ແຂວງສະຫວັນນະເຂດວາງແຜນສົ່ງເສີມ ການປະມົງລຽບແຄມແມ່ນໍ້າຂອງ

ແຂວງສະຫວັນນະເຂດວາງແຜນສົ່ງເສີມ ການປະມົງລຽບແຄມແມ່ນໍ້າຂອງ - 7878 - ແຂວງສະຫວັນນະເຂດວາງແຜນສົ່ງເສີມ ການປະມົງລຽບແຄມແມ່ນໍ້າຂອງ
ແຂວງສະຫວັນນະເຂດວາງແຜນສົ່ງເສີມ ການປະມົງລຽບແຄມແມ່ນໍ້າຂອງ - Untitled design - ແຂວງສະຫວັນນະເຂດວາງແຜນສົ່ງເສີມ ການປະມົງລຽບແຄມແມ່ນໍ້າຂອງ

ພິທີລົງນາມໃນບົດບັນທຶກຄວາມເຂົ້າໃຈເພື່ອສົ່ງເສີມການປະມົງລຽບແຄມແມ່ນໍ້າຂອງໃຫ້ສອດຄ່ອງກັບລະບຽບກົດຫມາຍໄດ້ມີຂຶ້ນໃນວັນທີ 3 ກຸມພານີ້ ທີ່ແຂວງສະຫວັນນະເຂດ ລະຫ່ວາງທ່ານ ລໍຮິສ ພາເລັນຕີນີ ຫົວໜ້າ ອົງການກອງທຶນອະນຸຮັກທຳມະຊາດ ໂລກ ປະຈຳ ສປປ ລາວ ແລະ  ທ່ານ ຄຳຈັນ ສີດາວົງ ຫົວໜ້າພະແນກກະສິກຳ ແລະ ປ່າໄມ້ ແຂວງສະຫວັນນະເຂດ, ໂດຍສະເພາະແມ່ນ ໃນ 10 ບ້ານຂອງເມືອງໄຊບູລີ ແລະ ເມືອງໄຊພູທອງ,  ເພື່ອແນໃສ່ ການຄຸ້ມຄອງ ແລະ ຊົມໃຊ້ປາ ແລະ ສັດ ນໍ້າອື່ນໆແບບຍືນຍົງ, ພ້ອມທັງເປັນການປັບປຸງຊີວິດການເປັນຢູ່ ຂອງຊຸມຊົນທີ່ອາໄສຢູ່ລຽບແຄມແມ່ນໍ້າຂອງໃຫ້ດີຂຶ້ນ, ເຊິ່ງໂຄງການດັ່ງກ່າວມີທຶນສົ່ງເສີມຫລາຍກ່ວາ  312 ພັນໂດລາສະຫະລັດ, ໂດຍຈະເລີ່ມຈາກນີ້ໄປຮອດເດືອນທັນວາ 2022,  ໂດຍແມ່ນທຶນຊ່ວຍເຫລືອຂອງອົງການກອງທຶນອະນຸລັກທໍາມະຊາດໂລກ ປະເທດສະວິດເຊີແລນ.

ແຂວງສະຫວັນນະເຂດວາງແຜນສົ່ງເສີມ ການປະມົງລຽບແຄມແມ່ນໍ້າຂອງ - 7879 300x200 - ແຂວງສະຫວັນນະເຂດວາງແຜນສົ່ງເສີມ ການປະມົງລຽບແຄມແມ່ນໍ້າຂອງ

ຫົວໜ້າພະແນກກະສິກຳ ແລະ ປ່າໄມ້ ແຂວງສະຫວັນນະເຂດ ໃຫ້ຮູ້ວ່າ: ປະຊາຊົນລາວຈໍານວນຫລາຍ ທີ່ດໍາລົງຊິວິດຢູ່ລຽບແຄມແມ່ນໍ້າຂອງປະມານ 78% ໄດ້ຍຶດຖືອາຊີບຫາປາເປັນຫລັກ, ຈາກຄວາມສຳຄັນດັ່ງກ່າວອຳນາດການປົກຄອງແຂວງຈິ່ງໄດ້ໃຫ້ການຄຸມຄອງ ແລະ ກຳນັດວັງສະຫງວນຕ່າງໆຂຶ້ນຊຶ່ງມາຮອດປະຈຸບັນ, ທົ່ວແຂວງສະຫວັນນະເຂດ ມີວັງສະຫງວນ ຫລາຍກວ່າຮ້ອຍແຫ່ງ, ແຕ່ເຖິງຢ່າງໃດ ການພັດທະນາໂຄງການຕ່າງໆໄດ້ສົ່ງຜົນກະທົບບໍ່ຫນ້ອຍຕໍ່ແມ່ນໍ້າຂອງ, ຕໍ່ທີ່ຢູ່ອາໃສບ່ອນວາງໄຂ່ຂອງປາຫລາຍຊະນິດ ແລະ ເຮັດໃຫ້ເກີດມີຄວາມສ່ຽງເນື່ອງຈາກການປ່ຽນແປງທາງ ດ້ານລະບົບນິເວດວິທະຍາຂອງວັງປາ, ດັ່ງນັ້ນ ໂຄງ ການດັ່ງກ່າວຈິ່ງເຂົ້າມາໃຫ້ການຊ່ວຍເຫລືອໃນການສົ່ງເສີມການປະມົງເຂດນີ້ໃຫ້ມີຜົນ, ໂດຍສະເພາະເຂດແມ່ນໍ້າຂອງ ໃນບໍລິເວນແຂວງສະຫວັນນະເຂດ ໂດຍການສ້າງຮູບແບບການຈັດການປະມົງຊຸມຊົນແບບມີສ່ວນຮ່ວມ ແລະ ສ້າງຈິດສໍານຶກດ້ານກົດລະບຽບ ແລະ ການຄຸ້ມຄອງການປະມົງ ໃຫ້ແກ່ອໍານາດການ ປົກຄອງ ແລະ ຊຸມຊົນທ້ອງຖິ່ນ, ເຊິ່ງກິດຈະກໍາຫລັກໂຄງການແມ່ນສ້າງແຜນການຄຸ້ມຄອງຈັດການ ແລະ ການຜັນຂະຫຍາຍລະບຽບການ, ກົດໝາຍ ເພື່ອຮັກສາປະຊາກອນສັດນໍ້າ ແລະ ແນວພັນປາ; ປັບປຸງຊີວິດການເປັນຢູ່ ແລະ ການພັດທະນາທາງເລືອກ ໃນການສ້າງລາຍຮັບ ເພື່ອຫລຸດຜ່ອນການເອື່ອຍອີງໃສ່ພຽງແຕ່ຊັບພະຍາກອນທໍາມະຊາດ ໃນຊຸມຊົນເຂດບ້ານເປົ້າໝາຍ ແລະ ປັບປຸງນິຕິກໍາກ່ຽວກັບການປະມົງທ້ອງຖິ່ນ ແລະ ຄວາມເຂົ້າໃຈໃຫ້ແກ່ ອໍານາດການປົກຄອງ ແລະ ປະຊາຊົນທ້ອງຖິ່ນ.

ແຂວງສະຫວັນນະເຂດວາງແຜນສົ່ງເສີມ ການປະມົງລຽບແຄມແມ່ນໍ້າຂອງ - Wave100S AD to Website 2020 0 - ແຂວງສະຫວັນນະເຂດວາງແຜນສົ່ງເສີມ ການປະມົງລຽບແຄມແມ່ນໍ້າຂອງ

ທ່ານ ລໍຮິສ ພາເລັນຕີນີ ໃຫ້ຮູ້ວ່າ: ອົງການກອງທຶນອະນຸລັກທໍາມະຊາດໂລກປະຈໍາລາວ ໄດ້ເຮັດວຽກກ່ຽວກັບການຄຸ້ມຄອງການປະມົງຢູ່ ສປປ ລາວ ແຕ່ປີ 2002, ໂດຍການຮ່ວມມືກັບກົມລ້ຽງສັດ ແລະ ການປະມົງ ໃນປີ 2005 ບວກກັບການຂະຫຍາຍກິດຈະກໍາໂຄງການລົງໄປຫາບັນດາແຂວງຕ່າງໆເຊັ່ນ: ແຂວງ ບໍລິຄໍາໄຊ, ຄໍາມ່ວນ, ສະຫວັນນະເຂດ, ເຊກອງ, ອັດຕະປື, ຈໍາປາສັກ ແລະ ແຂວງບໍ່ແກ້ວ. ແລະ ໄດ້ກາຍເປັນຄູ່ຮ່ວມງານທີ່ສໍາຄັນ ໃນໂຄງປະ ກອບຂອງການພັດທະນາ ແລະ ຄຸ້ມຄອງການປະມົງແບບມີສ່ວນຮ່ວມຢ່າງມີປະສິດທິຜົນ ໃນສປປລາວອີກດ້ວຍ.

ແຂວງສະຫວັນນະເຂດວາງແຜນສົ່ງເສີມ ການປະມົງລຽບແຄມແມ່ນໍ້າຂອງ - WhatsApp Image 2020 05 27 at 5 - ແຂວງສະຫວັນນະເຂດວາງແຜນສົ່ງເສີມ ການປະມົງລຽບແຄມແມ່ນໍ້າຂອງ
ແຂວງສະຫວັນນະເຂດວາງແຜນສົ່ງເສີມ ການປະມົງລຽບແຄມແມ່ນໍ້າຂອງ - WhatsApp Image 2020 05 27 at 5 - ແຂວງສະຫວັນນະເຂດວາງແຜນສົ່ງເສີມ ການປະມົງລຽບແຄມແມ່ນໍ້າຂອງ
error: Alert: ເນື້ອຫາຂ່າວມີລິຂະສິດ !!