ເກີດເຫດລົດໄຟຕົກລາງຢູ່ໄຕ້ຫວັນ ເສຍຊີວິດແລ້ວຢ່າງໜ້ອຍ 36 ຄົນ
ວັນທີ 2 ເມສາ, ເກີດເຫດລົດໄຟຂະບວນໜຶ່ງທີ່ບັນທຸກຜູ້ໂດຍສານປະມານ 350 ຄົນ ຕຳກັບລົດສ້ອມແປງອຸໂມງຈົນຕົກລາງ ຂະນະກຳລັງແລ່ນຜ່ານອຸໂມງຢູ່ເມືອງຮົວຫລຽນຂອງໄຕ້ຫວັນ. ສຳນັກຂ່າວ Reuters ລາຍງານເບື້ອງຕົ້ນມີຜູ້ເສຍຊີວິດແລ້ວຢ່າງໜ້ອຍ 36 ຄົນ, ໄດ້ຮັບບາດເຈັບອີກຫລາຍກວ່າ 72 ຄົນ ຖືເປັນອຸປະຕິເຫດລົດໄຟຕົກລາງຮຸນແຮງທີ່ສຸດໃນຮອບ 3 ທົດສະວັດ.
ພາບຈາກວິດີໂອທີ່ໄດ້ຮັບການບັນທຶກໄວ້ ເຜີຍໃຫ້ເຫັນລົດສ້ອມແປງອຸໂມງທີ່ຕົກລົງມາກີດຂວາງເສັ້ນທາງແລ່ນຂອງລົດໄຟຂະບວນດັ່ງກ່າວ ເປັນເຫດໃຫ້ເກີດຄວາມສູນເສຍຄັ້ງໃຫຍ່ຕາມມາ ໂດຍທາງການຈະເລັ່ງສືບສວນ ແລະ ຫາຂໍ້ມູນເພີ່ມຕື່ມ.
ອ້າງອີງ:
https://www.reuters.com/…/taiwan-train-derails-at-least…
https://www.nytimes.com/…/asia/taiwan-train-derails.html
https://edition.cnn.com/…/taiwan-train…/index.html
