ຢາກໃຫ້ວຽກງານສະກັດກັ້ນ, ຕ້ານ ແລະ ແກ້ໄຂໂຄວິດ-19 ໄດ້ດີ ທຸກຄົນຕ້ອງປະຕິບັດມາດເຂັ້ມງວດ

ຢາກໃຫ້ວຽກງານສະກັດກັ້ນ, ຕ້ານ ແລະ ແກ້ໄຂໂຄວິດ-19 ໄດ້ດີ ທຸກຄົນຕ້ອງປະຕິບັດມາດເຂັ້ມງວດ - 487 - ຢາກໃຫ້ວຽກງານສະກັດກັ້ນ, ຕ້ານ ແລະ ແກ້ໄຂໂຄວິດ-19 ໄດ້ດີ ທຸກຄົນຕ້ອງປະຕິບັດມາດເຂັ້ມງວດ
ຢາກໃຫ້ວຽກງານສະກັດກັ້ນ, ຕ້ານ ແລະ ແກ້ໄຂໂຄວິດ-19 ໄດ້ດີ ທຸກຄົນຕ້ອງປະຕິບັດມາດເຂັ້ມງວດ - AGL banner - ຢາກໃຫ້ວຽກງານສະກັດກັ້ນ, ຕ້ານ ແລະ ແກ້ໄຂໂຄວິດ-19 ໄດ້ດີ ທຸກຄົນຕ້ອງປະຕິບັດມາດເຂັ້ມງວດ

ໂດຍ: ລູກເມືອງພວນ

ພາຍຫຼັງເກີດການລະບາດຮອບ 2 ຢູ່ລາວນັບແຕ່ຫຼັງສົງການເປັນຕົ້ນມາ ຖືວ່າເປັນການລະບາດທີ່ຮ້າຍແຮງທີ່ສຸດ ນັບແຕ່ມີການລະບາດຂອງໂຄວິດ ແຕ່ທ້າຍປີ 2019 ເປັນຕົ້ນມາ. ພຽງແຕ່ເດືອນດຽວຜູ້ຕິດເຊື້ອໃນລາວພຸ່ງສູງຂຶ້ນເກືອບແຕະ 2000 ກໍລະນີ. ມີຫຼາຍວັນ ຕົວເລກຜູ້ຕິດເຊື້ອພຸ່ງສູງຂຶ້ນເປັນ 3 ຕົວເລກ ຈົນກາຍເປັນຄວາມວິຕົກກັງວົນຂອງລັດຖະບານກໍຄືປະຊາຊົນລາວທັງຊາດ.

ຕໍ່ໜ້າສະພາບການດັ່ງກ່າວ, ລັດຖະບານໄດ້ວາງຫຼາຍມາດຕະການທີ່ເຂັ້ມງວດ ແລະ ເດັດຂາດ ເປັນຕົ້ນແມ່ນສະກັດກັ້ນການລັກລອຍຂ້າມແດນຜິດກົດໝາຍ, ເພີ່ມທະວີການກວດກາເຊື້ອໃຫ້ຫລາຍຂື້ນ ແລະ ເພີ່ມຈຸດກວດເປັນຫຼາຍຈຸດກວ່າເກົ່າ, ຮີບຮ້ອນສ້າງໂຮງໝໍພາກສະໜາມ, ປະກາດຫາຜູ້ທີ່ຢູ່ໃນກໍລະນີຄວາມສ່ຽງໃຫ້ອອກມາສະເໜີຕົວ, ເຈົ້າໜ້າທີ່ເຂັ້ມງວດໃນການກວດກາ ຊອກຫາຜູ້ດື້ດ້ານ ບໍ່ປະຕິບັດຕາມຄຳສັ່ງເລກທີ 15/ນຍ ຢ່າງເປັນຮູບປະທໍາ, ປັບໃໝໃສ່ໂທດຜູ້ດື້ດ້ານ ເປີດຮ້ານບໍລິການ ແລະ ຊຸມແຊວຕ່າງໆ, ປຸກລະດົມທົ່ວປວງຊົນໄປສັກວັກຊິນ, ນະຄອນຫຼວງ ແລະ ແຕ່ລະແຂວງກໍປະກາດລັອກດາວດ້ວຍຄວາມຈຳເປັນ ທີ່ສອດຄ່ອງກັບສະຖານະການແຂວງແຕ່ລະພື້ນທີ່.

ນອກຈາກນີ້, ບັນດາທີມແພດໝໍ ຜູ້ຊ່ຽວຊານຈາກ ສປ ຈີນ ແລະ ສສ ຫວຽດນາມ ກໍໄດ້ມາເຄືື່ອນໄຫວຊ່ວຍເຫຼືອຢູ່ລາວ ພ້ອມທັງໃຫ້ອຸປະກອນການແພດຫຼາຍລາຍການຊ່ວຍເຫຼືອລາວຢ່າງທັນການ. ບັນດາແພດໝໍລາວກໍຕັ້ງໜ້າປະຕິບັດວິຊາສະເພາະຂອງຕົນຢ່າງຂະຫຍັນຂັນແຂງ, ຄໍ່າບໍ່ໄດ້ນອນ ຕອນກາງເວັນບໍ່ໄດ້ພັກຜ່ອນ, ໄກຄອບໄກຄົວ ໄກລູກນ້ອຍ ຄອຍເຝົ້າແຕ່ຄົນເຈັບ, ເອົາໂຮງໝໍເປັນເຮືອນ. ພາຍຫຼັງປິ່ນປົວຄົນເຈັບຫາຍດີແຕ່ລະຊຸດແລ້ວ ຍັງຕ້ອງໄປກັກຕົວອີກ 14 ວັນ…ຈົນໄດ້ຮັບສາຍຍານາມຈາກປະຊາຊົນວ່າ “ນັກຮົບຊຸດຂາວ” ດ້ວຍຄວາມເອກອ້າງທະນົງໃຈ.

ດ້ວຍນະໂຍບາຍດັ່ງກ່າວ, ມາເຖິງປັດຈຸບັນ, ເຫັນວ່າສະຖານະການການແພ່ລະບາດຂອງໂຄວິດ-19 ໃນລາວຄ່ອຍໆຜ່ອນຄາຍລົງ ດ້ວຍຄວາມຊື່ນຊົມຂອງປະຊາຊົນລາວທັງຊາດ. ກໍລະນີຕິດເຊື້ອປິ່ນປົວຫາຍດີກໍເພີ່ມຂຶ້ນຕາມລຳດັບ ຫຼາຍກວ່າ 1000 ຄົນແລ້ວ, ການສັກວັກຊີນຂອງປະຊາຊົນກໍທະລຸ ຫຼາຍກວ່າ 8 ແສນກວ່າຄົນ ທັງ 1 ເຂັມ ແລະ 2 ເຂັມ.

ຢາກໃຫ້ວຽກງານສະກັດກັ້ນ, ຕ້ານ ແລະ ແກ້ໄຂໂຄວິດ-19 ໄດ້ດີ ທຸກຄົນຕ້ອງປະຕິບັດມາດເຂັ້ມງວດ - Wave100S AD to Website 2020 0 - ຢາກໃຫ້ວຽກງານສະກັດກັ້ນ, ຕ້ານ ແລະ ແກ້ໄຂໂຄວິດ-19 ໄດ້ດີ ທຸກຄົນຕ້ອງປະຕິບັດມາດເຂັ້ມງວດ

ຜົນສຳເລັດເບື້ອງຕົ້ນນີ້ ບໍ່ມີໃຜປະຕິເສດໄດ້ວ່າ ອັນເນື່ອງມາຈາກການເຂັ້ມງວດດ້ວຍຫຼາຍມາດຕະການຂອງລັດຖະບານ ແລະ ທີ່ສຳຄັນກໍຄືປວງຊົນລາວທັງຊາດ ເຫັນໄດ້ໄພອັນຕະລາຍຂອງພະຍາດດັ່ງກ່າວ ແລະ ໃຫ້ການຮ່ວມໄມ້ຮ່ວມມືກັບລັດຖະບານໄດ້ດີພໍສົມຄວນ ຊຶ່ງສາມາເຮັດໃຫ້ສະຖານະການແພ່ລະບາດຂອງພະຍາດໂຄວິດ-19 ໃນຈະນະນີ້ໃນລາວຄ່ອຍຫຼຸດຜ່ອນລົງເປັນກ້າວໆ ດ້ວຍຄວາມເພິ່ງພໍໃຈ.

ຖ້າປະຊາຊົນທັງຊາດຫາກຍັງສືບຕໍ່ຈັດຕັ້ງປະຕິບັດບັນດາມາດຕະການຂອງລັດຖະບານ ແລະ ເປັນເຈົ້າການໃນການຈັດຕັ້ງປະຕິບັດມາດຕະການຮັກສາ ປ້ອງກັນທາງການແພດໄດ້ດີຄືທີ່ຜ່ານມາ ຄິດວ່າ ພວກເຮົາຈະເອົາຊະນະສັດຕູໂຕຮ້າຍກາດຂອງໂລກໂຕນີ້ ໄດ້ຢ່າງແນ່ນອນ.

ຢາກໃຫ້ວຽກງານສະກັດກັ້ນ, ຕ້ານ ແລະ ແກ້ໄຂໂຄວິດ-19 ໄດ້ດີ ທຸກຄົນຕ້ອງປະຕິບັດມາດເຂັ້ມງວດ - WhatsApp Image 2020 05 27 at 5 - ຢາກໃຫ້ວຽກງານສະກັດກັ້ນ, ຕ້ານ ແລະ ແກ້ໄຂໂຄວິດ-19 ໄດ້ດີ ທຸກຄົນຕ້ອງປະຕິບັດມາດເຂັ້ມງວດ
ຢາກໃຫ້ວຽກງານສະກັດກັ້ນ, ຕ້ານ ແລະ ແກ້ໄຂໂຄວິດ-19 ໄດ້ດີ ທຸກຄົນຕ້ອງປະຕິບັດມາດເຂັ້ມງວດ - WhatsApp Image 2020 05 27 at 5 - ຢາກໃຫ້ວຽກງານສະກັດກັ້ນ, ຕ້ານ ແລະ ແກ້ໄຂໂຄວິດ-19 ໄດ້ດີ ທຸກຄົນຕ້ອງປະຕິບັດມາດເຂັ້ມງວດ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!