ເຄັ​ດ​ລັບ​ຕ່າງໆ​ເພື່ອ​ສຸ​ຂະ​ພ​າບ​ຜິວ​ທີ່​ດີ​ສຳ​ລັບ​ຜູ້​ຊາຍ

ເຄັ​ດ​ລັບ​ຕ່າງໆ​ເພື່ອ​ສຸ​ຂະ​ພ​າບ​ຜິວ​ທີ່​ດີ​ສຳ​ລັບ​ຜູ້​ຊາຍ - shutterstock 1071497588 - ເຄັ​ດ​ລັບ​ຕ່າງໆ​ເພື່ອ​ສຸ​ຂະ​ພ​າບ​ຜິວ​ທີ່​ດີ​ສຳ​ລັບ​ຜູ້​ຊາຍ
ເຄັ​ດ​ລັບ​ຕ່າງໆ​ເພື່ອ​ສຸ​ຂະ​ພ​າບ​ຜິວ​ທີ່​ດີ​ສຳ​ລັບ​ຜູ້​ຊາຍ - Untitled design - ເຄັ​ດ​ລັບ​ຕ່າງໆ​ເພື່ອ​ສຸ​ຂະ​ພ​າບ​ຜິວ​ທີ່​ດີ​ສຳ​ລັບ​ຜູ້​ຊາຍ
  • ຜິວ​ໜ້າ ແລະ ຜິວ​ກາຍ : ດື່ມ​ນ້ຳ​ບໍ​ລິ​ສຸດ​ໃຫ້​ຫລາຍໆ ຜິວ​ຈະ​ໄດ້​ສົດ​ໃສ​ຢູ່​ສະ​ເໝີ ໃຜ​ວ່າ​ນ້ຳ​ດື່ມ​ບໍ່​ສາ​ມາດ​ຊ່ວຍ​ເລື່ອງ​ຜິວ​ໄດ້ ພວກ​ເຮົາ​ພະ​ຍາ​ຍາມ​ສະ​ເໜີ​ມາ​ຕະ​ຫລອດ​ວ່າ​ນ້ຳ​ດື່ມ​ຊ່ວຍ​ໃນ​ເລື່ອງ​ສຸ​ຂະ​ພາບ​ຜິວ​ໃຫ້​ດີ​ໄດ້​ ແລະ ຕື່ມ​ໂດຍ​ການ​ໃຊ້​ວິ​ທີ​ເສີມ​ຕ່າງໆ​ເຂົ້າ​ມາ​ເປັນ​ໂຕ​ຊ່ວຍ ຄື : ທາ​ຄ​ຣີມ​ບຳ​ລຸງ​ຜິວ, ກິນ​ອາ​ຫານ​ທີ່​ດີ​ມີ​ປະ​ໂຫຍດ ແລະ ວິ​ຕາ​ມິນ​ເສີມ ໄປ​ຈົນ​ເຖິງ​ເຮັດ​ໃຫ້​ຮ່າງ​ກາຍ​ສົດ​ຊື່ນ​ສະ​ເໝີ ໂດຍ​ການ​ອອກ​ກຳ​ລັງ​ກາຍ ເຫລົ່າ​ນີ້​ຕ້ອງ​ເຮັດ​ຕະ​ຫລອດ ຈຶ່ງ​ຈະ​ເຫັນ​ຜົນ.
  • ສິ່ງ​ທີ່​ຄວນ​ເຮັດ :
  1. ດື່ມ​ນ້ຳ​ບໍ​ລິ​ສຸດ​ໃຫ້​ໄດ້​ມື້​ລະ 8 ຈອກ​ເປັນ​ຢ່າງ​ໜ້ອຍ.
  2. ເວ​ລາ​ອອກ​ໄປ​ຂ້າງນອກ​ຈະ​ໃຊ້​ໂລ​ຊັ່ນ​ກັນ​ແດດ​ທຸກ​ເທື່ອ.
  3. ເຮັດ​ໃຫ້​ຊີ​ວິດ​ປະ​ຈຳ​ວັນ​ລ່າງ​ເລີງ​ແຈ່ມ​ໃສ.
  4. ອອກ​ກຳ​ລັງ​ກາຍ​ເປັນ​ປະ​ຈຳ​ສະ​ໝ່ຳ​ສະ​ເໝີ.
  5. ນອນ​ພັກ​ຜ່ອນ​ໃຫ້​ພຽງ​ພໍ 8 – 10 ຊົ່ວ​ໂມງ.
  • ສິ່ງ​ທີ່ບໍ່​ຄວນ​ເຮັດ :
  1. ງົດ​ດື່ມ​ນ້ຳ​ອັດ​ລົມ, ຢາ​ສູບ ແລະ ເຫລົ້າ.
  2. ຫລີກ​ເວັ້ນ​ການ​ຕາກ​ແດດ​ໂດຍ​ກົງ.

ເຄັ​ດ​ລັບ​ຕ່າງໆ​ເພື່ອ​ສຸ​ຂະ​ພ​າບ​ຜິວ​ທີ່​ດີ​ສຳ​ລັບ​ຜູ້​ຊາຍ - 011102 2021 300x225 - ເຄັ​ດ​ລັບ​ຕ່າງໆ​ເພື່ອ​ສຸ​ຂະ​ພ​າບ​ຜິວ​ທີ່​ດີ​ສຳ​ລັບ​ຜູ້​ຊາຍ

  • ເລື່ອງ​ສິວ ແລະ ການ​ເບິ່ງ​ແຍງ​ສຳ​ລັບ​ຜູ້​ຊາຍ​ທີ່​ມີ​ບັນ​ຫາ​ສິວ​ອັກ​ເສບ : ຖ້າ​ຮູ້​ສຶກວ່າ​ສິວ​ອັກ​ເສບ​ຂຶ້ນ​ມາ ຄວນ​ຮີບ​ໄປ​ສີດ​ສິວ​ກ່ອນ​ທີ່​ມັກ​ຈະ​ສຸກ ຕາມ​ຄ​ລີ​ນິກ​ຄວາມ​ງາມ​ຕ່າງໆ ຫລື ການ​ປ້ອງ​ກັນ​ເບື້ອງ​ຕົ້ນ ຖ້າ​ທ່ານ​ເປັນ​ຄົນ​ຜິວ​ໜ້າ​ມັນ ພະ​ຍາ​ຍາມ​ຢ່າ​ທາ​ແປ້ງ​ໃນ​ຂະ​ນະ​ໜ້າ​ມັນ ເພາະ​ຈະ​ເຮັດ​ໃຫ້​ສິ່ງ​ເປິ​ເປື້ອນ​ເຂົ້າ​ໄປ​ອັດ​ຕັນ​ຫລາຍ​ຂຶ້ນ ໂດຍ​ສະ​ເພາະ​ຜິວ​ຜູ້​ຊາຍ​ທີ່​ມີ​ຮູ​ຂຸມ​ຂົນ​ກ້​ວາງ, ມັນ​ງ່າຍ. ດັ່ງ​ນັ້ນ, ການ​ເບິ່ງ​ແຍງ​ເລື່ອງ​ຄວາມ​ສະ​ອາດ​ຈຶ່ງ​ເປັນ​ເລື່ອງ​ທີ່​ສຳ​ຄັນ​ທີ່​ສຸດ ເລີ່ມ​ຝຶກ​ໃຊ້​ໂທນ​ເນີ ເຊິ່ງ​ປັດ​ຈຸ​ບັນ​ມີ​ໃຫ້​ເລືອກ​ຫລວງ​ຫລາຍ ລອງ​ໄປ​ຫາ​ມາ​ໃຊ້​ໄດ້ ແນະ​ນຳ​ໃຫ້​ເລືອກ​ສິນ​ຄ້າ​ທີ່​ມີ​ສ່ວນ​ປະ​ສົມ​ຂອງ​ອານ​ກໍ​ຮໍ​ໜ້ອຍ ຍິ່ງ​ເປັນ​ສານ​ທີ່​ສະ​ກັດ​ຈາກ​ທຳ​ມະ​ຊາດ​ຈະ​ດີ​ຫລາຍ. ກ​ານ​ໃຊ້​ມື​ສຳ​ຜັດ​ໃບ​ໜ້າ​ຕະ​ຫລອດ​ກໍ​ເປັນ​ອີກ​ສາ​ເຫດ​ໜຶ່ງ​ທີ່​ເຮັດ​ໃຫ້​ສິວ​ຂຶ້ນ​ມາ​ໂດຍບໍ່​ຮູ້​ໂຕ ເພາະ​ແຕ່​ລະ​ມື້​ທ່ານ​ສຳ​ຜັດ​ກັບ​ສິ່​ງ​ເປິ​ເປື້ອນ​ຫລວງ​ຫລາຍ ໂດຍ​ທີ່​ທ່ານບໍ່​ຮູ້​ໂຕ ດັ່ງ​ນັ້ນ ພະ​ຍາ​ຍາມ​ຫລີກ​ເວັ້ນ​ການ​ສຳ​ຜັດ​ໃບ​ໜ້າ​ຈະ​ດີ​ສຸດ.
  • ສິ່ງ​ທີ່​ຄວນ​ເຮັດ :
  1. ເບິ່ງ​ແຍງ​ຮັກ​ໃບ​ໜ້າ​ໃຫ້​ສະ​ອ​າດ​ຢູ່​ສະ​ເໝີ.
  2. ໃຊ້​ເຈ້ຍ​ຊັບ​ຄວາມ​ມັນ​ເພື່ອ​ໃບ​ໜ້າ​ທີ່​ໃສ​ຂຶ້ນ.
  3. ໃຊ້​ໂທນ​ເນີ ເພາະ​ມັນ​ຖືກ​ຜະ​ລິດ​ອອກ​ມາ​ເພື່ອ​ການ​ເບິ່ງ​ແຍງ​ທີ່​ເລິກ​ຫລາຍ​ຂຶ້ນ.
  4. ເລືອກ​ຜະ​ລິດ​ຕະ​ພັນ​ລ້າງ​ໜ້າ​ທີ່​ເໝາະ​ສົມ​ກັບ​ຕົນ​ເອງ ຫາກ​ໃຊ້​ຫຍັງ​ແລ້ວ​ແພ​ດ ກໍ​ໃຫ້​ຫາ​ສູດ​ທີ່​ອ່ອນ​ໂຍນ ແລະ ເປັນ​ທຳ​ມະ​ຊາດ​ມາ​ໃຊ້.
  • ສິ່ງ​ທີ່ບໍ່​ຄວນ​ເຮັດ :
  1. ຫລີກ​ເວັ້ນ​ການ​ທາ​ແປ້​ງຂະ​ນະ​ໜ້າ​ມັນ.
  2. ປ່ຽນ​ນິ​ໄສ​ການ​ເອົາ​ມື​ສຳ​ຜັດ​ໃບ​ໜ້າ.
  3. ຢ່າ​ເຄັ່ງ​ຄຽດ​ກັບ​ເລື່ອງ​ໜ້າ​ຫລາຍ​ເກີນ​ໄປ ເພາະ​ຈະ​ເຮັດ​ໃຫ້​ສິວ​ຂຶ້ນ​ຫລາຍ​ກ່​ວາ​ເກົ່າ.
  • ການ​ລ້າງ​ໜ້າ : ຄວ​ນ​ຖະ​ໜອມ​ໃບ​ໜ້າ ໂດຍ​ການ​ລ້າງ​ໜ້າ​ຄ່ອຍໆ ໃຊ້​ປາຍ​ນິ້ວ​ມື​ນວດ​ຟອງ​ຄ່ອຍໆ​ທີ່​ສຸດ ເພາະ​ຜິວ​ໜ້າ​ເປັນ​ພາກ​ສ່ວນ​ທີ່​ອ່ອນ​ບາງ ແລະ ຕ້ອງ​ການ​ເບິ່ງ​ແຍງ​ຮັກ​ສາ​ເປັນ​ຢ່າງ​ດີ ໃນ​ເມື່ອ​ທ່ານ​ຢາກ​ມີ​ຜິວ​ໜ້າ​ທີ່​ງົດ​ງາມ​ກໍ​ຄວນ​ຈະ​ຕ້ອງ​ເບິ່ງ​ແຍງ​ໃຫ້​ດີ​ທີ່​ສຸດ ຜົນ​ເສຍ​ຂອ​ງ​ການ​ຮຸກ​ຖູ​ໃບ​ໜ້າ​ແຮງໆ​ແມ່ນ​ຈະ​ເຮັ​ດ​ໃຫ້​ເກີດ​ຮອຍ​ຫ່ຽວ​ຍານ ແລະ ຈະ​ຮູ້​ສຶກວ່າ​ໜ້າ​ແຫ້ງ ແລະ ເຄັ່ງ​ຫລັງ​ຈາກ​ລ້າງ​ໜ້າ ເຊິ່ງ​ມີ​ຄວາມ​ເຊື່ອ​ວ່າ​ເວ​ລາ​ລ້າງ​ໜ້າ​ໃຫ້​ເງີຍ​ໜ້າ​ຂຶ້ນ​ຈະ​ດີ​ທີ່​ສຸດ ເຊິ່ງ​ການ​ເງີຍ​ໜ້າ​ກໍ​ຄື ຍໍ​ຄາງ​ຂຶ້ນ​ໜ້ອຍ​ໜຶ່ງ ແລະ ຢ່າ​ແຫງນ​ໜ້າ​ຫລາຍ​ຈົນ​ເກີນ​ໄປ ເພາະ​ຈະ​ເຮັ​ດ​ໃຫ້​ທ່ານ​ເບິ່ງບໍ່​ເຫັນ​ໂຕ​ເອງ​ຂະ​ນະ​ລ້າງ​ໜ້າ.

ເຄັ​ດ​ລັບ​ຕ່າງໆ​ເພື່ອ​ສຸ​ຂະ​ພ​າບ​ຜິວ​ທີ່​ດີ​ສຳ​ລັບ​ຜູ້​ຊາຍ - 041102 2021 300x200 - ເຄັ​ດ​ລັບ​ຕ່າງໆ​ເພື່ອ​ສຸ​ຂະ​ພ​າບ​ຜິວ​ທີ່​ດີ​ສຳ​ລັບ​ຜູ້​ຊາຍ

ເຄັ​ດ​ລັບ​ຕ່າງໆ​ເພື່ອ​ສຸ​ຂະ​ພ​າບ​ຜິວ​ທີ່​ດີ​ສຳ​ລັບ​ຜູ້​ຊາຍ - Wave100S AD to Website 2020 0 - ເຄັ​ດ​ລັບ​ຕ່າງໆ​ເພື່ອ​ສຸ​ຂະ​ພ​າບ​ຜິວ​ທີ່​ດີ​ສຳ​ລັບ​ຜູ້​ຊາຍ
  • ສິ່ງ​ທີ່​ຄວນ​ເຮັດ :
  1. ຫາ​ຜະ​ລິດ​ຕະ​ພັນ​ທີ່​ເໝາະ​ສົມ​ກັບ​ຕົນ​ເອງ​ໃຫ້​ໄດ້ ເນັ້ນ​ສານ​ສະ​ກັດ​ຈາກ​ທຳ​ມະ​ຊາດ​ເປັນ​ສຳ​ຄັນ.
  2. ຄວບ​ຄຸມ​ຄວາມ​ແຮງ​ການ​ໃຊ້​ຮຸກ​ຖູ​ໃບ​ໜ້າໃຫ້​ໄດ້.
  3. ເງີຍ​ໜ້າ​ຂະ​ນະ​ລ້າງ​ພໍ​ສົມ​ຄວນ ຢ່າ​ເງີຍ​ຈົນ​ເບິ່ງບໍ່​ເຫັນ​ໜ້າ​ໂຕ​ເອງ.
  4. ອ່ານ​ຄຳ​ແນະ​ນຳ​ໃນ​ການ​ໃຊ້​ຜະ​ລິດ​ຕ​ະ​ພັນ​ໃຫ້​ດີ​ກ່ອນ​ໃຊ້.
  • ສິ່ງ​ທີ່ບໍ່​ຄວນ​ເຮັດ :
  • ຮຸກ​ຖູ​ໃບ​ໜ້າ​ແຮງໆ ຍ້ອນ​ຄິດ​ວ່າ​ໜ້າ​ຈະ​ສະ​ອາດ ແລະ ກ້ຽງ​ຫລາຍ​ຍິ່ງ​ຂຶ້ນ.
ເຄັ​ດ​ລັບ​ຕ່າງໆ​ເພື່ອ​ສຸ​ຂະ​ພ​າບ​ຜິວ​ທີ່​ດີ​ສຳ​ລັບ​ຜູ້​ຊາຍ - WhatsApp Image 2020 05 27 at 5 - ເຄັ​ດ​ລັບ​ຕ່າງໆ​ເພື່ອ​ສຸ​ຂະ​ພ​າບ​ຜິວ​ທີ່​ດີ​ສຳ​ລັບ​ຜູ້​ຊາຍ
ເຄັ​ດ​ລັບ​ຕ່າງໆ​ເພື່ອ​ສຸ​ຂະ​ພ​າບ​ຜິວ​ທີ່​ດີ​ສຳ​ລັບ​ຜູ້​ຊາຍ - WhatsApp Image 2020 05 27 at 5 - ເຄັ​ດ​ລັບ​ຕ່າງໆ​ເພື່ອ​ສຸ​ຂະ​ພ​າບ​ຜິວ​ທີ່​ດີ​ສຳ​ລັບ​ຜູ້​ຊາຍ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!