ຜູ້ຕິດເຊື້ອໂຄວິດ-19 ຫລາຍກວ່າ 85% ທີ່ບໍ່ໄດ້ສັກວັກຊີນ

- received 322012592670896 - ຜູ້ຕິດເຊື້ອໂຄວິດ-19 ຫລາຍກວ່າ 85%  ທີ່ບໍ່ໄດ້ສັກວັກຊີນ
- AGL banner - ຜູ້ຕິດເຊື້ອໂຄວິດ-19 ຫລາຍກວ່າ 85%  ທີ່ບໍ່ໄດ້ສັກວັກຊີນ

ໃນໂອກາດຖະແຫລງຂ່າວປະຈຳວັນທີ 12 ຕຸລາ 2021 ນີ້ ທ່ານ ດຣ ສະໜອງ ທອງຊະນະ ຮອງລັດຖະມົນຕີ ກະຊວງສາທາລະນະສຸກ ໃຫ້ຮູ້ວ່າ: ກະຊວງສາທາລະນະສຸກ ໄດ້ມີການທົບທວນຄືນສະຖິຕິຜູ້ຕິດເຊື້ອໂຄວິດ-19 ທັງໝົດໃນ ສປປ ລາວ ແລະ ພົບວ່າ ມີຜູ້ຕິດເຊື້ອຈຳນວນ 85% ແມ່ນບໍ່ໄດ້ສັກວັກຊິນ, ສ່ວນກໍລະນີເສຍຊີວິດທັງໝົດ ແມ່ນມີປະມານ 84.6% ບໍ່ໄດ້ສັກວັກຊິນ ແລະ ເປັນຄົນທີ່ມີພະຍາດປະຈໍາຕົວ.

ທ່ານ ດຣ ນາງ ບົວຜັນ ຄໍາພາພົງຜ່ານ ໄດ້ກ່າອີກວ່າ: ຜ່ານການທົບທວນຄືນສະຖິຕິດັ່ງກ່າວ, ຂ້າພະເຈົ້າຍັງຢັ້ງຢືນວ່າ ວັກຊິນ ແມ່ນທາງເລືອກທີ່ດີ ເພື່ອປ້ອງກັນການຕິດເຊື້ອ ແລະ ການເສຍຊີວິດ ສະນັ້ນ ໃຜບໍ່ທັນສັກວັກຊິນ ຫລື ຄອບຄົວໃດມີຜູ້ສູງອາຍຸ ຫລື ມີພະຍາດປະຈໍາຕົວ ທີ່ບໍ່ທັນໄດ້ສັກວັກຊິນ ກໍຂໍໃຫ້ຕັດສິນໃຈມາສັກວັກຊິນ ຕາມຈຸດຕ່າງໆທີ່ກໍານົດໃນນະຄອນຫລວງວຽງຈັນ ແລະ ບັນດາແຂວງ.ເມື່ອສັກວັກຊິນແລ້ວ, ທ່ານຍັງຕ້ອງໄດ້ສືບຕໍ່ປ້ອງກັນຕົນເອງຕໍ່ໄປເລື້ອຍໆ ເພື່ອຫລຸດໂອກາດສ່ຽງຕໍ່ການຕິດເຊື້ອພະ ຍາດນີ້ ແລະ ມີພຽງແຕ່ບາງກຸ່ມຄົນທີ່ມີຂໍ້ຫ້າມ ແລະ ຂໍ້ຈຳກັດໃນການສັກວັກຊິນເຊັ່ນ: ແມ່ ຍິງຖືພາຫລຸດ 12 ອາທິດ, ຜູ້ທີ່ກຳລັງໄດ້ຮັບການສາຍແສງ ຫລື ເຄມີບຳບັດ ແລະ ເດັກນ້ອຍ. ມາຮອດປັດຈຸບັນ, ທົ່ວປະເທດ ມີຄວາມຄືບໜ້າໃນການສັກວັກຊິນ ເຂັມທີ 1 ແມ່ນ 3.070.285 (ປົກຄຸມ 41.84%) ແລະ ເຂັມຄົບໂດສ ແມ່ນ 2.256.693 ກວມ 30.75%.

- lattana banner - ຜູ້ຕິດເຊື້ອໂຄວິດ-19 ຫລາຍກວ່າ 85%  ທີ່ບໍ່ໄດ້ສັກວັກຊີນ
- lattana banner 1 - ຜູ້ຕິດເຊື້ອໂຄວິດ-19 ຫລາຍກວ່າ 85%  ທີ່ບໍ່ໄດ້ສັກວັກຊີນ
-    AD conten website - ຜູ້ຕິດເຊື້ອໂຄວິດ-19 ຫລາຍກວ່າ 85%  ທີ່ບໍ່ໄດ້ສັກວັກຊີນ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!