EU ກຽມນຳສະເໜີງົບ 1 ພັນລ້ານເອີໂຣ ຊ່ວຍອັບການິດສະຖານແບບມີເງື່ອນໄຂ ຢ້ານປະຊາຊົນຮັບເຄາະຖ້າລົ້ມສະຫລາຍ

- EU Pledges Money to Afghans in Need but Donors Struggle 750x375 1 - EU ກຽມນຳສະເໜີງົບ 1 ພັນລ້ານເອີໂຣ ຊ່ວຍອັບການິດສະຖານແບບມີເງື່ອນໄຂ ຢ້ານປະຊາຊົນຮັບເຄາະຖ້າລົ້ມສະຫລາຍ
- AGL banner - EU ກຽມນຳສະເໜີງົບ 1 ພັນລ້ານເອີໂຣ ຊ່ວຍອັບການິດສະຖານແບບມີເງື່ອນໄຂ ຢ້ານປະຊາຊົນຮັບເຄາະຖ້າລົ້ມສະຫລາຍ

ໜ່ວຍງານຂອງສະຫະພາບເອີຣົບ ພ້ອມໃຫ້ການຊ່ວຍເຫລືອອັບການິດສະຖານ, ແຕ່ຈະຕ້ອງມີການກຳນົດເງື່ອນໄຂຕ່າງໆ ລວມທັງດ້ານສິດທິມະນຸດ.

ວັນທີ 12 ຕຸລາ 2021, ທ່ານ ນາງ ເອີຊູລາ ຟອນ ເດິ ເລເຢນ ປະທານຄະນະກຳມາທິການເອີຣົບ ອອກມາເປີດເຜີຍວ່າ: ຈະນຳສະເໜີການຊ່ວຍເຫລືອໃນການສະໜັບສະໜູນອັບການິດສະຖານເປັນມູນຄ່າ 1 ພັນລ້ານເອີໂຣ ໂດຍຈະມີການລະບຸເງື່ອນໄຂໃນການຮັບເງິນ ເຊິ່ງຈະລວມທັງເງື່ອນໄຂດ້ານສິດທິມະນຸດເຂົ້າໄປນຳ.

ປະທານຄະນະກຳມາທິການເອີຣົບ ໃຫ້ເຫດຜົນໃນການຊ່ວຍເຫລືອຄັ້ງນີ້ວ່າ: ເປັນໄປເພື່ອຢຸດຢັ້ງບໍ່ໃຫ້ເກີດການລົ້ມສະຫລາຍທາງເສດຖະກິດ ແລະ ສັງຄົມ ແລະ ຊາວອັບການິດສະຖານບໍ່ຄວນຈະຕ້ອງຮັບເຄາະຈາກການກະທຳຂອງກຸ່ມຕາລີບັນ.

ການຊ່ວຍເຫລືອນີ້ຈະຖືກນຳໄປແຈກຢາຍໃຫ້ຊາວອັບການິດສະຖານ ລວມທັງປະເທດໃກ້ຄຽງທີ່ໃຫ້ການຊ່ວຍເຫລືອມາກ່ອນໜ້ານີ້.

ໃນມື້ນີ້, ທາງກຸ່ມຕາລີບັນໄດ້ເຂົ້າພົບກັບຕົວແທນຈາກສະຫະພາບເອີຣົບຢູ່ນະຄອນຫລວງໂດຮາ ປະເທດກາຕາ ເພື່ອຫາລືເຖິງລາຍລະອຽດຕ່າງໆ.

ເມື່ອກ່ອນທາງໜ່ວຍງານຂອງສະຫະພາບເອີຣົບໃຫ້ສັນຍາວ່າຈະມອບເງິນຊ່ວຍເຫລືອຈຳນວນ 300 ລ້ານເອີໂຣ ແກ່ຊາວອັບການິດສະຖານ ເພື່ອນຳໄປໃຊ້ໃນຄວາມຕ້ອງການພື້ນຖານ ແລະ ໃຊ້ຈັດຫາອາຫານ, ແຕ່ຫລ້າສຸດໄດ້ເພີ່ມເງິນສ່ວນດັ່ງກ່າວໄປອີກ 700 ລ້ານເອີໂຣ ລວມເປັນ 1 ພັນລ້ານເອີໂຣ.

ເຖິງວ່າຜ່ານມາ ທາງອົງການສະຫະປະຊາຊາດ (UN) ຈະອອກມາຮຽກຮ້ອງໃຫ້ນາໆຊາດຊ່ວຍເຫລືອອັບການິດສະຖານ, ແຕ່ມີບັນຫາບ່ອນກຸ່ມຕາລີບັນຍັງບໍ່ຍອມປະຕິບັດຕາມຄຳສັນຍາທີ່ໃຫ້ໄວ້ໃນດ້ານສິດທິມະນຸດ ເຖິາວ່າທາງກຸ່ມຈະພະຍາຍາມສື່ສານວ່າຕ້ອງການສ້າງການພົວພັນກັບປະເທດອື່ນໆກໍຕາມ.

ໂດຍບັນຫາຫລັກດ້ານສິດທິມະນຸດທີ່ນາໆເປັນຫ່ວງ ຄືສິດທິແມ່ຍິງຊາວອັບການິດສະຖານ ທີ່ຖືກສັ່ງຫ້າມບໍ່ໃຫ້ເຮັດວຽກ, ຫລິ້ນກິລາ ຫລື ເຮັດກິດຈະກຳອື່ນໆ ທີ່ກຸ່ມຕາລີບັນເບິ່ງວ່າຂັດຕໍ່ຄຳສອນຂອງສາສະໜາ.

ອ້າງອີງ:

https://twitter.com/vonderleyen/status/1447872491016400897

https://www.dw.com/…/afghanistan-taliban…/a-59473960

https://www.reuters.com/…/us-g20-summit-afghanistan…

- lattana banner 1 - EU ກຽມນຳສະເໜີງົບ 1 ພັນລ້ານເອີໂຣ ຊ່ວຍອັບການິດສະຖານແບບມີເງື່ອນໄຂ ຢ້ານປະຊາຊົນຮັບເຄາະຖ້າລົ້ມສະຫລາຍ
- lattana banner - EU ກຽມນຳສະເໜີງົບ 1 ພັນລ້ານເອີໂຣ ຊ່ວຍອັບການິດສະຖານແບບມີເງື່ອນໄຂ ຢ້ານປະຊາຊົນຮັບເຄາະຖ້າລົ້ມສະຫລາຍ
-    AD conten website - EU ກຽມນຳສະເໜີງົບ 1 ພັນລ້ານເອີໂຣ ຊ່ວຍອັບການິດສະຖານແບບມີເງື່ອນໄຂ ຢ້ານປະຊາຊົນຮັບເຄາະຖ້າລົ້ມສະຫລາຍ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!