ປະທານາທິບໍດີຟີລິບປິນເລັ່ງໃຊ້ກົດໄອຍະການເສິກແກ້ໄຂບັນຫາພາຍໃນປະເທດ

- Untitled design - ປະທານາທິບໍດີຟີລິບປິນເລັ່ງໃຊ້ກົດໄອຍະການເສິກແກ້ໄຂບັນຫາພາຍໃນປະເທດ

- 560000003093001 300x189 - ປະທານາທິບໍດີຟີລິບປິນເລັ່ງໃຊ້ກົດໄອຍະການເສິກແກ້ໄຂບັນຫາພາຍໃນປະເທດ    ປະທານາທິບໍດີ ໂຣດຣິໂກ ດູເຕີເຕ ຂອງຟີລິບປິນ ກ່າວວ່າ: ອາດໃຊ້ກົດໄອຍະການເສິກແກ້ໄຂບັນຫາພາຍໃນປະເທດ ແລະ ອາດປ່ຽນໄປໃຊ້ວິທີການແຕ່ງຕັ້ງຜູ້ນຳລະດັບເມືອງແທນການເລືອກຕັ້ງ ສົ່ງຜົນໃຫ້ເກີດຄວາມກັງວົນກ່ຽວກັບປະຊາທິປະໄຕພາຍໃຕ້ການປົກຄອງຂອງທ່ານ.

ປະທານາທິບໍດີ ດູເຕີເຕ ກ່າວວ່າ: ທ່ານພວມພິຈາລະນາໃຊ້ມາດຕະການທັງສອງຢ່າງ ເພື່ອກວາດລ້າງຢາເສບຕິດໃນສັງຄົມໃຫ້ໝົດໄປ ເພາະການປະກາດກົດໄອຍະການເສິກຈະຊ່ວຍຢຸດບັນຫາທຸກຢ່າງທີ່ເກີດຂຶ້ນ ບໍ່ພຽງແຕ່ເລື່ອງຢາເສບຕິດເທົ່ານັ້ນ. ທ່ານ ດູເຕີເຕ ຫາກໍເດີນທາງກັບຈາກການຢ້ຽມຢາມໄທຢ່າງເປັນທາງການກ່າວວ່າ: ທ່ານອາດຈະຕັ້ງສານທະຫານຂຶ້ນມາພິຈາລະນາຄະດີກໍ່ການຮ້າຍນຳອີກ ເພື່ອໃຫ້ກອງທັບພິຈາລະນາຄະດີ ແລະ ລົງໂທດປະຫານຊີວິດບັນດາຜູ້ກໍ່ການຮ້າຍໂດຍການແຂວນຄໍ.

ນອກຈາກນີ້, ປະທານາທິບໍດີ ດູເຕີເຕ ຍັງຄິດຈະປ່ຽນມາໃຊ້ວິທີການແຕ່ງຕັ້ງຜູ້ນຳທ້ອງຖິ່ນໃນກວ່າ 42.000 ເມືອງທົ່ວປະເທດ ຈາກທີ່ເຄີຍຈັດການເລືອກຕັ້ງທຸກໆ 3 ປີ ໂດຍໃຫ້ເຫດຜົນວ່າ ເພາະຜູ້ນຳທ້ອງຖິ່ນຈຳນວນຫລາຍພົວພັນກັບການຄ້າຂາຍຢາເສບຕິດ. ທັງນີ້, ຟີລິບປິນມີກຳນົດຈະຈັດການເລືອກຕັ້ງທ້ອງຖິ່ນເທື່ອຕໍ່ໄປໃນເດືອນຕຸລາຈະ ເຖິງນີ້.

- Wave100S AD to Website 2020 0 - ປະທານາທິບໍດີຟີລິບປິນເລັ່ງໃຊ້ກົດໄອຍະການເສິກແກ້ໄຂບັນຫາພາຍໃນປະເທດ
- WhatsApp Image 2020 05 27 at 5 - ປະທານາທິບໍດີຟີລິບປິນເລັ່ງໃຊ້ກົດໄອຍະການເສິກແກ້ໄຂບັນຫາພາຍໃນປະເທດ
- WhatsApp Image 2020 05 27 at 5 - ປະທານາທິບໍດີຟີລິບປິນເລັ່ງໃຊ້ກົດໄອຍະການເສິກແກ້ໄຂບັນຫາພາຍໃນປະເທດ
error: Alert: ເນື້ອຫາຂ່າວມີລິຂະສິດ !!