6 ເດືອນຕົ້ນປີ 2021 ແຂວງເຊກອງ ເກັບລາຍຮັບບໍ່ບັນລຸຄາດໝາຍຍ້ອນພົບບັນຫາຫລາຍດ້ານ

6 ເດືອນຕົ້ນປີ 2021 ແຂວງເຊກອງ ເກັບລາຍຮັບບໍ່ບັນລຸຄາດໝາຍຍ້ອນພົບບັນຫາຫລາຍດ້ານ - 21731 - 6 ເດືອນຕົ້ນປີ 2021 ແຂວງເຊກອງ ເກັບລາຍຮັບບໍ່ບັນລຸຄາດໝາຍຍ້ອນພົບບັນຫາຫລາຍດ້ານ
6 ເດືອນຕົ້ນປີ 2021 ແຂວງເຊກອງ ເກັບລາຍຮັບບໍ່ບັນລຸຄາດໝາຍຍ້ອນພົບບັນຫາຫລາຍດ້ານ - AGL banner - 6 ເດືອນຕົ້ນປີ 2021 ແຂວງເຊກອງ ເກັບລາຍຮັບບໍ່ບັນລຸຄາດໝາຍຍ້ອນພົບບັນຫາຫລາຍດ້ານ

ແຫລ່ງຂ່າວແຂວງເຊກອງ ໃຫ້ຮູ້ວ່າ: ໃນໄລຍະ 6 ເດືອນຕົ້ນປີ 2021 ແຂວງເຊກອງຈັດເກັບລາຍຮັບເຂົ້າງົບປະມານໄດ້ພຽງ 20,29 ຕື້ກີບເທົ່າກັບ 25,12% ຂອງແຜນການປີ, ຖືວ່າຍັງບໍ່ທັນໄດ້ເຄິ່ງໜຶ່ງຂອງແຜນການທີ່ວາງໄວ້ ເນື່ອງຈາກວ່າຍັງມີຫລາຍດ້ານພົບຄວາມຫຍຸ້ງຍາກ ແລະ ທ້າທາຍສູງ, ເຊິ່ງບັນຫາລວມສະພາບຟືດເຄືອງທາງດ້ານການເງິນ-ງົບປະມານ ແລະ ການແຜ່ລະບາດຂອງພະຍາດໂຄວິດ-19.

ທ່ານ ສຸກັນ ວໍລະປັນໄຊ ຮອງຫົວໜ້າພະແນກການເງິນແຂວງເຊກອງ ໃຫ້ສໍາພາດຕໍ່ສື່ມວນຊົນເມື່ອບໍ່ດົນນີ້ວ່າ: ໃນໄລຍະ 6 ເດືອນຕົ້ນປີ 2021 ແຂວງເຊກອງຈັດເກັບລາຍຮັບເຂົ້າງົບປະມານໄດ້ພຽງ 20,29 ຕື້ກີບເທົ່າກັບ 25,12% ຂອງແຜນການປີ, ເຊິ່ງໝົດປີ ແຂວງເຊກອງ ໄດ້ຮັບຕົວເລກການຈັດເກັບລາຍຮັບໃຫ້ໄດ້ທັງໝົດ 80,77 ຕື້ກີບ. ໃນນັ້ນລາຍຮັບພູດສູນກາງປະຕິບັດໄດ້ 0,27 ຕື້ກີບເທົ່າກັບ 5,15% ແລະ ລາຍຮັບພູດທ້ອງຖິ່ນປະຕິບັດໄດ້ 20,02 ຕື້ກີບເທົ່າກັບ 26,49% ໂດຍສາເຫດທີ່ເກັບລາຍຮັບບໍ່ເຖິງຄາດໝາຍ ແມ່ນຍ້ອນການຄຸ້ມຄອງການເກັບລາຍຮັບ ຈາກບັນດາຂະແໜງການບໍລິຫານວິຊາການ, ພາສີທີ່ດິນ, ລາຍຮັບວິຊາການ, ລາຍຮັບທີ່ຕິດພັນກັບໂຄງການແມ່ນຫລຸດລົງ, ຄວາມເອົາໃຈໃສ່, ຄວາມກະຕືລືລົ້ນ ແລະ ຄວາມເປັນເຈົ້າຂອງພະນັກງານທີ່ເຮັດໜ້າທີ່ຈັດເກັບລາຍຮັບໃນແຕ່ລະຂະແໜງການນັບແຕ່ຂັ້ນແຂວງ ລົງຮອດຂັ້ນເມືອງ ຍັງບໍ່ທັນດີ ແລະ ບັນຫາໃຫຍ່ກວ່າໝູ່ແມ່ນສະພາບການແຜ່ລະບາດຂອງພະຍາດໂຄວິດ-19 ເຮັດໃຫ້ການເຄື່ອນ ໄຫວຂອງພາກສ່ວນທຸລະກິດ, ຜູ້ປະກອບການໄດ້ຢຸດສະງັກ, ການຜ່ອນຜັນນະໂຍບາຍຂອງລັດຖະບານ ໂດຍສະເພາະປະເພດອາກອນຈໍານວນໜຶ່ງຖືກຍົກເວັ້ນ ເຮັດໃຫ້ການເກັບລາຍຮັບເຂົ້າງົບປະມານບໍ່ໄດ້ຕາມແຜນ ແລະ ບໍ່ທ່ວງທັນກໍານົດເວລາ.

ທ່ານ ຮອງຫົວໜ້າພະແນກການເງິນແຂວງ ໃຫ້ຮູ້ຕື່ມວ່າ: ເພື່ອເຮັດໃຫ້ການເກັບລາຍຮັບເຂົ້າງົບປະມານໃນ 6 ເດືອນທ້າຍປີ 2021 ບັນລຸໄດ້ຕາມເປົ້າໝາຍ, ພະແນກການເງິນແຂວງໄດ້ມີທິດແກ້ໄຂ ໂດຍຈະຫັນທ່າແຮງໃໝ່ຂອງການສ້າງລາຍຮັບ, ຄຽງຄູ່ກັບການສໍາຫລວດຄືນໃໝ່ຂອງຖານລາຍຮັບໃຫ້ລະອຽດ ແລະ ຊັດເຈນ; ສືບຕໍ່ຂະຫຍາຍ ແລະ ນໍາໃຊ້ເຄື່ອງ ມືທັນສະໄໝຢູ່ບັນດາເມືອງທີ່ມີເງື່ອນໄຂ, ອໍານວຍຄວາມສະດວກໃຫ້ທຸລະກິດ, ຜູ້ປະກອບການຫັນມາຊໍາລະພັນທະຕ່າງໆ ດ້ວຍຕົນເອງຜ່ານລະບົບທະນາຄານຫລາຍຂຶ້ນ, ພ້ອມທັງເພີ່ມທະວີຢ່າງເຂັ້ມງວດກວ່າເກົ່າຕໍ່ວຽກງານວິໄນການເງິນ ເພື່ອເຮັດໃຫ້ການເກັບລາຍຮັບບໍ່ມີການຮົ່ວໄຫລ ທັງຮັບປະກັນຄວາມໂປ່ງໃສ.

6 ເດືອນຕົ້ນປີ 2021 ແຂວງເຊກອງ ເກັບລາຍຮັບບໍ່ບັນລຸຄາດໝາຍຍ້ອນພົບບັນຫາຫລາຍດ້ານ - Wave100S AD to Website 2020 0 - 6 ເດືອນຕົ້ນປີ 2021 ແຂວງເຊກອງ ເກັບລາຍຮັບບໍ່ບັນລຸຄາດໝາຍຍ້ອນພົບບັນຫາຫລາຍດ້ານ

 

6 ເດືອນຕົ້ນປີ 2021 ແຂວງເຊກອງ ເກັບລາຍຮັບບໍ່ບັນລຸຄາດໝາຍຍ້ອນພົບບັນຫາຫລາຍດ້ານ - lattana banner - 6 ເດືອນຕົ້ນປີ 2021 ແຂວງເຊກອງ ເກັບລາຍຮັບບໍ່ບັນລຸຄາດໝາຍຍ້ອນພົບບັນຫາຫລາຍດ້ານ
6 ເດືອນຕົ້ນປີ 2021 ແຂວງເຊກອງ ເກັບລາຍຮັບບໍ່ບັນລຸຄາດໝາຍຍ້ອນພົບບັນຫາຫລາຍດ້ານ -    AD conten website - 6 ເດືອນຕົ້ນປີ 2021 ແຂວງເຊກອງ ເກັບລາຍຮັບບໍ່ບັນລຸຄາດໝາຍຍ້ອນພົບບັນຫາຫລາຍດ້ານ
6 ເດືອນຕົ້ນປີ 2021 ແຂວງເຊກອງ ເກັບລາຍຮັບບໍ່ບັນລຸຄາດໝາຍຍ້ອນພົບບັນຫາຫລາຍດ້ານ - lattana banner 1 - 6 ເດືອນຕົ້ນປີ 2021 ແຂວງເຊກອງ ເກັບລາຍຮັບບໍ່ບັນລຸຄາດໝາຍຍ້ອນພົບບັນຫາຫລາຍດ້ານ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!