ເລຂາ UN ກ່າວເປີດປະຊຸມ ຮຽກຮ້ອງບັນດາປະເທດຮ່ວມມືກັນຢຸດ “ການຢຶດອຳນາດໂດຍທະຫານ”

ເລຂາ un ກ່າວເປີດປະຊຸມ ຮຽກຮ້ອງບັນດາປະເທດຮ່ວມມືກັນຢຸດ “ການຢຶດອຳນາດໂດຍທະຫານ” - 999fd80cb8b2673e73e753cd656fceb5 - ເລຂາ UN ກ່າວເປີດປະຊຸມ ຮຽກຮ້ອງບັນດາປະເທດຮ່ວມມືກັນຢຸດ “ການຢຶດອຳນາດໂດຍທະຫານ”
ເລຂາ un ກ່າວເປີດປະຊຸມ ຮຽກຮ້ອງບັນດາປະເທດຮ່ວມມືກັນຢຸດ “ການຢຶດອຳນາດໂດຍທະຫານ” - AGL banner - ເລຂາ UN ກ່າວເປີດປະຊຸມ ຮຽກຮ້ອງບັນດາປະເທດຮ່ວມມືກັນຢຸດ “ການຢຶດອຳນາດໂດຍທະຫານ”

ກອງປະຊຸມສະມັດຊາໃຫຍ່ສະຫະປະຊາຊາດເລີ່ມແລ້ວ, ເລຂາທິການ UN ຂໍໃຫ້ບັນດາປະເທດຍົກລະດັບການຮ່ວມມື ເພື່ອແກ້ໄຂບັນຫາກອງທັບຢຶດອຳນາດ.

ວັນທີ 21 ກັນຍາ 2021, ທ່ານ ອັນໂຕນິໂອ ກູເຕີເຣສ ເລຂາທິການອົງການສະຫະປະຊາຊາດ (UN) ໄດ້ກ່າວເປີດກອງປະຊຸມສະມັດຊາໃຫຍ່ສະຫະປະຊາຊາດຢ່າງເປັນທາງການ ຢູ່ມະຫານະຄອນນິວຢອກ ອາເມລິກາ ໂດຍມີຜູ້ນຳທົ່ວໂລກເຂົ້າມາຮ່ວມປະຊຸມປະມານ 2 ໃນ 3 ຂອງສະມາຊິກທັງໝົດ, ສ່ວນທີ່ເຫລືອເລືອກຈະເຂົ້າປະຊຸມຜ່ານລະບົບວິດີໂອຄອນເຟີເຣນແທນ.

ຫົວຂໍ້ຫລັກໃນກອງປະຊຸມປີນີ້ຄື ການປ່ຽນແປງຂອງສະພາບອາກາດໂລກ ແລະ ການລະບາດຂອງໂຄວິດ-19 ທີ່ເປັນບັນຫາທີ່ຕ້ອງໄດ້ຮັບການແກ້ໄຂຢ່າງຮີບດ່ວນ.

ຂະນະດຽວກັນ, ເລຂາ UN ຍັງໄດ້ຍົກບັນຫາຕ່າງໆທີ່ໂລກກຳລັງຜະເຊີນ ບໍ່ວ່າຈະເປັນເລື່ອງຄວາມເຫລື່ອມລ້ຳ, ຄວາມບໍ່ເທົ່າທຽມ ແລະ ບັນຫາການເມືອງລະຫວ່າງປະເທດ.

ອີກເລື່ອງໜຶ່ງທີ່ຖືກຍົກມາເວົ້າເຖິງ ຄືການໃຊ້ກຳລັງທະຫານເຂົ້າຢຶດອຳນາດໃນຫລາຍປະເທດ ເຊິ່ງທ່ານ ກູເຕີເຣສ ກ່າວວ່າ: “ເຮົາໄດ້ເຫັນການໃຊ້ກຳລັງກໍ່ລັດຖະປະຫານເກີດຂຶ້ນໄປທົ່ວ ການຢຶດອຳນາດໂດຍທະຫານໄດ້ກັບມາແລ້ວ ແລະ ການທີ່ບັນດາປະເທດຂາດການຮ່ວມມືກັນ ບໍ່ໄດ້ຊ່ວຍຫຍັງ”.

“ຄວາມແຕກແຍກທີ່ເກີດຈາກການເມືອງລະຫວ່າງປະເທດ ໄດ້ຂັດຂວາງການຮ່ວມມືຂອງບັນດາປະເທດ ເຮັດໃຫ້ຄະນະມົນຕີຄວາມໝັ້ນຄົງແຫ່ງສະຫະປະຊາຊາດ ບໍ່ສາມາດຕັດສິນໃຈເຮັດເລື່ອງທີ່ຈຳເປັນໄດ້”.

ທ່ານ ກູເຕີເຣສ ຍັງໄດ້ເວົ້າເຖິງການທີ່ 2 ມະຫາອຳນາດທີ່ມີແນວຄິດຕ່າງກັນ ກຳລັງຈະເຮັດໃຫ້ເກີດບັນຫາຂຶ້ນ ໂດຍປຽບທຽບວ່າເປັນສິ່ງທີ່ຄາດເດົາໄດ້ຍາກກວ່າສະໄໝສົງຄາມເຢັນ.

ກອງປະຊຸມສະມັດຊາໃຫຍ່ສະຫະປະຊາຊາດຈະມີຂຶ້ນແຕ່ວັນທີ 21-27 ກັນຍານີ້.

ອ້າງອີງ:

https://www.theguardian.com/…/antonio-guterres-united…

https://www.straitstimes.com/…/un-chief-guterres-urges…

ເລຂາ un ກ່າວເປີດປະຊຸມ ຮຽກຮ້ອງບັນດາປະເທດຮ່ວມມືກັນຢຸດ “ການຢຶດອຳນາດໂດຍທະຫານ” - lattana banner - ເລຂາ UN ກ່າວເປີດປະຊຸມ ຮຽກຮ້ອງບັນດາປະເທດຮ່ວມມືກັນຢຸດ “ການຢຶດອຳນາດໂດຍທະຫານ”
ເລຂາ un ກ່າວເປີດປະຊຸມ ຮຽກຮ້ອງບັນດາປະເທດຮ່ວມມືກັນຢຸດ “ການຢຶດອຳນາດໂດຍທະຫານ” - lattana banner 1 - ເລຂາ UN ກ່າວເປີດປະຊຸມ ຮຽກຮ້ອງບັນດາປະເທດຮ່ວມມືກັນຢຸດ “ການຢຶດອຳນາດໂດຍທະຫານ”
ເລຂາ un ກ່າວເປີດປະຊຸມ ຮຽກຮ້ອງບັນດາປະເທດຮ່ວມມືກັນຢຸດ “ການຢຶດອຳນາດໂດຍທະຫານ” -    AD conten website - ເລຂາ UN ກ່າວເປີດປະຊຸມ ຮຽກຮ້ອງບັນດາປະເທດຮ່ວມມືກັນຢຸດ “ການຢຶດອຳນາດໂດຍທະຫານ”
error: Alert: ເນື້ອຫາຂ່າວມີລິຂະສິດ !!