ຣັດເຊຍສັ່ງຢຸດກິດຈະກຳທາງການທູດ ໃນນາໂຕ ປິດສຳນັກງານຢູ່ມອສໂກ ຫລັງເຈົ້າໜ້າທີ່ຖືກຂັບໄລ່ຂໍ້ຫາເປັນສາຍລັບ

ຣັດເຊຍສັ່ງຢຸດກິດຈະກຳທາງການທູດ ໃນນາໂຕ ປິດສຳນັກງານຢູ່ມອສໂກ ຫລັງເຈົ້າໜ້າທີ່ຖືກຂັບໄລ່ຂໍ້ຫາເປັນສາຍລັບ -           1 - ຣັດເຊຍສັ່ງຢຸດກິດຈະກຳທາງການທູດ ໃນນາໂຕ ປິດສຳນັກງານຢູ່ມອສໂກ ຫລັງເຈົ້າໜ້າທີ່ຖືກຂັບໄລ່ຂໍ້ຫາເປັນສາຍລັບ
ຣັດເຊຍສັ່ງຢຸດກິດຈະກຳທາງການທູດ ໃນນາໂຕ ປິດສຳນັກງານຢູ່ມອສໂກ ຫລັງເຈົ້າໜ້າທີ່ຖືກຂັບໄລ່ຂໍ້ຫາເປັນສາຍລັບ - AGL banner - ຣັດເຊຍສັ່ງຢຸດກິດຈະກຳທາງການທູດ ໃນນາໂຕ ປິດສຳນັກງານຢູ່ມອສໂກ ຫລັງເຈົ້າໜ້າທີ່ຖືກຂັບໄລ່ຂໍ້ຫາເປັນສາຍລັບ

ຣັດເຊຍໂຕ້ກັບ ປະກາດຢຸດພາລະກິດຂອງຄະນະຜູ້ແທນປະຈຳນາໂຕ ພ້ອມສັ່ງປິດສຳນັກງານນາໂຕໃນນະຄອນຫລວງມອສໂກ ຫລັງນັກການທູດ 8 ຄົນຖືກຂັບໄລ່ໃນຂໍ້ຫາເປັນສາຍລັບ.

ວັນທີ 19 ຕຸລາ 2021, ສຳນັກຂ່າວຣອຍເຕີລາຍງານວ່າ: ຣັດເຊຍໄດ້ປະກາດຢຸດການປະຕິບັດພາລະກິດຂອງຄະນະຜູ້ແທນທາງການທູດໃນອົງການສົນທິສັນຍາປ້ອງກັນອັດລັງຕິກເໜືອ ຫລື ນາໂຕ (NATO) ຫລັງຈາກພັນທະມິດທາງການທະຫານຕາເວັນຕົກຂັບໄລ່ນັກການທູດຣັດເຊຍ 8 ຄົນອອກ ດ້ວຍຂໍ້ກ່າວຫາວ່າເປັນສາຍລັບ.

ນອກຈາກນີ້, ທ່ານ ເຊີເກ ລາບຣອບ ລັດຖະມົນຕີກະຊວງການຕ່າງປະເທດຣັດເຊຍ ຍັງເປີດເຜີຍວ່າ: ເຈົ້າໜ້າທີ່ປະຈຳຄະນະຜູ້ແທນທາງທະຫານຂອງນາໂຕທີ່ປະຈຳການຢູ່ໃນຣັດເຊຍຈະຖືກຍົກເລີກການຮັບຮອງນັບແຕ່ວັນທີ 1 ພະຈິກເປັນຕົ້ນໄປ ແລະ ສຳນັກງານຂອງນາໂຕໃນນະຄອນຫລວງມອສໂກຈະຖືກປິດເຊັ່ນກັນ.

ການເຄື່ອນໄຫວນີ້ມີຂຶ້ນຫລັງຈາກວັນທີ 6 ຕຸລາຜ່ານມາ ສະມາຊິກ 8 ຄົນຂອງຄະນະຜູ້ແທນຣັດເຊຍປະຈຳນາໂຕຖືກຍົກເລີກການຮັບຮອງ ໂດຍນາໂຕອ້າງວ່າພວກເຂົາເຫລົ່ານັ້ນເປັນເຈົ້າໜ້າທີ່ໜ່ວຍຂ່າວລັບຂອງຣັດເຊຍທີ່ຖືກສົ່ງມາສືບຂ່າວ.

ໃນເວລານັ້ນ ຣັດເຊຍໄດ້ອອກມາສະແດງຄວາມຄິດເຫັນຕໍ່ເລື່ອງນີ້ວ່າ: ການກະທຳຂອງນາໂຕເປັນການທຳລາຍຄວາມຫວັງໃນການຟື້ນການພົວພັນລະຫວ່າງຣັດເຊຍ ແລະ ພັນທະມິດປະເທດຕາເວັນຕົກທີ່ນຳໂດຍອາເມລິກາ ໃຫ້ກັບມາເປັນປົກກະຕິອີກ.

ລັດຖະມົນຕີຕ່າງປະເທດຣັດເຊຍກ່າວໃນການຖະແຫລງຂ່າວເມື່ອວັນທີ 18 ຕຸລາວ່າ: “ນາໂຕບໍ່ໄດ້ສົນໃຈໃນການມີປະຕິສຳພັນ ຫລື ການເຮັດວຽກຮ່ວມກັນຢ່າງເທົ່າທຽມບໍ່ວ່າຈະໃນຮູບແບບໃດກໍຕາມ, ເມື່ອເປັນແບບນີ້ ເຮົາຈຶ່ງບໍ່ເຫັນຄວາມຈຳເປັນທີ່ຈະຕ້ອງສະແດງວ່າຈະມີການປ່ຽນແປງໃດໆເກີດຂຶ້ນໃນອະນາຄົດອັນໃກ້ນີ້”.

“ຂະນະທີ່ນາໂຕໄດ້ອອກມາເປີດເຜີຍໃນວັນດຽວກັນວ່າ: ຮັບຮູ້ການຕັດສິນໃຈຂອງຣັດເຊຍແລ້ວ” ເຮົາເສຍໃຈຕໍ່ການຕັດສິນໃຈຄັ້ງນີ້ ນະໂຍບາຍຂອງນາໂຕຕໍ່ຣັດເຊຍຍັງບໍ່ມີການປ່ຽນແປງ ເຖິງວ່າເຮົາຈະເສີມສ້າງຄວາມເຂັ້ມແຂງໃນການປ້ອງປາບ ແລະ ປ້ອງກັນຕົນເອງ ເພື່ອຕອບສະໜອງຕໍ່ການເຄື່ອນໄຫວຂອງຣັດເຊຍ, ແຕ່ໃນຂະນະດຽວກັນ ເຮົາຍັງເປີດກວ້າງຕໍ່ແນວທາງດ້ານການທູດລະຫວ່າງກັນຜ່ານສະພານາໂຕ-ຣັດເຊຍ” ໂຄສົກນາໂຕລະບຸ.

ອ້າງອີງ:

https://www.reuters.com/…/russia-shuts-mission-nato…/

ຣັດເຊຍສັ່ງຢຸດກິດຈະກຳທາງການທູດ ໃນນາໂຕ ປິດສຳນັກງານຢູ່ມອສໂກ ຫລັງເຈົ້າໜ້າທີ່ຖືກຂັບໄລ່ຂໍ້ຫາເປັນສາຍລັບ -    AD conten website - ຣັດເຊຍສັ່ງຢຸດກິດຈະກຳທາງການທູດ ໃນນາໂຕ ປິດສຳນັກງານຢູ່ມອສໂກ ຫລັງເຈົ້າໜ້າທີ່ຖືກຂັບໄລ່ຂໍ້ຫາເປັນສາຍລັບ
ຣັດເຊຍສັ່ງຢຸດກິດຈະກຳທາງການທູດ ໃນນາໂຕ ປິດສຳນັກງານຢູ່ມອສໂກ ຫລັງເຈົ້າໜ້າທີ່ຖືກຂັບໄລ່ຂໍ້ຫາເປັນສາຍລັບ - lattana banner - ຣັດເຊຍສັ່ງຢຸດກິດຈະກຳທາງການທູດ ໃນນາໂຕ ປິດສຳນັກງານຢູ່ມອສໂກ ຫລັງເຈົ້າໜ້າທີ່ຖືກຂັບໄລ່ຂໍ້ຫາເປັນສາຍລັບ
ຣັດເຊຍສັ່ງຢຸດກິດຈະກຳທາງການທູດ ໃນນາໂຕ ປິດສຳນັກງານຢູ່ມອສໂກ ຫລັງເຈົ້າໜ້າທີ່ຖືກຂັບໄລ່ຂໍ້ຫາເປັນສາຍລັບ - lattana banner 1 - ຣັດເຊຍສັ່ງຢຸດກິດຈະກຳທາງການທູດ ໃນນາໂຕ ປິດສຳນັກງານຢູ່ມອສໂກ ຫລັງເຈົ້າໜ້າທີ່ຖືກຂັບໄລ່ຂໍ້ຫາເປັນສາຍລັບ
error: Alert: ເນື້ອຫາຂ່າວມີລິຂະສິດ !!