ນາຍົກລັດຖະມົນຕີໃຫ້ທິດຊີ້ນໍາ 4 ວຽກໃຫຍ່ເພື່ອແກ້ໄຂໄພນໍ້າຖ້ວມຢູ່ອັດຕະປື

- PM at attapeu - ນາຍົກລັດຖະມົນຕີໃຫ້ທິດຊີ້ນໍາ 4 ວຽກໃຫຍ່ເພື່ອແກ້ໄຂໄພນໍ້າຖ້ວມຢູ່ອັດຕະປື
- Untitled design - ນາຍົກລັດຖະມົນຕີໃຫ້ທິດຊີ້ນໍາ 4 ວຽກໃຫຍ່ເພື່ອແກ້ໄຂໄພນໍ້າຖ້ວມຢູ່ອັດຕະປື

ໃນວັນທີ 1 ສິງຫານີ້, ທ່ານ ທອງລຸນ ສີສຸລິດ ນາຍົກລັດຖະມົນຕີ ໄດ້ລົງພົບໂອ້ລົມ ແລະ ໃຫ້ທິດຊີ້ນໍາຮີບດ່ວນຕໍ່ປະທານຄະນະກໍາມະການສະເພາະກິດແກ້ໄຂໄພພິບັດລະດັບຊາດພ້ອມການນໍາແຂວງອັດຕະປືຕ້ອງເອົາໃຈໃສ່ຈັດຕັ້ງປະຕິບັດ 4 ວຽກໃຫຍ່ຢ່າງເຄັ່ງຮ້ອນຄື: ຕ້ອງກອບກູ້ ແລະ ຊອກຄົ້ນເອົາຜູ້ເສຍຊີວິດ ລວມທັງຜູ້ສູນຫາຍໃຫ້ໄດ້ທັງຫມົດດ້ວຍວິທີການຕ່າງໆເພື່ອຮັບປະກັນໃຫ້ເຂົາເຈົ້າກັບຄືນສູ່ອອ້ມກອດ ຫລື ເຖິງເຮືອນຂອງຍາດພີ່ນ້ອງ, ພໍ່ແມ່ ແລະ ຄົນຮັກຢ່າງແທ້ຈິງ; ຕ້ອງຈັດສັນທີ່ຢູ່ອາໄສແບບຊົ່ວ ແລະ ຖາວອນໃຫ້ສຸດກົກສຸດປາຍຢ່າງເປັນລະບົບຄົບຊຸດ ໃນນັ້ນເລື່ອງສຸຂະອະນາໄມປະເພດຫ້ອງນໍ້າ ແລະ ບ່ອນຢູ່ອາໄສໃຫ້ພຽງພໍ; ຕ້ອງຈັດສັນແບ່ງປັນ ແຈກຢາຍ ແລະ ຄຸ້ມຄອງເຄື່ອງຊ່ວຍເຫລືອ ລວມທັງເງິນ ແລະ ອື່ນໆໃຫ້ວ່ອງໄວ, ຈະແຈ້ງ, ທົ່ວເຖິງ ແລະ ໂປ່ງໃສຢ່າງຫນັກແຫນ້ນ, ມີການຂຶ້ນບັນຊີຈົດແຕ້ມສໍາລັບເຄື່ອງຊ່ວຍເຫລືອເພື່ອນໍາໃຊ້ໄລຍະສັ້ນ-ຍາວ ສ່ວນເງິນໄດ້ຈາກການຊ່ວຍເຫລືອຕ້ອງໃຊ້ຢ່າງລະມັດລະວັງພ້ອມມີການປຶກສາຫາລື ແລະ ຕົກລົງກັນເປັນຫມູ່ຄະນະກ່ອນຕັດສິນໃຊ້ຈ່າຍ ແລະ ເອົາໃຈໃສ່ຄຸ້ມຄອງ ໃຫ້ບໍລິການອາສາສະຫມັກບັນຫນ່ວຍງານກູ້ໄພ ລວມທັງສື່ມວນຊົນທັງພາຍໃນ ແລະ ຕ່າງປະເທດຢ່າງຈະແຈ້ງ ໃນນັ້ນ ຖ້າບໍ່ພໍດ້ານກໍາລັງຕ້ອງຮີບຮ້ອນແກ້ໄຂ. ພິເສດຕ້ອງເລັ່ງພິສູດສົບຜູ້ເສຍຊີວິດໃຫ້ວ່ອງໄວ; ຕ້ອງປະສານງານ ແລະ ແຈ້ງເພື່ອນບ້ານໃກ້ຄຽງໂດຍສະເພາະກໍາປູເຈຍໃຫ້ຊ່ວຍເອື້ອຍອໍານວຍຄວາມສະດວກເພື່ອເຮັດໃຫ້ການກອບກູ້ດໍາເນີນໄປຢ່າງລາບລື້ນບໍ່ຂ້ອງບໍ່ຄາ ແລະ ເອົາໃຈໃສ່ເບິ່ງແຍງຜູ້ໄດ້ຮັບກະທົບຢ່າງໃກ້ຊິດ, ໂດຍສະເພາະເລື່ອງສຸຂະພາບຈິດພາຍຫລັງນໍ້າຖ້ວມ.

ແນວໃດກໍດີ, ທ່ານນາຍົກລັດຖະມົນຕີຍັງໄດ້ກ່າວຍ້ອງຍໍຊົມເຊີຍ ແລະ ຂອບໃຈຢ່າງຈິງໃຈຕໍ່ບັນດາຄະນະນໍາ, ນາຍ ແລະ ພົນທະຫານ, ອາສາສະໝັກກູ້ໄພ, ສື່ມວນຊົນທັງພາຍໃນ-ຕ່າງປະເທດ, ຜູ້ຊ່ວຍເຫລືອດ້ານວັດຖຸປັດໃຈຕ່າງໆ, ພ້ອມປະຊາຊົນໄດ້ທຸ້ມເທເຫື່ອແຮງກໍາວັງຊາ ແລະ ສະຕິປັນຍາຢ່າງບໍ່ຮູ້ອິດຮູ້ເຫມືອຍປະກອບສ່ວນເຂົ້າພາລະກິດດັ່ງກ່າວມີຄວາມຄືບຫນ້າ ແລະ ມີຜົນສໍາເລັດຫລາຍດ້ານ.

- Wave100S AD to Website 2020 0 - ນາຍົກລັດຖະມົນຕີໃຫ້ທິດຊີ້ນໍາ 4 ວຽກໃຫຍ່ເພື່ອແກ້ໄຂໄພນໍ້າຖ້ວມຢູ່ອັດຕະປື
- WhatsApp Image 2020 05 27 at 5 - ນາຍົກລັດຖະມົນຕີໃຫ້ທິດຊີ້ນໍາ 4 ວຽກໃຫຍ່ເພື່ອແກ້ໄຂໄພນໍ້າຖ້ວມຢູ່ອັດຕະປື
- WhatsApp Image 2020 05 27 at 5 - ນາຍົກລັດຖະມົນຕີໃຫ້ທິດຊີ້ນໍາ 4 ວຽກໃຫຍ່ເພື່ອແກ້ໄຂໄພນໍ້າຖ້ວມຢູ່ອັດຕະປື
error: Alert: ເນື້ອຫາຂ່າວມີລິຂະສິດ !!