ລັດຖະມົນຕີ ກະຊວງປ້ອງກັນຄວາມສະຫງົບ ລົງຊຸກຍູ້ວຽກງານ ປ້ອງກັນພະຍາດໂຄວິດ-19 ຢູ່ໂຮງໝໍ 5 ເມສາ

ລັດຖະມົນຕີ ກະຊວງປ້ອງກັນຄວາມສະຫງົບ ລົງຊຸກຍູ້ວຽກງານ ປ້ອງກັນພະຍາດໂຄວິດ-19 ຢູ່ໂຮງໝໍ 5 ເມສາ - 173959275 1611056422431465 8489458318146858427 n - ລັດຖະມົນຕີ ກະຊວງປ້ອງກັນຄວາມສະຫງົບ ລົງຊຸກຍູ້ວຽກງານ ປ້ອງກັນພະຍາດໂຄວິດ-19 ຢູ່ໂຮງໝໍ 5 ເມສາ
ລັດຖະມົນຕີ ກະຊວງປ້ອງກັນຄວາມສະຫງົບ ລົງຊຸກຍູ້ວຽກງານ ປ້ອງກັນພະຍາດໂຄວິດ-19 ຢູ່ໂຮງໝໍ 5 ເມສາ - AGL banner - ລັດຖະມົນຕີ ກະຊວງປ້ອງກັນຄວາມສະຫງົບ ລົງຊຸກຍູ້ວຽກງານ ປ້ອງກັນພະຍາດໂຄວິດ-19 ຢູ່ໂຮງໝໍ 5 ເມສາ

ໃນວັນທີ 24 ເມສາ 2021, ທ່ານພົນໂທ ວິໄລ ຫລ້າຄໍາຟອງ ລັດຖະມົນຕີ ກະຊວງປ້ອງກັນຄວາມສະຫງົບ, ພ້ອມດ້ວຍຜູ້ຕາງໜ້າຄະນະສະເພາະກິດ ເພື່ອປ້ອງກັນ, ຄວບຄຸມ ແລະ ແກ້ໄຂ ການລະບາດຂອງພະຍາດໂຄວິດ-19 ຂັ້ນສູນກາງ ແລະ ຂອງກໍາລັງປ້ອງກັນຄວາມສະຫງົບ, ໄດ້ລົງເຄື່ອນໄຫວຢ້ຽມຢາມ ເພື່ອຊຸກຍູ້ວຽກງານປ້ອງກັນພະຍາດໂຄວິດ-19 ຢູ່ໂຮງໝໍ 5 ເມສາ ກໍຄື ທົ່ວກໍາລັງປ້ອງກັນຄວາມສະຫງົບ, ເພື່ອປະຕິບັດຕາມທິດຊີ້ນໍາ ຂອງນາຍົກລັດຖະມົນຕີ ຕໍ່ກອງປະຊຸມລັດຖະບານປະຈໍາເດືອນເມສາ 2021 ໃຫ້ກະກຽມຄວາມພ້ອມຮັບມືກໍລະນີ ມີການລະບາດກວ້າງຂອງພະຍາດດັ່ງກ່າວ, ໂດຍມີຄະນະພັກ, ຄະນະນໍາເສນາຮັກ-ໂຮງໝໍ 5 ເມສາ ໃຫ້ການຕ້ອນຮັບຢ່າງອົບອຸ່ນ.

ໃນໂອກາດນີ້, ຜູ້ຕາງໜ້າຄະນະນໍາເສນາຮັກ-ໂຮງໝໍ 5 ເມສາ ໄດ້ລາຍງານວ່າ: ພາຍຫລັງມີການລະບາດເປັນບໍລິເວນກວ້າງຂອງພະຍາດໂຄວິດ-19 ຢູ່ປະເທດເຮົາ ໃນໄລຍະເດືອນເມສາ ມານີ້, ກົມເສນາຮັກ-ໂຮງໝໍ 5 ເມສາ ໄດ້ສ້າງແຜນລະອຽດ ເພື່ອກໍານົດເປົ້າໝາຍກຸ່ມສ່ຽງ ຕາມແຈ້ງການຂອງຄະ ນະສະເພາະກິດຂັ້ນສູນກາງ ລວມມີພະນັກງານແພດໝໍ, ນາຍ ແລະ ພົນຕໍາຫລວດ ທີ່ເຮັດວຽກປະຈໍາຢູ່ດ່ານເຂົ້າ-ອອກ ຕ່າງໆ ແລະ ພະນັກງານທີ່ເຮັດວຽກງານສືບສວນ ກໍລະນີຢູ່ສູນກັກກັນຕ່າງໆ ແລະ ມາຮອດປັດຈຸບັນສາມາດ ສັກວັກແຊງໃຫ້ກັບເປົ້າໝາຍດັ່ງກ່າວ ສໍາເລັດແລ້ວກວ່າ 3.300 ເຂັມ. ແນວໃດກໍຕາມ, ໂຮງໝໍ 5 ເມສາ ຍັງມີຄວາມຂາດເຂີນຫລາຍດ້ານ ແລະ ສິ່ງທ້າທາຍໃນການຮັບມືກັບການລະ ບາດຂອງພະຍາດດັ່ງກ່າວ, ເປັນຕົ້ນແມ່ນ ທົ່ວໂຮງໝໍ ມີຕຽງນອນຄົນເຈັບທັງໝົດ 100 ຕຽງ. ໃນນີ້, ສໍາລັບຮອງຮັບຜູ້ຕິດເຊື້ອພະຍາດໂຄວິດ-19 ມີພຽງແຕ່ 16 ຕຽງ. ນອກນີ້, ເຄື່ອງຊ່ວຍຫາຍໃຈ ກໍມີບໍ່ເທົ່າໃດເຄື່ອງ.

ໃນໂອກາດນີ້, ທ່ານລັດຖະມົນຕີກະຊວງປ້ອງກັນຄວາມສະຫງົບ ໄດ້ມີຄໍາເຫັນຊີ້ນໍາໃຫ້ຄະນະສະ ເພາະກິດຂອງກະຊວງປ້ອງກັນຄວາມສະຫງົບ ເພີ່ມທະວີວຽກງານໂຄສະນາ ເຜີຍແຜ່ຄວາມອັນຕະລາຍຂອງພະຍາດດັ່ງກ່າວໃຫ້ພະນັກງານ-ນາຍຕໍາຫລວດ ທົ່ວກໍາລັງປ້ອງກັນຄວາມສະຫງົບ ໄດ້ຮັບຮູ້ເຂົ້າໃຈ ແລະ ເອົາໃຈໃສ່ປະຕິບັດມາດຕະການປ້ອງກັນພະຍາດຢ່າງເຄັ່ງຄັດ, ໄປຄຽງຄູ່ກັບການປຸກລະດົມເຂົາເຈົ້າໃຫ້ໄປຮັບການສັກວັກແຊງໃຫ້ທົ່ວເຖິງ, ຄົ້ນຄວ້າສະຖານທີ່ກະກຽມຮອງຮັບຄົນເຈັບໃຫ້ໄດ້ຫລາຍຂຶ້ນ, ອາດຈະກໍານົດເອົາບັນດາສະໂມສອນ ຫລື ໂຮງຮຽນຕໍາຫລວດ ທີ່ມີຄວາມເໝາະສົມ. ນອກນີ້, ກໍຄັດເລືອກເອົານັກຮຽນແພດຂອງຕໍາຫລວດໃນໜ້າວຽກທີ່ເໝາະສົມມາຮັບໃຊ້ ຊ່ວຍເບິ່ງແຍງປິ່ນປົວຄົນເຈັບ ໃນກໍລະນີເກີດການລະບາດຫລາຍ, ພ້ອມທັງສັງລວມ ຄວາມຕ້ອງການທາງດ້ານອຸປະກອນຈໍາເປັນ ເພື່ອຮັບໃຊ້ວຽກງານປ້ອງກັນພະຍາດ ເຊັ່ນ: ຢາ, ນໍ້າຢາຂ້າເຊື້ອ, ຜ້າອັດປາກ-ດັງ ແລະ ເຄື່ອງມືການແພດອື່ນໆ ແລ້ວສະເໜີຕໍ່ຄະນະນໍາກະຊວງ ເພື່ອສະເໜີ ຕໍ່ລັດຖະບານໃຫ້ການຊ່ວຍເຫລືອໄດ້ທັນເວລາ ເພື່ອຮັບປະກັນໃຫ້ການຮັບມືປ້ອງກັນພະຍາດໂຄວິດ-19 ຢູ່ປະເທດເຮົາມີປະສິດທິຜົນ.

ລັດຖະມົນຕີ ກະຊວງປ້ອງກັນຄວາມສະຫງົບ ລົງຊຸກຍູ້ວຽກງານ ປ້ອງກັນພະຍາດໂຄວິດ-19 ຢູ່ໂຮງໝໍ 5 ເມສາ - Wave100S AD to Website 2020 0 - ລັດຖະມົນຕີ ກະຊວງປ້ອງກັນຄວາມສະຫງົບ ລົງຊຸກຍູ້ວຽກງານ ປ້ອງກັນພະຍາດໂຄວິດ-19 ຢູ່ໂຮງໝໍ 5 ເມສາ

ຂ່າວ-ຮູບ: ສຸພາສະຫວັນ ສີຊະນະມຸງຄຸນ

ລັດຖະມົນຕີ ກະຊວງປ້ອງກັນຄວາມສະຫງົບ ລົງຊຸກຍູ້ວຽກງານ ປ້ອງກັນພະຍາດໂຄວິດ-19 ຢູ່ໂຮງໝໍ 5 ເມສາ - WhatsApp Image 2020 05 27 at 5 - ລັດຖະມົນຕີ ກະຊວງປ້ອງກັນຄວາມສະຫງົບ ລົງຊຸກຍູ້ວຽກງານ ປ້ອງກັນພະຍາດໂຄວິດ-19 ຢູ່ໂຮງໝໍ 5 ເມສາ
ລັດຖະມົນຕີ ກະຊວງປ້ອງກັນຄວາມສະຫງົບ ລົງຊຸກຍູ້ວຽກງານ ປ້ອງກັນພະຍາດໂຄວິດ-19 ຢູ່ໂຮງໝໍ 5 ເມສາ - WhatsApp Image 2020 05 27 at 5 - ລັດຖະມົນຕີ ກະຊວງປ້ອງກັນຄວາມສະຫງົບ ລົງຊຸກຍູ້ວຽກງານ ປ້ອງກັນພະຍາດໂຄວິດ-19 ຢູ່ໂຮງໝໍ 5 ເມສາ
error: Alert: ເນື້ອຫາຂ່າວມີລິຂະສິດ !!