ເມືອງກາສີ ຢຶດ ແລະ ທຳລາຍໄມ້ຜິດກົດໝາຍ

ເມືອງກາສີ ຢຶດ ແລະ ທຳລາຍໄມ້ຜິດກົດໝາຍ - 240765969 152281577087688 4621754170881808782 n - ເມືອງກາສີ ຢຶດ ແລະ ທຳລາຍໄມ້ຜິດກົດໝາຍ
ເມືອງກາສີ ຢຶດ ແລະ ທຳລາຍໄມ້ຜິດກົດໝາຍ - AGL - ເມືອງກາສີ ຢຶດ ແລະ ທຳລາຍໄມ້ຜິດກົດໝາຍ

ວັນທີ 27 ສິງຫາ 2021 ຜ່ານມານີ້ ຫ້ອງການກະສິກຳ ແລະ ປ່າໄມ້ເມືອງກາສີ ໄດ້ສົມທົບກັບຄະນະສະເພາະກິດເມືອງ, ທ່ານ ແພງຄຳ ຈັນທະມຸງຄຸນ ຮອງເລຂາພັກເມືອງ ປະທານກວດກາພັກ-ລັດເມືອງ ທັງເປັນສະມາຊິກສະພາປະຊາຊົນແຂວງວຽງຈັນ ປະຈຳເມືອງກາສີ, ມີ ທ່ານ ບຸນທ່ຽງ ວິລະພົນ ກຳມະການພັກເມືອງ ຫົວໜ້າຫ້ອງການກະສິກຳ ແລະ ປ່າໄມ້ເມືອງກາສີ, ມີເຈົ້າໜ້າທີ່ປ່າໄມ້ ພ້ອມດ້ວຍພະນັກງານຫ້ອງການທີ່ກ່ຽວຂ້ອງ ໄດ້ລົງຈູດທຳລາຍໄມ້ທີ່ອາຍັດໄວ້ຢູ່ປ່າ ເຂດປ້ອມຍາມພູບວກຊ້າງ ບ້ານໜອງສານ.

ສຳລັບໄມ້ທີ່ຢຶດໃນຄັ້ງນີ້ ແມ່ນເປັນປະເພດໄມ້ຂຽງ (ໄມ້ກະດອມ) ເຊິ່ງມີທັງໝົດ 170 ທ່ອນ ໃນນີ້ໄດ້ຢຶດໄວ້ຢູ່ຫ້ອງວ່າການເມືອງ ຈຳນວນ 94 ທ່ອນ ແມ່ນທາງເມືອງເຫັນດີໃຫ້ມີການປະມູນຂາຍເພື່ອນຳເງິິິນເຂົ້າງົບປະມານຂອງລັດ.

ສ່ວນວ່າໄມ້ທີ່ອາຍັດຢູ່ປ່າ ຈຳນວນ 76 ທ່ອນ ແມ່ນເຫັນດີໃຫ້ທຳລາຍຖິ້ມຢູ່ກັບທີ່ ເພື່ອບໍ່ໃຫ້ບຸກຄົນ ຫຼື ກຸ່ມຄົນບໍ່ດີສວຍໂອກາດລັກລອບຕັດໄມ້ ແລະ ເຄື່ອນຍ້າຍໄມ້ໃນຕໍ່ໜ້າ.

ໂດຍປະຕິບັດຕາມຄຳສັ່ງ ເລກທີ 15/ນຍ ລົງວັນທີ ວ່າດ້ວຍການເພີ່ມທະວີເຂັ້ມງວດ ໃນການຄຸ້ມຄອງ ແລະ ກວດກາການຂຸດຄົ້ນໄມ້, ເຄື່ອນຍ້າຍໄມ້ ແລະ ທຸລະກິດໄມ້ເວົ້າລວມ ເວົ້າສະເພາະກໍ່ແມ່ນປະຕິບັດຕາມຂໍ້ຕົກລົງ ຂອງທ່ານເຈົ້າເມືອງໆກາສີ ສະບັບເລກທີ 167/ຈມ.ກສ, ລົງວັນທີ 26 ກໍລະກົດ 2021 ວ່າດ້ວຍການຢຶດໄມ້ເປັນຂອງລັດ ແລະ ທຳລາຍໄມ້ທີ່ອາຍັດໄວ້ຢູ່ປ່າ.

ເມືອງກາສີ ຢຶດ ແລະ ທຳລາຍໄມ້ຜິດກົດໝາຍ - lattana banner - ເມືອງກາສີ ຢຶດ ແລະ ທຳລາຍໄມ້ຜິດກົດໝາຍ
ເມືອງກາສີ ຢຶດ ແລະ ທຳລາຍໄມ້ຜິດກົດໝາຍ -    AD conten website - ເມືອງກາສີ ຢຶດ ແລະ ທຳລາຍໄມ້ຜິດກົດໝາຍ
ເມືອງກາສີ ຢຶດ ແລະ ທຳລາຍໄມ້ຜິດກົດໝາຍ - lattana banner 1 - ເມືອງກາສີ ຢຶດ ແລະ ທຳລາຍໄມ້ຜິດກົດໝາຍ

Comment

    Anonymous
    30/08/2021 - 4:27 pm

    ຂ້າພະເຈົ້າຂໍແລກປ່ຽນນຳຕື່ມ ກໍລະນີແບບນີ້ ເປັນຫຍັງຈິ່ງບໍ່ຍຶດເປັນຂອງລັດ ແລ້ວປະມູນຂາຍອອກທັງໝົດ?

Comments are closed.

error: Alert: ເນື້ອຫາຂ່າວມີລິຂະສິດ !!