ຜົນວິໄຈຊີ້ 1 ໃນ 3 ຜູ້ລອດຊີວິດຈາກໂຄວິດ-19 ມີອາການທາງລະບົບປະສາດ ຫລື ບັນຫາສຸຂະພາບຈິດໄລຍະຍາວ

- c13e0f79 6b3d 4410 a5e6 91717034fb48 - ຜົນວິໄຈຊີ້ 1 ໃນ 3 ຜູ້ລອດຊີວິດຈາກໂຄວິດ-19 ມີອາການທາງລະບົບປະສາດ ຫລື ບັນຫາສຸຂະພາບຈິດໄລຍະຍາວ
- Untitled design - ຜົນວິໄຈຊີ້ 1 ໃນ 3 ຜູ້ລອດຊີວິດຈາກໂຄວິດ-19 ມີອາການທາງລະບົບປະສາດ ຫລື ບັນຫາສຸຂະພາບຈິດໄລຍະຍາວ

ລາຍ​ງານ​ຜົນ​ການ​ສຶກສາວິ​ໄຈທີ່​ເຜີຍ​ແຜ່​ຜ່ານ​ວາລະສານ​ການ​ແພດ Lancet Psychiatry ​ເປີ​ດ​ເຜີຍ​ຜົນ​ກະທົບ​ທີ່​ເກີດ​ກັບ​ຜູ້ລອດ​ຊີວິດ​ຈາກ​ພະຍາດ​ໂຄ​ວິດ-19 ພົບ​ວ່າ: ຫລາຍ​ກວ່າ 1 ​ໃນ 3 ມີ​ອາການ​ໃນ​ລະບົບ​ປະສາດ ຫລື ບັນຫາ​ສຸຂະພາບ​ຈິດ​ໄລຍະ​ຍາວ.

ຜົນ​ວິ​ໄຈ​ດັ່ງກ່າວ​ສຳ​ຫລວດ​ຈາກ​ກຸ່ມ​ຜູ້​ລອດ​ຊີວິດ​ຈາກ​ໂຄ​ວິດ-19 ຈຳນວນ 236.379 ຄົນ ​ເຊິ່ງ 34% ກວດ​ພົບ​ອາການ​ທາງ​ລະບົບ​ປະສາດ ​ແລະ ຈິດຕະ​ເວດ​ໃນ​ໄລຍະ 6 ​ເດືອນ​ທີ່​ຕິດ​ເຊື້ອ ​ເຊິ່ງອາການ​ທົ່ວ​ໄປ​ທີ່​ພົບ​ໄດ້​ຫລາຍ​ທີ່​ສຸດ​ຄື​ອາການ​ກັງວົນ​ທີ່​ພົບ​ປະມານ 17% ຂອງ​ຄົນ​ເຈັບ​ທີ່​ຮັບ​ການ​ປິ່ນປົວ​ໂຄ​ວິດ-19, ຮອງ​ລົງ​ມາ​ແມ່ນ​ອາການ​ຜິດ​ປົກກະຕິ​ທາງ​ອາລົມ​ທີ່​ພົບ​ໃນ 14% ຂອງ​ຄົນ​ເຈັບ.

ຂະນະ​ທີ່​ຜົນ​ກະທົບ​ຕໍ່​ລະບົບ​ປະສາດ ຫລື ພະຍາດ​ທາງ​ສະໝອງ (Brain Disease) ນັ້ນຮ້າຍ​ແຮງຫລາຍ​ກວ່າ​ສຳລັບ​ຜູ້​ຕິດ​ເຊື້ອ​ໂຄ​ວິດ-19 ທີ່​ຮັບ​ການ​ປິ່ນປົວ​ໃນ​ໂຮງໝໍ, ​ແຕ່​ເປັນ​ອາການ​ທີ່​ພົບ​ໄດ້​ທົ່ວ​ໄປ​ສຳລັບ​ຜູ້​ຕິດ​ເຊື້ອ​ໂຄ​ວິດ-19 ທີ່​ບໍ່​ໄດ້​ຮັບ​ການ​ປິ່ນປົວ​ຢູ່​ໂຮງໝໍ.

ສຳລັບ​ຜົນ​ວິ​ໄຈ​ສະບັບ​ນີ້​ຖື​ເປັນ​ການ​ສຶກສາວິ​ໄຈ​ຂະໜາດ​ໃຫຍ່​ທີ່​ສຸດ​ກ່ຽວຂ້ອງ​ກັບ​ບັນທຶກ​ດ້ານ​ສຸຂະພາບ​ຂອງ​ຜູ້​ຕິດ​ເຊື້ອ​ໂຄ​ວິດ-19 ​ເຊິ່ງສ່ວນ​ຫລາຍ​ເປັນ​ຜູ້​ຕິດ​ເຊື້ອຢູ່​ອາ​ເມ​ລິ​ກາ ​ໂດຍ​ທີ​ມນັກວິ​ໄຈ​ມີ​ການ​ສຶກສາ​ປຽບທຽບ​ບັນທຶກ​ສຸຂະພາບ​ຂອງ​​ຄົນ​ເຈັບ​ພະຍາດ​ຕິດ​ເຊື້ອທາງ​ເດີນ​ຫາຍ​ໃຈ​ອື່ນໆ​ໃນ​ຂອບ​ເວລາ​ດຽວ​ກັນ.

ລາຍ​ງານ​ຜົນ​ວິ​ໄຈ​ຍັງ​ຊີ້​ໃຫ້​ເຫັນ​ວ່າ: ຜູ້​ຕິດ​ເຊື້ອ​ໂຄ​ວິດ-19 ມີ​ຄວາມ​ສ່ຽງ​ຈະ​ຜະ​ເຊີນ​ອາການ​ປ່ວຍ​ດ້ານ​ຈິດຕະ​ເວດ ຫລື ລະບົບ​ປະສາດ​ເພີ່ມ​ຂຶ້ນ​ເຖິງ 44% ​ເມື່ອ​ທຽບ​ໃສ່​ຜູ້​ທີ່​ເຊົາ​ຈາກ​ພະຍາດ​ໄຂ້ຫວັດ​ໃຫຍ່ ​ແລະ ຖ້າ​ທຽບ​ໃສ່​ຄົນ​ເຈັບ​ພະຍາດ​ທາງ​ເດີນ​ຫາຍ​ໃຈອື່ນໆ ຈະ​ມີ​ຄວາມ​ສ່ຽງ​ຫລາຍ​ກວ່າ​ປະມານ 16%.

ອີກ​ທັງ ຜູ້​ຕິດ​ເຊື້ອ​ໂຄ​ວິດ-19 ປະມານ 1 ​ໃນ 50 ຄົນ ຈະ​ປະສົບ​ອາການພະຍາດ​ຫລອດ​ເລືອດ​ສະໝອງ​ຕີບ ​ເຊິ່ງ​ເປັນ​ຫລອດ​ເລືອດ​ທີ່​ສົ່ງ​ຜົນ​ກະທົບ​ຕໍ່​ສະໝອງ. ທັງ​ນີ້ ຜົນ​ການ​ວິ​ໄຈ​ຍັງ​ບໍ່​ພົບ​ວ່າ: ພະຍາດ​ໂຄວິດ-19 ນັ້ນ​ເພີ່ມ​ຄວາມ​ສ່ຽງ​ຕໍ່​ການ​ເກີດ​ອາການ​ທາງ​ລະບົບ​ປະສາດ​ທັງ​ໝົດ.

​ເຖິງ​ຢ່າງ​ໃດ​ກໍ​ຕາມ, ຜູ້​ຊ່ຽວຊານ​ຍັງ​ຕັ້ງຂໍ້​ສັງ​ເກດ​ເຖິງ​ຂໍ້​ຈຳກັດ​ໃນ​ການ​ສຶກສາວິ​ໄຈ​ສະບັບ​ນີ້​ທີ່​ໃຊ້​ຂໍ້​ມູນ​ການ​ເບິ່ງ​ແຍງ​ສຸຂະພາບ​ປະຈຳ​ວັນ​ຫລາຍ​ກວ່າ​ຂໍ້​ມູນ​ວິ​ໄຈ ​ເຊິ່ງອາດ​ເຮັດ​ໃຫ້​ພາດ​ຂໍ້​ມູນ​ການ​ບົ່ງມະຕິ ​ແລະ ອາດ​ເຮັດ​ໃຫ້​ຜົນ​ວິ​ໄຈ​ນັ້ນບໍ່​ຖືກຕ້ອງ​ສົມບູນ.

- Wave100S AD to Website 2020 0 - ຜົນວິໄຈຊີ້ 1 ໃນ 3 ຜູ້ລອດຊີວິດຈາກໂຄວິດ-19 ມີອາການທາງລະບົບປະສາດ ຫລື ບັນຫາສຸຂະພາບຈິດໄລຍະຍາວ

ຂະນະ​ທີ່​ຄວາມ​ສຳຄັນ​ຂອງ​ການກວດ​ບົ່ງມະຕິ​ອາການ​ນັ້ນອາດ​ກໍ່​ໃຫ້​ເກີດ​ຄວາມ​ແຕກ​ຕ່າງ​ຕໍ່​ຜົນສຳ​ຫລວດ​ອາການ​ທາງ​ລະບົບ​ປະສາດ ​ແລະ ຈິດຕະ​ເວດ ​ເນື່ອງ​ຈາກ​ຜູ້​ຕິດ​ເຊື້ອ​ໂຄ​ວິດ-19 ອາດ​ໄດ້​ຮັບ​ການກວດ​ບົ່ງມະຕິ​ດ້ານ​ລະບົບ​ປະສາດ ​ແລະ ຈິດຕະ​ເວດ​ຫລາຍ​ກວ່າ ​ເພາະ​ຕ້ອງ​ມີ​ການ​ຕິດຕາມ​ເບິ່ງ​ແຍງ​ທາງ​ການ​ແພດ​ທີ່ຫລາຍ​ກວ່າ ​ເມື່ອ​ທຽບ​ໃສ່​ຄົນ​ເຈັບ​ພະຍາດ​ທາງ​ເດີນ​ຫາຍ​ໃຈ​ອື່ນໆ.

​ແຕ່​ເຖິງ​ຢ່າງ​ໃດ, ສິ່ງ​ໜຶ່ງ​ທີ່​ຜົນ​ການ​ສຶກສາວິ​ໄຈ​ສະບັບ​ນີ້​ຊີ້​ໃຫ້​ເຫັນ​ຈະ​ແຈ້ງ​ຄື: ຜົນ​ກະທົບ​ຈາກ​ການ​ແຜ່​ລະບາດ​ຂອງ​ພະຍາດ​ໂຄ​ວິດ-19 ຈະ​ກາຍ​ເປັນ​ພາລະ​ໃນ​ໄລຍະ​ຍາວ​ຕໍ່​ລະບົບ​ສາທາລະນະ​ສຸກ.

ອ້າງ​ອີງ: . https://edition.cnn.com/2021/04/06/health/covid-neurological-psychological-lancet-wellness/index.html?fbclid=IwAR1f4YbAz0rs3M0xvA0RWaD-alrQgixs01xhzXJLUmvnl_tMmKh1jwEP9gU 

. https://www.thelancet.com/journals/lanpsy/article/PIIS2215-0366(21)00084-5/fulltext

- WhatsApp Image 2020 05 27 at 5 - ຜົນວິໄຈຊີ້ 1 ໃນ 3 ຜູ້ລອດຊີວິດຈາກໂຄວິດ-19 ມີອາການທາງລະບົບປະສາດ ຫລື ບັນຫາສຸຂະພາບຈິດໄລຍະຍາວ
- WhatsApp Image 2020 05 27 at 5 - ຜົນວິໄຈຊີ້ 1 ໃນ 3 ຜູ້ລອດຊີວິດຈາກໂຄວິດ-19 ມີອາການທາງລະບົບປະສາດ ຫລື ບັນຫາສຸຂະພາບຈິດໄລຍະຍາວ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!