ຫວຽດນາມ ກຽມ​ພ້ອ​ມ​​ເປີດ​ປະ​ຕູ ແລະ ຟື້ນ​ຟູ​ການ​​​ເສດ​ຖະ​ກິດ

ຫວຽດນາມ ກຽມ​ພ້ອ​ມ​​ເປີດ​ປະ​ຕູ ແລະ ຟື້ນ​ຟູ​ການ​​​ເສດ​ຖະ​ກິດ - 56834904 303 - ຫວຽດນາມ ກຽມ​ພ້ອ​ມ​​ເປີດ​ປະ​ຕູ ແລະ ຟື້ນ​ຟູ​ການ​​​ເສດ​ຖະ​ກິດ
ຫວຽດນາມ ກຽມ​ພ້ອ​ມ​​ເປີດ​ປະ​ຕູ ແລະ ຟື້ນ​ຟູ​ການ​​​ເສດ​ຖະ​ກິດ - 16583075379783 - ຫວຽດນາມ ກຽມ​ພ້ອ​ມ​​ເປີດ​ປະ​ຕູ ແລະ ຟື້ນ​ຟູ​ການ​​​ເສດ​ຖະ​ກິດ

ຮັບມືຢ່າງປອດໄພເພື່ອເປີດປະຕູ ແລະ ຟື້ນຟູການເຄື່ອນໄຫວເສດຖະກິດເທື່ອລະກ້າວ ແມ່ນການດັດປັບສຳຄັນໃນຍຸດທະສາດຂອງການປ້ອງກັນ, ຕ້ານໂລກລະບາດໂຄວິດ – 19 ຂອງ ຫວຽດນາມ. ວິທີການສຳຜັດໃໝ່ນີ້ແມ່ນເໝາະສົມ, ຄ້າຍຄືກັນກັບຍຸດທະສາດປ້ອງກັນ, ຕ້ານໂລກລະບາດໂຄວິດ – 19 ທີ່ພວມນັບມື້ນັບໄດ້ຮັບການຜັນຂະຫຍາຍຈາກຫຼາຍປະເທດຢູ່ພາກພື້ນ ແລະ ໃນໂລກ.

ຮັບມືໂລກລະບາດໂຄວິດ – 19 ຢ່າງປອດໄພ

ຕາມທ່ານນາງຮອງສາສະດາຈານ, ປ.ອ ຫງວຽນທິລຽນເຮືອງ, ຫົວໜ້າກົມຄຸ້ມຄອງສິ່ງແວດລ້ອມທາງການແພດ – ກະຊວງສາທາລະນະສຸກ ຫວຽດນາມ ແລ້ວ, ການຮັບມືຢ່າງປອດໄພ ມີຄວາມໝາຍວ່າບໍ່ເດີນຕາມເປົ້າໝາຍ “ບໍ່ມີຜູ້ຕິດເຊື້ອພະຍາດໂຄວິດ – 19, ແຕ່ຍອມຮັບວ່າ ມີຜູ້ຕິດເຊື້ອຈຳນວນໜຶ່ງໃນຊຸມຊົນ, ແຕ່ຕ້ອງຮັບປະກັນຄວາມປອດໄພດ້ານຊີວິດອິນຊີໃຫ້ແກ່ປະຊາຊົນ ແລະ ສືບຕໍ່ມີການເຄື່ອນໄຫວພັດທະນາເສດຖະກິດສັງຄົມ, ການເຄື່ອນໄຫວດຳລົງຊີວິດຂອງປະຊາຊົນ.

ຢູ່ທີ່ກອງປະຊຸມສະໄໝສາມັນປະຈຳເດືອນ ກັນຍາ 2021 ຂອງລັດຖະບານ ທີ່ຈັດຂຶ້ນໃນວັນທີ 2 ຕຸລາ, ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ໄດ້ຢັ້ງຢືນວ່າ: ການຟື້ນຟູ, ພັດທະນາເສດຖະກິດ – ສັງຄົມ, ສ່ວນຫຼວງຫຼາຍແມ່ນອີງໃສ່ໝາກຜົນຂອງການປ້ອງກັນ, ຕ້ານໂລກລະບາດໂຄວິດ – 19. ອີງຕາມສະພາບການ, ທ່າອ່ຽງ ແລະ ບົດຮຽນປະສົບການສາກົນ, ອີງຕາມຈຸດພິເສດຂອງສະພາບການໂລກລະບາດ, ກຳລັງຄວາມສາມາດທາງການແພດ, ບົດຮຽນປະສົບການໃນພຶດຕິກຳຕົວຈິງ ແລະ ໝາກຜົນ, ຂະບວນການສັກວັກຊິນ, ຕໍ່ໜ້າຄວາມຮຽກຮ້ອງຕ້ອງການໃນການດຳລົງຊີວິດ; ບົນພື້ນຖານການໄຈ້ແຍກວິທະຍາສາດໃນຫຼາຍດ້ານ, ການທາບທາມຄຳເຫັນຈາກຫຼາຍອົງການຈັດຕັ້ງ, ນັກຊ່ຽວຊານຢູ່ພາຍໃນປະເທດ ແລະ ສາກົນ, ຫວຽດນາມ ມີພື້ນຖານຢ່າງຄົບຖ້ວນເພື່ອຫັນປ່ຽນທິດຍຸດທະສາດໄປສູ່: ການຮັບມືຢ່າງປອດໄພ, ມີໄຫວພິບ ແລະ ຄວບຄຸມໂລກລະບາດໂຄວິດ – 19 ໄດ້ຢ່າງມີປະສິດທິຜົນ. ໃນນັ້ນການແຍກຕົວ, ວິໄຈຫາເຊື້ອ ແລະ ປິ່ນປົວຍັງແມ່ນເສົາຫຼັກຕົ້ນຕໍ. ທ່ານນາຍົກລັດຖະມົນຕີ ຟ້າມມິງຈິງ ເນັ້ນໜັ້ກວ່າ:

ຍັງຕ້ອງຕິດແທດ 3 ເສົາຫຼັກເຊິ່ງພວກເຮົາໄດ້ຢັ້ງຢືນ: ທີ 1 ແມ່ນແຍກຕົວ, ທີ 2 ແມ່ນວິໄຈຫາເຊື້ອ, ແລະ ທີ 3 ແມ່ນການປິ່ນປົວ ແລະ ເບິ່ງແຍງດູແລ. ການແຍກຕົວນັ້ນຕ້ອງຢູ່ໃນຂອບເຂດຈຳກັດຮັດແຄບທີ່ສຸດ, ແຕ່ຕ້ອງປະຕິບັດຢ່າງເຂັ້ມງວດ ແລະ ຄວບຄຸມໃຫ້ເປັນຢ່າງດີ. ສ່ວນການວິໄຈຫາເຊື້ອແມ່ນຕ້ອງປະຕິບັດໂດຍໄວ, ມີວິທະຍາສາດ, ເໝາະສົມ ແລະ ມີປະສິດທິຜົນ. ເສົາຫຼັກທີ 3 ກ່ຽວກັບການປິ່ນປົວນັ້ນ ຕ້ອງຈຳແນກການເບິ່ງແຍງ, ປິ່ນປົວໂດຍໄວ, ທາງໄກ, ນັບແຕ່ຂັ້ນຮາກຖານ, ເພື່ອໃຫ້ຜູ້ຕິດເຊື້ອບໍ່ມີອາການເຈັບໜັກ ແລະ ບໍ່ພາໄປເຖິງການເສຍຊີວິດ. ຈາກ 3 ເສົາຫຼັກດັ່ງກ່າວ ພວກເຮົາກໍ່ໄດ້ຍົກອອກສູດໜຶ່ງ ເພື່ອໃຫ້ພວກເຮົາປະຕິບັດຕາມນັ້ນແມ່ນ: 5 ປະການ + ວັກຊິນ + ຢາປິ່ນປົວ + ເຕັກໂນໂລຢີ ແລ້ວນັ້ນ, ສຸດທ້າຍແມ່ນສະຕິຄວາມຮັບຮູ້ຂອງ ປະຊາຊົນ.

ໂດຍຢັ້ງຢືນການເປີດປະຕູພື້ນຖານເສດຖະກິດຄືນໃໝ່ ແມ່ນຄວາມຮຽກຮ້ອງຕ້ອງການທີີ່ຮີບດ່ວນ, ແຕ່ພ້ອມກັນນັ້ນທ່ານນາຍົກລັດຖະມົນຕີ ກໍ່ເຕືອນວ່າ ການເປີດປະຕູຕ້ອງລະມັດລະວັງ, ມີແຜນການ, ມີຂັ້ນຕອນທີ່ເໝາະສົມ, ມີປະສິດທິຜົນ, ປະຕິບັດເທື່ອລະກ້າວ ແລະ ມີໄຫວພິບໃນການນຳໃຊ້ໃຫ້ແກ່ແຕ່ລະທ້ອງຖິ່ນ, ຮັບປະກັນຄວາມລົງຕົວລະຫວ່າງການເປີດປະຕູ ແລະ ຄວາມປອດໄພໂລກລະບາດ.

ກຽມພ້ອມເປີດປະຕູ, ຟື້ນຟູການເຄື່ອນໄຫວເສດຖະກິດ

ໄປຄຽງຄູ່ກັບຄວາມມານະພະຍາຍາມໃນການຮັບມືກັບໂລກລະບາດໂຄວິດ – 19 ຢ່າງປອດໄພ, ຫວຽດນາມ ກໍ່ໄດ້ ແລະ ພວມຕັ້ງໜ້າຜັນຂະຫຍາຍວຽກງານຢ່າງຕັ້ງໜ້າເພື່ອກະກຽມໃຫ້ແກ່ການເປີດປະຕູ, ຟື້ນຟູການຜະລິດ. ວັນທີ 3 ຕຸລາທີ່ຜ່ານມາ, ລັດຖະບານໄດ້ປະກາດໃຊ້ຄຳສັ່ງຂອງທ່ານນາຍົກລັດຖະມົນຕີ ວ່າດ້ວຍການຟື້ນຟູການຜະລິດຢູ່ບັນດາເຂດອຸດສາຫະກຳ ໃນສະພາບການຕ້ານໂລກລະບາດໂຄວິດ – 19. ຕາມນັ້ນແລ້ວ, ວິສາຫະກິດເຫັນດີເປັນເອກະພາບກັບຄະນະກຳມະການປະຊາຊົນແຂວງ, ນະຄອນກ່ຽວກັບວິທີການຜະລິດ, ການເດີນທາງໄປມາ, ກິນຢູ່ຂອງຜູ້ອອກແຮງງານ ເມື່ອຟື້ນຟູການຜະລິດໃນສະພາບການຮັບມືກັບໂລກລະບາດໂຄວິດ – 19. ວິທີການຕ່າງໆເຫຼົ່ານັ້ນຕ້ອງຮັບປະກັນຄວາມປອດໄພໃນການປ້ອງກັນ, ຕ້ານໂລກລະບາດໂຄວິດ – 19 ໃນສະພາບການທີ່ໂລກລະບາດຍັງມີການຜັນແປຢ່າງສັບສົນ.

ສິ່ງທີ່ເປັນໜ້າສົນໃຈນັ້ນແມ່ນ ໃນບາດກ້າວກະກຽມໃຫ້ແກ່ການເປີດປະຕູຄືນໃໝ່, ໃນຫຼາຍເດືອນຜ່ານມາ, ຫວຽດນາມ ໄດ້ຕັ້ງໜ້າຜັນຂະຫຍາຍນະໂຍບາຍ “ໜັງສືຜ່ານແດນວັກຊິນ” (ໜັງສືຜ່ານແດນ ສຸຂະພາບສາທາລະນະສຸກ) ເພື່ອແນໃສ່ສ້າງເງື່ອນໄຂສະດວກໃຫ້ນັກຊ່ຽວຊານ, ຄູ່ຮ່ວມມື, ນັກລົງທຶນຕ່າງປະເທດມາເຄື່ອນໄຫວລົງທຶນ, ດຳເນີນທຸລະກິດ, ຊອກຮູ້ຕະຫຼາດຢູ່ຫວຽດນາມ… ສ້າງກຳລັງໜູນໃຫ້ແກ່ການເຄື່ອນໄຫວດ້ານເສດຖະກິດຕື່ມອີກ. ທ່ານນາງ ຫງວຽນທິເຮືອງລານ ຫົວໜ້າກົມກົງສູນ, ກະຊວງການຕ່າງປະເທດໜ່ວຍງານຮັບຜິດຊອບການຜັນຂະຫຍາຍໂຄງການໜັງສືຜ່ານແດນສຸຂະພາບທາງການແພດ, ຢັ້ງຢືນວ່າ:

ຄວາມສຳຄັນຂອງນະໂຍບາຍໜັງສືຜ່ານແດນ ວັກຊິນໃນຍຸດທະສາດຟື້ນຟູເສດຖະກິດ ເມື່ອຄວບຄຸມໂລກລະບາດໄດ້ແລ້ວ, ພັກ, ລັດ, ລັດຖະບານໄດ້ສະແດງໃຫ້ເຫັນຢູ່ເອກະສານສຳຄັນຫຼາຍສະບັບ. ໃນນັ້ນ, ກຳນົດການຮັບຮອງເອົາ ໜັງສືຜ່ານແດນວັກຊິນ ຂອງຕ່າງປະເທດແມ່ນພື້ນຖານ ເພື່ອວາງແຜນກຳນົດ ນະໂຍບາຍເຂົ້າເມືອງໃໝ່, ເພີ່ມທະວີການດຶງດູດ, ສ້າງເງື່ອນໄຂຢ່າງສຸດຂີດເພື່ອໃຫ້ນັກຊ່ຽວຊານ, ນັກລົງທຶນ, ຊາວຕ່າງປະເທດເຂົ້າເມືອງ, ປະກອບສ່ວນເຂົ້າໃນການປະຕິບັດເປົ້າໝາຍຄວບຄູ່ຢ່າງມີໄຊ, ຮັບໃຊ້ການພັດທະນາເສດຖະກິດໃນໄລຍະຈະມາເຖິງ.

ທ່ານຫວູຕຽນລົກ, ປະທານສູນກຳມະການສາກົນ ຫວຽດນາມ (VIAC) ພ້ອມກັບນັກຊ່ຽວຊານດ້ານເສດຖະກິດຫຼາຍຄົນໄດ້ໃຫ້ຂໍ້ສັງເກດຄືກັນວ່າ: ລັດຖະບານ ແລະ ນາຍົກລັດຖະມົນຕີ ພວມສົ່ງສານໄປເຖິງປະຊາຊົນທຸກຖ້ວນໜ້າກໍ່ຄືປະຊາຄົມວິສາຫະກິດທັງຢູ່ພາຍໃນ ແລະ ຕ່າງປະເທດມີຄວາມຕັດສິນໃຈ ແລະ ວິທີການຄວບຄຸມ ແລະ ຍູ້ໂລກລະບາດໂຄວິດ – 19 ໃຫ້ຖອຍໄປ. ເຊື້ອໄວຣັດ Sars-CoV-2 ບໍ່ສາມາດເຮັດໃຫ້ຫວຽດນາມ ຕ້ອງປິດປະຕູພື້ນຖານເສດຖະກິດ.  ຫວຽດນາມ ໄດ້, ພວມ ແລະ ຈະສືບຕໍ່ແມ່ນສະຖານທີ່ດູດດື່ມແຖວໜ້າຂອງນັກລົງທຶນສາກົນ.

ຫວຽດນາມ ກຽມ​ພ້ອ​ມ​​ເປີດ​ປະ​ຕູ ແລະ ຟື້ນ​ຟູ​ການ​​​ເສດ​ຖະ​ກິດ - lattana banner - ຫວຽດນາມ ກຽມ​ພ້ອ​ມ​​ເປີດ​ປະ​ຕູ ແລະ ຟື້ນ​ຟູ​ການ​​​ເສດ​ຖະ​ກິດ
ຫວຽດນາມ ກຽມ​ພ້ອ​ມ​​ເປີດ​ປະ​ຕູ ແລະ ຟື້ນ​ຟູ​ການ​​​ເສດ​ຖະ​ກິດ - lattana banner 1 - ຫວຽດນາມ ກຽມ​ພ້ອ​ມ​​ເປີດ​ປະ​ຕູ ແລະ ຟື້ນ​ຟູ​ການ​​​ເສດ​ຖະ​ກິດ
ຫວຽດນາມ ກຽມ​ພ້ອ​ມ​​ເປີດ​ປະ​ຕູ ແລະ ຟື້ນ​ຟູ​ການ​​​ເສດ​ຖະ​ກິດ -    AD conten website - ຫວຽດນາມ ກຽມ​ພ້ອ​ມ​​ເປີດ​ປະ​ຕູ ແລະ ຟື້ນ​ຟູ​ການ​​​ເສດ​ຖະ​ກິດ
error: Alert: ເນື້ອຫາຂ່າວມີລິຂະສິດ !!