ສິງກະໂປ ຄອງແຊັມສະໜາມບິນດີທີ່ສຸດໃນໂລກ 6 ສະໄໝຊ້ອນ

- 030805 2018 - ສິງກະໂປ ຄອງແຊັມສະໜາມບິນດີທີ່ສຸດໃນໂລກ 6 ສະໄໝຊ້ອນ
- Untitled design - ສິງກະໂປ ຄອງແຊັມສະໜາມບິນດີທີ່ສຸດໃນໂລກ 6 ສະໄໝຊ້ອນ

ຜົນການຈັດອັນດັບສະໜາມບິນດີທີ່ສຸດໃນໂລກ ຫລື World Airport Awards ໂດຍສະກາຍແທຣັກ (Skytrax) ບໍລິສັດໃຫ້ຄຳປຶກສາທາງທຸລະກິດກ່ຽວກັບການບິນ ໄດ້ປະກາດຢ່າງເປັນທາງການ ແລະ ສະໜາມບິນຊາງງີ ຂອງສິງກະໂປ ກໍຍາດໄດ້ອັນດັບ 1 ເປັນປີທີ່ 6 ຕິດຕໍ່ກັນ.

ນອກຈາກສະໜາມບິນຊາງງີ ຂອງສິງກະໂປ ຍັງມີອີກ 9 ສະໜາມບິນທີ່ດີທີ່ສຸດປະຈຳປີ 2018 ຕາມລຳດັບຕໍ່ໄປນີ້ :

  1. ສະໜາມບິນສິງກະໂປຊາງງີ (ສິງກະໂປ).
  2. ສະໜາມບິນນາໆຊາດອິນຊອນ (ເກົາຫລີໃຕ້).
  3. ສະໜາມບິນຮະເນະດະ (ຍີ່ປຸ່ນ).
  4. ສະໜາມບິນນາໆຊາດຮົງກົງ (ຮົງກົງ).
  5. ສະໜາມບິນນາໆຊາດຮາໝັດ (ກາຕ້າ).
  6. ສະໜາມບິນນາໆຊາດມິວນິກ (ເຢຍລະມັນ).
  7. ສະໜາມບິນນາໆຊາດຊູບຸ ເຊັນແທຣ (ຍີ່ປຸ່ນ).
  8. ສະໜາມບິນລອນດອນຮີດໂທ (ອັງກິດ).
  9. ສະໜາມບິນຊູຣິກ (ສະວິດເຊີແລນ).
  10. ສະໜາມບິນນາໆຊາດແຟຣັງເຟີດ (ເຢຍລະມັນ).

ນອກຈາກລາງວັນສະໜາມບິນດີທີ່ສຸດໃນໂລກແລ້ວ ຍັງມີລາງວັນອື່ນໆ ເຊັ່ນ : ລາງວັນເຈົ້າໜ້າທີ່ໃຫ້ບໍລິການດີເດັ່ນ ເຊິ່ງຕົກ ເປັນຂອງສະໜາມບິນນາໆຊາດອິນຊອນຂອງເກົາຫລີໃຕ້ ຫລື ລາງວັນສະໜາມບິນທີ່ດີທີ່ສຸດໃນການຊັອບປິ້ງທີ່ສະໜາມບິນລອນ ດອນຮີດໂທຍາດໄປຄອງ. ສ່ວນສະໜາມບິນທີ່ສະອາດທີ່ສຸດໃນໂລກປະຈຳປີນີ້ໄດ້ແກ່ ສະໜາມບິນຮະເນະດະ ຂອງຍີ່ປຸ່ນ. ຂະນະ ທີ່ສະໜາມບິນນາໆຊາດຄັນໄຊ ຂອງຍີ່ປຸ່ນເຊັ່ນດຽວກັນ ກໍເປັນອັນດັບ 1 ດ້ານການຂົນສົ່ງກະເປົ໋າເດີນທາງ. ນອກຈາກນີ້, ຍັງມີ ລາງວັນສະໜາມບິນທີ່ຜູ້ໂດຍສານປະທັບໃຈດ້ານການຮັບປະທານອາຫານທີ່ສຸດ ເຊິ່ງໄດ້ແກ່ ສະໜາມບິນນາໆຊາດຮົງກົງ.

- Wave100S AD to Website 2020 0 - ສິງກະໂປ ຄອງແຊັມສະໜາມບິນດີທີ່ສຸດໃນໂລກ 6 ສະໄໝຊ້ອນ

ສຳຫລັບສະໜາມບິນສິງກະໂປຊາງງີ ເຊິ່ງຕັ້ງຢູ່ທາງທິດຕາເວັນອອກຂອງປະເທດ ເຮັດໜ້າທີ່ຮອງຮັບເຮືອບິນຈາກກ່ວາ 100 ສາຍການບິນ ແລະ ຜູ້ໂດຍສານຫລາຍກ່ວາ 60 ລ້ານຄົນຕໍ່ປີ ຖືເປັນໜຶ່ງໃນຈຸດເຊື່ອມຕໍ່ການເດີນທາງທີ່ໃຫຍ່ທີ່ສຸດໃນພູມີພາກອາຊີຕາເວັນອອກສຽງໃຕ້. ນອກຈາກຈະມີອິນເຕີເນັດໃຫ້ໃຊ້ງານຟຣີ, ສະລອຍນຳ້ ແລະ ໂຮງຮູບເງົາ ສຳຫລັບຜູ້ໂດຍສານແລ້ວ ປີກາຍນີ້ສະໜາມບິນຊາງງີ ຍັງໄດ້ເປີດລະບົບເຊັກອິນອັດຕະໂນມັດໃໝ່ ທີ່ຊ່ວຍໃຫ້ຜູ້ໂດຍສານສາມາດເຊັກອິນ ແລະ ຂຶ້ນເຮືອບິນໄດ້ໂດຍບໍ່ຕ້ອງລົມກັບເຈົ້າໜ້າທີ່ແມ່ນແຕ່ຄົນດຽວ.

- WhatsApp Image 2020 05 27 at 5 - ສິງກະໂປ ຄອງແຊັມສະໜາມບິນດີທີ່ສຸດໃນໂລກ 6 ສະໄໝຊ້ອນ
- WhatsApp Image 2020 05 27 at 5 - ສິງກະໂປ ຄອງແຊັມສະໜາມບິນດີທີ່ສຸດໃນໂລກ 6 ສະໄໝຊ້ອນ
error: Alert: ເນື້ອຫາຂ່າວມີລິຂະສິດ !!