ສະຫະລັດຜ່ອນຜັນມາດຕະການ ຕໍ່ກັບຜູ້ສັກວັກຊີນຕ້ານໂຄວິດ-19 ແລ້ວ

ວັນທີ 4 ເມສານີ້, ສຳນັກຂ່າວຕ່າງປະເທດລາຍງານວ່າ ສູນຄວບຄຸມ ແລະ ປ້ອງກັນພະຍາດຂອງສະຫະລັດ(CDC) ໃຫ້ຮູ້ວ່າ ປະຊາຊົນຜູ້ທີ່ໄດ້ຮັບສັກວັກຊີນຕ້ານໂຄວິດ-19 ຄົບທັງ 2 ເຂັມແລ້ວ ມີສິດໄປ-ມາຂ້າມລະຫວ່າງລັດໄດ້. ເຖິງຢ່າງໃດກໍຕາມ ຫົວໜ້າອົງກອນດັ່ງກ່າວທ່ານນາງ Rochelle Walensky ໃຫ້ຮູ້ວ່າ  ໄລຍະນີ້ບໍ່ທັນແມ່ນໄລຍະທີ່ຈະຈັດການທ່ອງທ່ຽວໄດ້.

ທ່ານກ່າວວ່າ: “ໄລຍະນີ້ ສະຫະລັດຍັງມີຜູ້ຕິດເຊື້ອເພີ່ມຂຶ້ນ, ສະນັ້ນ ຈຶ່ງບໍ່ຄວນສົ່ງເສີມກັນໄປທ່ອງທ່ຽວແຕ່ພວກເຮົາບໍ່ໄດ້ຫ້າມວ່າບໍ່ໃຫ້ໄປທ່ອງທ່ຽວໃນໄລຍະນີ້ ໂດຍສະເພາະຕໍ່ກັບຜູ້ທີ່ບໍ່ທັນໄດ້ຮັບສັກວັກຊີນ.

ສຳນັກຂ່າວ ຣອຍເຕີ ໂດຍອ້າງອີງເນື້ອໃນແຜ່ນພັບແນະນຳການທ່ອງທ່ຽວທີ່ປະກາດໂດຍ CDC ວ່າ ການກວດກາຫາເຊື້ອ ແລະ ການກັກຕົວ ນັ້ນແມ່ນບໍ່ມີຄວາມຈຳເປັນອີກ, ຕາບໃດປະຊາຊົນຫາກຍອມໃສ່ຜ້າອັດປາກ-ດັງ ແລະ ປະຕິບັດມາດຕະການໄລຍະຫ່າງທາງສັງຄົມ.”