7 ປະໂຫຍດຂອງຊາຄາໂມມາຍ
October 19, 2021 - 10:00 AM
- ເສີມສ້າງລະບົບພູມຕ້ານທານ ເພາະຊາຄາໂມມາຍນັ້ນມີລິດຊ່ວຍສ້າງລະບົບພູມຕ້ານທານ, ຕ້ານແບັກທີເຣຍ ທັງຍັງກະ ຕຸ້ນການເຮັດວຽກຂອງເມັດເລືອດຂາວໄດ້ນຳອີກ.
- ຫລຸດອາການອັກເສບໄດ້ ທັງພາຍໃນ ແລະ ພາຍນອກໄດ້ດີ ບໍ່ວ່າຈະເປັນການອັກເສບກ້າມຊີ້ນ, ອາການປວດຕາມຂໍ້ ຫລື ອັກເສບຢູ່ບາດແຜພາຍນອກ. ນອກຈາກນີ້, ຊາຄາໂມມາຍຍັງມີລິດໃນການປິ່ນປົວບາດແຜໃຫ້ເຊົາໄວຂຶ້ນ.
- ແກ້ອາການປວດປະຈຳເດືອນ ຫາກໃຜທີ່ມີອາການເຈັບທ້ອງນ້ອຍປວດປະຈຳເດືອນ ລອງດື່ມຊາຄາໂມມາຍ ແລ້ວຈະ ຊ່ວຍຮູ້ສຶກຜ່ອນຄາຍສະບາຍໂຕໄດ້ເປັນຢ່າງດີ ທັງຍັງຊ່ວຍໃຫ້ເກີດອາການປັ້ນທ້ອງຫລຸດຜ່ອນລົງໄດ້.
- ເຄືອບກະເພາະອາຫານ ແລະ ຫລຸດການຫລັ່ງນ້ຳຍ່ອຍທີ່ເປັນກົດໃນກະເພາະອາຫານໃຫ້ຫລັ່ງອອກມາໜ້ອຍລົງ ຈຶ່ງບໍ່ ເຮັດໃຫ້ເປັນພະຍາດກະເພາະອາຫານ ແລະ ຄົນທີ່ເປັນພະຍາດນີ້ຢູ່ແລ້ວກໍສາມາດດື່ມເພື່ອຫລຸດອາການໄດ້.
- ຊ່ວຍໃຫ້ນອນຫລັບແຈບດີ ເພາະຄວາມເຄັ່ງຄຽດ ຫລື ສາເຫດອື່ນທີ່ເຮັດໃຫ້ທ່ານນອນຫລັບຍາກ ການດື່ມຊາຄາໂມ ມາຍຈະຊ່ວຍກະຕຸ້ນໃຫ້ທ່ານນອນຫລັບໄດ້ງ່າຍຂຶ້ນ ແລະ ຍັງຊ່ວຍຜ່ອຍຄາຍຄວາມເຄັ່ງຄຽດ, ຜ່ອນຄາຍກ້າມຊີ້ນ, ເພີ່ມ ຄວາມສົດຊື່ນໃຫ້ແກ່ຮ່າງກາຍ.
- ເຮັດໃຫ້ສຸຂະພາບຜິວງາມຂຶ້ນ ເພາະໃນຊາຄາໂມມາຍມີຄຸນສົມບັດຕ້ານການອັກເສບ ແລະ ຕ້ານອະນຸມູນອິດສະລະ ຈຶ່ງ ມີສ່ວນຊ່ວຍຫລຸດອາການຜື່ນແພ້ຜິວໜັງໄດ້. ນອກຈາກນີ້, ໃນຊາຄາໂມມາຍຍັງມີສານໂພລີຟີນອລ ແລະ ໄຟໂຕເຄມິ ຄອລ ທີ່ຊ່ວຍຫລຸດຮອຍແປ້ວ ແລະ ຮອຍຫ່ຽວຍານຕ່າງໆໄດ້.
-
ບຳລຸງຫົວໃຈໃຫ້ແຂງແຮງ ໃນຊາຄາໂມມາຍມີຟລາໂວນອຍ ເຊິ່ງມີການສຶກສາດົນກ່ວາ 10 ປີ ພົບວ່າ : ສານຟລາໂວ ນອຍຊ່ວຍຫລຸດອັດຕາການເກີດພະຍາດຫົວໃຈ. ນອກຈາກນີ້, ຊາຄາໂມມາຍຍັງຊ່ວຍຫລຸດໄຂມັນບໍ່ດີ ເຊິ່ງເປັນສາເຫດ ຂອງພະຍາດຫົວໃຈ ແລະ ຫລອດເລືອດສະໝອງ ໂດຍມີການສຶກສາໃນຄົນອາຍຸ 30 – 60 ປີ ຈຳນວນ 64 ຄົນ ປຽບ ທຽບກຸ່ມຄວບຄຸມກັບໃຫ້ດື່ມຊາຄາໂມມາຍ 3 ຈອກຕໍ່ມື້ ພົບວ່າສາມາດຫລຸດລະດັບອິນຊູລິນ ເຊິ່ງເປັນສາເຫດໃຫ້ເກີດ ພະຍາດເບົາຫວານໄດ້.
- ວິທີເບິ່ງແຍງຕົນເອງເມື່ອຢູ່ໃນແຫ່ລງໃກ້ຄັວນພິດຈາກສານເຄມີ : ຜູ້ທີ່ອາໄສຢູ່ໃນເຂດທີ່ມີມົນລະພິດໃນອາກາດສູງ ໂດຍມີຄ່າສານພິດເກີນກ່ວາປົກກະຕິຫລາຍເທົ່າ ເຊິ່ງຖືເປັນຄວາມສ່ຽງຕໍ່ສຸຂະພາບຫລາຍ ຫາກຍັງຢູ່ໃນບໍລິເວນທີ່ ມີການລະບຸຄ່າມົນລະພິດທາງອາກາດສູງ ຄວນປະຕິບັດດັ່ງນີ້ :
- ປິດປະຕູ-ປ່ອງຢ້ຽມໃຫ້ແໜ້ນດີ ຖ້າອາກາດຮ້ອນໃຫ້ໃຊ້ແອ ຫລື ພັດລົມເພື່ອຫລຸດຜ່ອນ ພ້ອມດ້ວຍເຄື່ອງຟອກ ອາກາດ (ຖ້າມີ) ຢ່າເປີດປະຕູ ຫລື ປ່ອງຢ້ຽມ.
- ງົດກິດຈະກຳພາຍນອກອາຄານ, ສະຖານທີ່ ຫລື ຫາກຈຳເປັນຄວນໃສ່ໜ້າກາກຊະນິດມີໄສ້ກອງ ຫລື ຢ່າງ ໜ້ອຍໃຫ້ໃຊ້ໜ້າກາກ N95, ໃສ່ໜ້າກາກລອຍນ້ຳ, ເຟສຊິລ ຫລື ແວ່ນຕາເພື່ອປ້ອງກັນອາການລະຄາຍເຄືອງ, ໃສ່ໝວກ, ຖົງມື, ປອກແຂນ ຫລື ຊຸດທີ່ສາມາດປົກປ້ອງຜິວໜັງໄດ້ ພ້ອມຫລຸດເວລາການເຮັດກິດຈະກຳນອກ ສະຖານທີ່ໃຫ້ໄດ້ຫລາຍທີ່ສຸດ.
- ຖ້າມີພະຍາດປະຈຳໂຕ ຫລື ມີໃຜໃນຄອບຄົວທີ່ມີພະຍາດປະຈຳໂຕໃຫ້ແຈ້ງແພດຮູ້ນຳ ໂດຍສະເພາະພະຍາດ ທາງເດີນຫາຍໃຈ, ພະຍາດຫອບຫືດ, ພະຍາດປອດ, ຄວາມດັນເລືອດສູງ, ພະຍາດຫົວໃຈ.
- ຖ້າມີອາການແສບຕາ, ແສບຄໍ, ແສບດັງຫລາຍ ຫລື ໄອ, ຫອບ, ເຈັບໜ້າເອິກ, ແໜ້ນໜ້າເອິກ ໃຫ້ຮີບໄປໂຮງ ໝໍ.
- ຫ້າມສູບຢາເດັດຂາດ.
- ຫາເສັ້ນທາງ ແລະ ພາຫະນະທີ່ໃກ້ທີ່ສຸດທີ່ຈະໄປຫາຄວາມຊ່ວຍເຫລືອໄດ້.
- ມີເບີໂທລະສັບໜ່ວຍງານທີ່ໃຫ້ຄວາມຊ່ວຍເຫລືອກໍລະນີສຸກເສີນ.
- ຕິດຕາມຂ່າວສານຢ່າງໃກ້ຊິດ.
- ຫລັງເຫດການໃຫ້ມາຮັບການກວດສຸຂະພາບ ແລະ ຕິດຕາມການກວດສຸຂະພາບເປັນໄລຍະຕາມທີ່ແພດສັ່ງ.
- ວິທີປະຖົມພະຍາບານເບື້ອງຕົ້ນເມື່ອສຳຜັດຄັວນພິດ :
- ຫາກຖືກຜິວໜັງ ໃຫ້ລ້າງບໍລິເວນທີ່ຖືກສານເຄມີໂດຍໃຊ້ນ້ຳສະອາດລ້າງໃຫ້ຫລາຍທີ່ສຸດເພື່ອໃຫ້ເຈືອຈາງ ຖ້າ ສານເຄມີຖືກເຄື່ອງນຸ່ງໃຫ້ແກ້ອອກກ່ອນ.
- ຫາກເຂົ້າຕາ ໃຫ້ລ້າງຕາດ້ວຍນ້ຳສະອາດທັນທີ ໂດຍເປີດເປືອກຕາຂຶ້ນໃຫ້ນ້ຳໄຫລຜ່ານຕາຢ່າງໜ້ອຍ 15 ນາທີ ແລ້ວຮີບນຳໂຕສົ່ງໂຮງໝໍໂດຍໄວ.
- ຫາກສືບດົມຄັວນພິດເຂົ້າໄປ ໃຫ້ຍ້າຍຄົນປ່ວຍໄປບ່ອນທີ່ມີອາກາດບໍລິສຸດ ຫລື ມີອາການຖ່າຍເທ ແລະ ປະ ເມີນການຫາຍໃຈ ຫລື ການເຕັ້ນຂອງຫົວໃຈ.
- ຖ້າກຳມະຈອນອ່ອນໃຫ້ປ້ຳຫົວໃຈຊ່ວຍຊີວິດ ຫລື CPR ແລະ ແຈ້ງໄປເບີສາຍດ່ວນສູນແພດສຸກເສີນ.
