ປະທານສະພາແຫ່ງຊາດເຂົ້າຮ່ວມສະຫລອງ ປີສາມັກຄີມິດຕະພາບລາວ-ຫວຽດນາມ

- advert banner 728 90 728x90 - ປະທານສະພາແຫ່ງຊາດເຂົ້າຮ່ວມສະຫລອງ ປີສາມັກຄີມິດຕະພາບລາວ-ຫວຽດນາມ

ເມື່ອບໍ່ດົນມານີ້, ທ່ານນາງ ປານີ ຢາທໍ່ຕູ້ ປະທານສະພາແຫ່ງຊາດລາວ ພ້ອມຄະນະ ໄດ້ຢ້ຽມຢາມ ແລະ ວາງພວງມາລາຢູ່ສຸສານ ປະທານ ໂຮ່ຈີ​ມິ​ງ ນະຄອນຫລວງຮ່າໂນ້ຍ ສສ ຫວຽດນາມ. ຈາກນັ້ນໄດ້ເດີນທາງໄປແຂວງເຊິນລາ ​ເຊິ່ງຢູ່ທາງພາກຕາເວັນຕົກສຽງ ເໜືອຂອງຫວຽດນາມ ເພື່ອເຂົ້າຮ່ວມພິທີສະເຫລີມສະຫລອງປີສາມັກຄີມິດຕະພາບ ລາວ-ຫວຽດນາມ, ຫວຽດນາມ-ລາວ  2017 ແລະ ໃນໂອກາດດັ່ງກ່າວ, ທ່ານປະທານສະພາແຫ່ງຊາດລາວ ໄດ້ພົບປະກັບທ່ານ ຮວ່າງ ວັນ ເຈິດ ປະທານສະພາປະຊາຊົນແຂວງ ເຊິນລາ ແລະ  ໄດ້ຮັບຟັງລາຍງານກ່ຽວກັບຜົນສຳເລັດແຫ່ງການພັດທະນາເສດຖະກິດ-ສັງຄົມຂອງແຂວງເຊິນລາ, ພ້ອມທັງການ ກະກຽມໃຫ້ແກ່ການຈັດກິດຈະກໍາຕ່າງໆ ​ເຊິ່ງຈະມີການປະດັບຫລຽນໃຫ້ບັນດາການນຳຂອງແຂວງໃນຈຳນວນ 15 ແຂວງ ຂອງ ລາວຄື: ຫລຽນໄຊເອກະລາດຊັ້ນ 2 ຈຳນວນ 11 ໜ່ວຍ, ຫລຽນໄຊເອກະລາດຊັ້ນ 3 ຈຳນວນ 14 ໜ່ວຍ ແລະ ຫລຽນໄຊແຮງງານຊັ້ນ 1 ຈຳນວນ 3 ໜ່ວຍ. ນອກນັ້ນ ຍັງມີກິດຈະກຳແລກປ່ຽນວັດທະນະທຳ-ກິລາ ແລະ ພິເສດແມ່ນມີພິທີໄຂອານຸສອນສະຖານປະຕິ ວັດ ຫວຽດນາມ-ລາວ ຢູ່ແຂວງເຊິນລານໍາອີກ. ໂອກາດນີ້, ທ່ານນາງ ປານີ ຢາທໍ່ຕູ້ ກໍໄດ້ມີຄຳເຫັນບາງຕອນສຳຄັນວ່າ: ຕາງໜ້າໃຫ້ ການນຳຂັ້ນສູງຂອງພັກ-ລັດແຫ່ງ ສປປ ລາວ ທີ່ມາຮ່ວມບັນດາກິດຈະກຳອັນສຳຄັນ ເນື່ອງໃນໂອກາດທີ່ສອງຊາດ ລາວ-ຫວຽດ ນາມ ຮ່ວມສະເຫລີມສະຫລອງປີສາມັກຄີມິດຕະພາບ ລາວ-ຫວຽດນາມ, ຫວຽດນາມ-ລາວ 2017 ແລະ ຂໍສະແດງຄວາມຂອບໃຈ ຢ່າງຈິງໃຈຕໍ່ການຕ້ອນຮັບອັນອົບອຸ່ນຂອງທ່ານເລຂາພັກແຂວງ ຕະຫລອດຮອດປະຊາຊົນແຂວງເຊິນລາຖານເພື່ອນມິດສະຫາຍ ອ້າຍນ້ອງຄອບຄົວດຽວກັນ, ການສະເຫລີມສະຫລອງປີສາມັກຄີມິດຕະພາບ ລາວ-ຫວຽດນາມ, ຫວຽດນາມ-ລາວ 2017 ນີ້ ແມ່ນ ເນື່ອງໃນໂອ ກາດຄົບຮອບ 2 ວັນປະຫວັດສາດທີ່ສຳຄັນຂອງສອງຊາດຄື: ວັນສ້າງຕັ້ງສາຍພົວພັນທາງການທູດ ລາວ-ຫວຽດນາມ, ຫວຽດນາມ-ລາວ ຄົບຮອບ 55 ປີ (5/9/1962-5/9/2017) ແລະ ວັນເຊັນສົນທິສັນຍາມິດຕະພາບ ແລະ ການຮ່ວມມື ຄົບຮອບ 40 ປີ (18/7/1977-18/7/2017).

- new3 - ປະທານສະພາແຫ່ງຊາດເຂົ້າຮ່ວມສະຫລອງ ປີສາມັກຄີມິດຕະພາບລາວ-ຫວຽດນາມ
- lattana 1 - ປະທານສະພາແຫ່ງຊາດເຂົ້າຮ່ວມສະຫລອງ ປີສາມັກຄີມິດຕະພາບລາວ-ຫວຽດນາມ
error: Content is protected !!