ນາຍົກລັດຖະມົນຕີນໍເວຖືກປັບໄໝ 20.000 ໂຄຣນນໍເວ ຂໍ້ຫາລະເມີດຂໍ້ຈຳກັດຄວບຄຸມໂຄວິດ-19
ວັນທີ 9 ເມສາ 2021, ຕຳຫລວດນໍເວຖະແຫລງຂ່າວວ່າ: ທ່ານ ນາງ ອານາ ຊູລບາກ ນາຍົກລັດຖະມົນຕີນໍເວ ຖືກສັ່ງປັບໄໝ 20.000 ໂຄຣນນໍເວ (ປະມານ 24 ລ້ານກວ່າກີບ) ຂໍ້ຫາລະເມີດຂໍ້ຈຳກັດການລວມກຸ່ມເພື່ອຄວບຄຸມການແຜ່ລະບາດຂອງພະຍາດຕິດເຊື້ອໄວຣັສໂຄໂຣນາສາຍພັນໃໝ່ (ໂຄວິດ-19).
ຄຳສັ່ງປັບໄໝນີ້ມີຂຶ້ນຫລັງຈາກຕຳຫລວດລະບຸວ່າ: ການລວມກຸ່ມຂອງຄອບຄົວ ຊູລບາກ ແລະ ແຂກໃນເດືອນກຸມພາຜ່ານມາ ບໍ່ເປັນໄປຕາມກົດລະບຽບຂອງລັດ ໂດຍມີການລວມກຸ່ມເກີນ 10 ຄົນ ເປັນເວລາຕິດຕໍ່ກັນ 2 ວັນ ເພື່ອສະເຫລີມສະຫລອງວັນເກີດປີທີ 60 ຂອງນາງ ຊູລບາກ ໃນເຮືອນເຂດພູເກໂລທາງຕອນໃຕ້ຂອງນໍເວ.
ຕຳຫລວດເຊື່ອວ່າ: ຄຳສັ່ງປັບໄໝນາງ ຊູລບາກ ຄັ້ງນີ້ມີຄວາມຍຸຕິທຳ ເພື່ອໃຫ້ປະຊາຊົນມີຄວາມເຊື່ອໝັ້ນຕໍ່ກົດລະບຽບຄວບຄຸມ ແລະ ປ້ອງກັນການແຜ່ລະບາດຂອງພະຍາດໂຄວິດ-19.
ອ້າງອີງ: ສຳນັກຂ່າວຊິນຮົວ
