ແມ່ນໍ້າໃນອາກຊັງຕິນ ຢູ່ແຖວຊານເມືອງ ຂອງນະຄອນບູນົສໄອເຣສ໌ ປ່ຽນເປັນສີແດງຄ້າຍຄືກັບເລືອດ

ສຳນັກຂ່າວຕ່າງປະເທດລາຍງານວ່າ: ວັນທີ 6 ກຸມພາ 2025 ນ້ຳໃນແມ່ນໍ້າແຖວຊານເມືອງຂອງນະຄອນຫຼວງ ບູນົສໄອເຣສ໌ ປະເທດ ອາກຊັງຕິນ ກາຍເປັນສີແດງຄ້າຍຄືກັບເລືອດ ເຊິ່ງໄດ້ສ້າງຄວາມແຕກຕື່ນ ແລະ ສ້າງຄວາມກັງວົນໃຈຕໍ່ປະຊາຊົນທີ່ຢ້ານວ່າອາດມີສານເຄມີປົນເປື້ອນ, ປະຊາຊົນອ້າງວ່າບໍລິສັດຫລາຍແຫ່ງໃນພື້ນທີ່ໄດ້ບ່ອຍສານພິດ ລົງແມ່ນໍ້າດັ່ງກ່າວ ເຊິ່ງໄຫລຜ່ານພື້ນທີ່ໂຮງງານຟອກໜັງ ແລະ ສິ່ງເສດເຫລືອຈາກສີຍ້ອມຜ້າ ທີ່ຕັ້ງຢູ່ຫ່າງຈາກໃຈກາງເມືອງ 10 ກິໂລແມັດ,

ຂະນະທີ່ສື່ທ້ອງຖິ່ນລາຍງານວ່າ ສີຂອງແມ່ນໍ້າທີ່ປ່ຽນໄປອາດເກີດຈາກການຖິ້ມສີຍ້ອມຜ້າ ຫລື ສານເຄມີຈາກໂຮງງານທີ່ຢູ່ໃກ້ໆ, ທາງກະຊວງສິ່ງແວດລ້ອມອາກຊັງຕິນ ໄດ້ລົງເກັບຕົວຢ່າງຂອງນໍ້າ ໃນແມ່ນໍ້າສາຍດັ່ງກ່າວໄປກວດສອບແລ້ວ ເພື່ອຫາສາເຫດທີ່ເຮັດໃຫ້ແມ່ນໍ້າປ່ຽນສີ ແລະ ຂໍ້ມູນເບື້ອງຕົ້ນເຜີຍວ່າສານດັ່ງກ່າວອາດຈະບໍ່ມີພິດ ແລະ ບໍ່ເປັນອັນຕະລາຍຕໍ່ສິ່ງແວດລ້ອມ.

ທີ່ມາ: PPTV HD 36