ, ເງິນນະໂຍບາຍ ແລະ ອື່ນໆ.

ໃນໂອກາດນີ້, ທ່ານ ສົມດີ ດວງດີ  ໄດ້ສະແດງຄວາມຍ້ອງຍໍຊົມເຊີຍຕໍ່ຜົນງານທີ່ຍາດມາໄດ້ຂອງບັນດາພະແນກການອ້ອມຂ້າງແຂວງ ໂດຍສະເພາະແມ່ນອ້າຍເອື້ອຍນ້ອງພະນັກງານຂະແໜງການເງິນ ທີ່ໄດ້ສຸມສະຕິປັນຍາເຂົ້າໃນວຽກງານວິຊາສະເພາະໃນແຕ່ລະຂະແໜງຂອງຕົນ, ຄຽງຄູ່ກັນນີ້, ຍັງຈະໄດ້ເອົາໃຈໃສ່ຕື່ມໃນການຈັດເກັບລາຍຮັບເຂົ້າງົບປະມານໃນປີ 2017 ພ້ອມທັງຂຸ້ນຂ້ຽວຊອກຄົ້ນແຫລ່ງລາຍຮັບບົ່ມຊ້ອນຕາມທ່າແຮງຂອງແຂວງ, ເພີ່ມທະວີຄວາມຮັບຜິດຊອບຂຶ້ນຕື່ມໃນການໄລ່ລຽງ, ການມອບພັນທະຂອງບັນດາຫົວໜ່ວຍທຸລະກິດ ແລະ ໃຫ້ແຕ່ລະແຂວງຮີບຮ້ອນເປີດຂະບວນການເສຍຄ່າທຳນຽມທາງປະຈຳປີ, ພ້ອມປຸກລະດົມຂົນຂວາຍພະນັກ ງານ-ລັດຖະກອນ, ບັນດາຫົວໜ່ວຍທຸລະກິດ,​  ປະຊາຊົນທີ່ຕົນມີລົດມາເສຍຄ່າທໍານຽມທາງ, ເພື່ອປະກອບສ່ວນຊ່ວຍພັກ-ລັດຖະບານ ແລະ ກວດກາເບິ່ງສິ່ງໃດທີ່ເກັບໄດ້, ສິ່ງໃດທີ່ຮົ່ວໄຫລ ຫລື ໄປເຂົ້າທາງອື່ນແມ່ນຕ້ອງໄດ້ມີການກວດກາຢ່າງລະອຽດ ແລະ ຕິດຕາມຢ່າງໃກ້ຊິດເພື່ອເຮັດໃຫ້ການເກັບລາຍຮັບສໍາເລັດຕາມແຜນ ການທີ່ວາງໄວ້.

ໃນໂອກາດດັ່ງກ່າວ, ທ່ານ ສົມດີ ດວງດີ ຮອງນາຍົກລັດຖະມົນຕີ  ລັດຖະມົນຕີກະຊວງການເງິນ ຍັງໄດ້ໄປຢ້ຽມຊົມການດຳເນີນທຸລະກິດຂອງບໍລິສັດ ສະຫວັນປາຊິກຟີກກາ ດີວີລົບມິນ ຈຳເກັດ (ທ່າບົກສະຫວັນໂລຈິສຕິກສ໌) ແລະ ຕິດຕາມເບິ່ງການຈັດຕັ້ງປະຕິບັດວຽກງານວິຊາສະເພາະຂອງເຈົ້າໜ້າທີ່ພາສີຈຳນວນໜຶ່ງ.