ນັກວິໄຈອົດສະຕຣາລີ ຄົ້ນພົບຢາປິ່ນປົວໂຄວິດ-19 ທຸກສາຍພັນ

- dFQROr7oWzulq5FZUHxHx1bLhz0QCoGqJG7uBbS9iPPgS1EF9pwhnhXV5cQQ7XbcYrt - ນັກວິໄຈອົດສະຕຣາລີ ຄົ້ນພົບຢາປິ່ນປົວໂຄວິດ-19 ທຸກສາຍພັນ
- AGL banner - ນັກວິໄຈອົດສະຕຣາລີ ຄົ້ນພົບຢາປິ່ນປົວໂຄວິດ-19 ທຸກສາຍພັນ

“ຄະນະນັກວິທະຍາສາດອົດສະຕຣາລີ ຮ່ວມມືກັບອາເມລິກາ ຄິດຄົ້ນຢາກຳຈັດໂຄວິດ-19 ທຸກສາຍພັນສຳເລັດໃນໄລຍະທີ 1 ຫລັງຜົນທົດລອງໃນໜູໄດ້ຜົນດີໃນໄວຣັສກາຍພັນ ສາມາດຫລຸດປະລິມານໄວຣັສໃນປອດຂອງສັດທົດລອງໄດ້ເຖິງ 99,9% ຖືເປັນຄວາມຫວັງໃໝ່ຂອງມະນຸດຕໍ່ສະຖານະການການລະບາດຂອງພະຍາດໂຄວິດ-19”.

ນັກວິທະຍາສາດຈາກສະຖາບັນສຸຂະພາບເມນຊີແຫ່ງລັດຄວີນແລນ (MHIQ) ມະຫາວິທະຍາໄລກຣິບຟິດ ຮ່ວມກັບ ສະຖາບັນວິໄຈ ຊິຕີ້ ອອບ ໂຮບ ໃນອາເມລິກາ ພັດທະນາລະບົບການບຳບັດທີ່ອາໄສຫລັກການທາງດ້ານສານພັນທຸກຳຊະນິດ RNA ເຊິ່ງມີເປົ້າໝາຍທຳລາຍເຊື້ອໄວຣັສສ້າງພະຍາດໂຄວິດ-19 ດ້ວຍການຄົ້ນຫາ ແລະ ທຳລາຍສານພັນທຸກຳດັ່ງກ່າວຂອງໄວຣັສ ສົ່ງຜົນໃຫ້ໄວຣັສສູນເສຍຄວາມສາມາດໃນການເພີ່ມຈຳນວນ.

ຜົນການທົດລອງໄລຍະທີ 1 ເຊິ່ງທົດລອງໃນສັດທົດລອງ (clinical trial phase I) ໃຫ້ຜົນທົດລອງອອກມາເປັນໜ້າພໍໃຈ, ເພີ່ມອັດຕາການລອດຊີວິດໃຫ້ໜູທົດລອງທີ່ຕິດເຊື້ອໄດ້ສູງຢ່າງໜ້າປະທັບໃຈ, ສາມາດຫລຸດປະລິມານໄວຣັສ (ໄວຣັສ ໂຫລດ) ໃນປອດຂອງສັດທົດລອງໄດ້ເຖິງ 99,9%.

ລາຍງານລະບຸວ່າ: ຢາດັ່ງກ່າວອາໄສຫລັກການການຄວບຄຸມການສະແດງອອກຂອງລັກສະນະທາງພັນທຸກຳ ທີ່ເອີ້ນວ່າ: RNA interference (RNAi) ໂດຍນັກວິໄຈນຳມາພັດທະນາຕໍ່ເປັນຈຸລັງທີ່ມີຄຸນລັກສະນະພິເສດກາຍເປັນເຕັກໂນໂລຊີຢຸດຢັ້ງລັກສະນະທາງພັນທຸລກຳເປົ້າໝາຍ (genesilencing RNA technology) ເອີ້ນວ່າ: small-interfering RNA (siRNA) ເຊິ່ງອອກແບບມາໃຫ້ເຊື່ອຕໍ່ເຂົ້າກັບ RNA ຂອງໄວຣັສສ້າງພະຍາດໂຄວິດ-19 ໂດຍເມື່ອເຊື່ອມຕໍ່ກັນແລ້ວ ຈະກາຍເປັນຢືນທີ່ສົ່ງສັນຍານໃຫ້ຈຸລັງຮ່າງກາຍທຳລາຍສານພັນທຸກຳດັ່ງກ່າວທັນທີ ສົ່ງຜົນໃຫ້ໄວຣັສບໍ່ສາມາດເພີ່ມຈຳນວນໄດ້.

ສາສະດາຈານ ໄນເຈວ ແມັກມິວແລນ ໜຶ່ງໃນຜູ້ນຳຄະນະນັກວິໄຈຈາກມະຫາວິທະຍາໄລກຣິບຟິດ ກ່າວວ່າ: ຢາດັ່ງກ່າວມີເປົ້າໝາຍແບບສະເພາະເຈາະຈົງສະເພາະກັບໄວຣັສສ້າງພະຍາດໂຄວິດ-19 ເທົ່ານັ້ນ ຈຶ່ງບໍ່ມີຜົນຕໍ່ຈຸລັງຊະນິດອື່ນໆໃນຮ່າງກາຍ ເນື່ອງຈາກທາງຜູ້ພັດທະນາອອກແບບຊຸດຄຳສັ່ງທີ່ສະເພາະດ້ວຍຫລັກການທາງພັນທຸກຳ, ໃຫ້ຢາຄົ້ນຫາ ແລະ ທຳລາຍຈຸລັງ ຫລື ອະນຸພາກໄວຣັສຊະນິດໃດຊະນິດໜຶ່ງເທົ່ານັ້ນ.

- Wave100S AD to Website 2020 0 - ນັກວິໄຈອົດສະຕຣາລີ ຄົ້ນພົບຢາປິ່ນປົວໂຄວິດ-19 ທຸກສາຍພັນ

ຖ້າທຽບໃຫ້ເຫັນພາບງ່າຍໆ ຢາຊະນິດນີ້ຄືຈະຫລວດນຳວິຖີ ມີເປົ້າໝາຍມຸ່ງທຳລາຍສານພັນທຸກຳຂອງໄວຣັສໂດຍກົງ ແລະ ຖືເປັນຕົວຢ່າງຂອງຢາຕ້ານໄວຣັສທີ່ອອກລິດໂດຍກົງຕໍ່ສານພັນທຸກຳຂອງໄວຣັສເປົ້າໝາຍ ບໍ່ໄດ້ອອກລິດຫຍັງກັບຈຸລັງອື່ນ ຖ້າຫາເປົ້າໝາຍບໍ່ເຫັນ ຢາຈະຢູ່ເສີຍໆ ບໍ່ໄດ້ເຮັດຫຍັງຮ່າງກາຍເຮົາ ໃຊ້ໄດ້ຜົນຕໍ່ໄວຣັສໂຄໂຣນາສາຍພັນຊາສ 1 ແລະ 2 (ໂຄວິດ-19) ລວມທັງຊະນິດໃໝ່ໆ ທີ່ອາດເກີດມາຈາກການກາຍພັນໃນອະນາຄົດໄດ້ ເນື່ອງຈາກເປົ້າໝາຍຫລັກຂອງຢາເປັນພື້ນທີ່ຢືນຖາວອນໃນຈີໂນມຂອງໄວຣັສ.

ທັງນີ້, ຄາດວ່າການທົດລອງໄລຍະຕໍ່ໄປຈະລາບລື່ນ ແລະ ນຳມາໃຊ້ໄດ້ພາຍໃນບໍ່ເກີນ 2 ປີຕໍ່ໜ້າ. ເຖິງຢ່າງໃດກໍຕາມ ນັກໄວຣັສວິທະຍາ ຍັງມີຂໍ້ກັງວົນຕໍ່ການທົດລອງໃນຄົນ ເພາະຄົນໂຕໃຫຍ່ກວ່າໜູທົດລອງ, ຢາທີ່ພັດທະນາຂຶ້ນມາອາດບໍ່ເຈືອຈາງໃນກະແສເລືອດມະນຸດຫາຍໄປທັງໝົດ.

ອ້າງອີງ:

https://www.tnnthailand.com/news/covid19/80272/

- WhatsApp Image 2020 05 27 at 5 - ນັກວິໄຈອົດສະຕຣາລີ ຄົ້ນພົບຢາປິ່ນປົວໂຄວິດ-19 ທຸກສາຍພັນ
- WhatsApp Image 2020 05 27 at 5 - ນັກວິໄຈອົດສະຕຣາລີ ຄົ້ນພົບຢາປິ່ນປົວໂຄວິດ-19 ທຸກສາຍພັນ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!