ລາວ-ໄທຫາລືການຈ້າງງານແຮງງານຕ່າງປະເທດ

- Laos thai - ລາວ-ໄທຫາລືການຈ້າງງານແຮງງານຕ່າງປະເທດ
- AGL banner - ລາວ-ໄທຫາລືການຈ້າງງານແຮງງານຕ່າງປະເທດ

ກອງປະຊຸມວິຊາການລາວ-ໄທວ່າດ້ວຍການຈ້າງງານໄດ້ໄຂຂຶ້ນໃນວັນທີ 10-12 ກໍລະກົດນີ້ທີ່ແຂວງຫລວງພະບາງ, ໂດຍການເປັນປະທານຂອງທ່ານ ນາງ ອານຸສອນ ຄຳສິງສະຫວັດ ຮັກສາການຫົວໜ້າກົມພັດທະນາສີມືແຮງງານ ແລະ ຈັດຫາງານກະຊວງແຮງງານ ແລະ ສະຫວັດດີການສັງຄົມ ແລະ ທ່ານ ວາຣະນົນ ປິຕິວັນ ຫົວໜ້າກົມການຈັດຫາງານກະຊວງແຮງງານແຫ່ງຣາຊະອານາຈັກໄທ, ພ້ອມພາກສ່ວນກ່ຽວຂ້ອງເຂົ້າຮ່ວມ.

ກອງປະຊຸມຄັ້ງນີ້, ເພື່ອແຈ້ງໃຫ້ກັນຊາບກ່ຽວກັບຂະບວນການຈັດສົ່ງແຮງງານລາວໄປເຮັດວຽກຢູ່ປະເທດໄທ ແລະ ບັນດາບໍລິສັດຈັດຫາງານທີ່ໄດ້ຮັບອະນຸຍາດໃຫ້ຈັດສົ່ງຢູ່ເບື້ອງລາວ, ພ້ອມນີ້ຝ່າຍໄທຍັງໄດ້ແຈ້ງໃຫ້ຝ່າຍລາວຊາບ ກ່ຽວກັບພຣະຣາຊະກຳນົດການບໍລິຫານຈັດການການເຮັດວຽກຂອງຄົນຕ່າງ ດ້າວ 2017, ບັນດາບໍລິສັດທີ່ໄດ້ຮັບອະນຸຍາດໃຫ້ນໍາເຂົ້າແຮງງານຕ່າງປະເທດ ເຂົ້າມາເຮັດວຽກກັບຜູ້ໃຊ້ແຮງງານໃນປະເທດໄທ, ການດຳເນີນການສູນຕ້ອນ ຮັບແຮງງານເຂົ້າເຮັດວຽກ ແລະ ສິ້ນສຸດການຈ້າງງານ. ນອກນີ້ສອງຝ່າຍ ຍັງໄດ້ແຈ້ງໃຫ້ກັນຊາບກ່ຽວກັບຄວາມພ້ອມຂອງການດຳເນີນວຽກງານປັບສະຖານະພາບແຮງງານລາວທີ່ເຮັດວຽກຢູ່ປະເທດໄທແບບບໍ່ຖືກຕ້ອງຕາມກົດໝາຍ.

ທ່ານຮັກສາການຫົວໜ້າກົມພັດທະນາສີມືແຮງງານ ກ່າວວ່າ: ຝ່າຍລາວ ມີຄວາມເພີງພໍໃຈຕໍ່ຄວາມຮ່ວມມື ແລະ ການສະໜັບສະໜູນຂອງຝ່າຍໄທ, ຊຶ່ງເຮັດໃຫ້ແຮງງານລາວສາມາດເຂົ້າເຮັດວຽກຢູ່ປະເທດໄທຕາມລະບົບ MOU ພ້ອມທັງໄດ້ສ້າງກົນໄກ ແລະ ມາດຕະການທີ່ເໝາະສົມໃນການປົກປ້ອງ ແລະ ຄຸ້ມຄອງແຮງງານຕ່າງດ້າວທີ່ເຮັດວຽກຢູ່ປະເທດໄທແບບບໍ່ຖືກຕ້ອງຕາມກົດໝາຍ, ພ້ອມທັງສະເໜີໃຫ້ຝ່າຍໄທສືບຕໍ່ໃຫ້ການຮ່ວມມື ແລະ ໃຫ້ການ ຊ່ວຍເຫລືອລາວຕື່ມໃນຕໍ່ໜ້າ, ໂດຍສະເພາະການປັບສະຖານະພາບແຮງງານລາວທີ່ເຮັດວຽກຢູ່ໄທແບບບໍ່ຖືກຕ້ອງຕາມກົດໝາຍທີ່ຈະປະຕິບັດໃນເວລາອັນໃກ້ນີ້.

ທ່ານຫົວໜ້າກົມການຈັດຫາງານ ກ່າວວ່າ: ສຳລັບແຮງງານລາວທີ່ໄດ້ຂຶ້ນ ທະບຽນແຮງງານຕ່າງດ້າວ (ບັດສີບົວ) ຕາມມະຕິຄະນະລັດຖະບານຄັ້ງທີ 23 ກຸມພາ 2016, ຝ່າຍໄທມີຄວາມພ້ອມທີ່ຈະໃຫ້ການສະໜັບສະໜູນ ແລະ ໃຫ້ ຄວາມສະດວກໃນການປັບປຸງສະຖານະພາບ, ຊຶ່ງຈະຕ້ອງດຳເນີນການຈັດຕັ້ງ ປະຕິບັດໃຫ້ສຳເລັດກ່ອນວັນທີ 31 ມີນາ 2018.

- Wave100S AD to Website 2020 0 - ລາວ-ໄທຫາລືການຈ້າງງານແຮງງານຕ່າງປະເທດ

 

- lattana 1 - ລາວ-ໄທຫາລືການຈ້າງງານແຮງງານຕ່າງປະເທດ
error: Alert: Content is protected !!