ບໍລິສັດ ພຣູເດັນໂຊລ໌ ລາວ ເປີດໂຕແຜນປະກັນໄພສຳລັບພະຍາດໂຄວິດ-19
ພຣູໂຄວິດ-19 ສະບາຍໃຈຫາຍຫ່ວງ ສຳລັບພະຍາດໂຄວິດ-19 ແລະ ຜົນຂ້າງຄຽງຂອງການສັກວັກຊີນໂຄວິດ-19
ວຽງຈັນ 26 ຕຸລາ 2021
ບໍລິສັດພຣູເດັນໂຊລ໌ປະກັນໄພຊີວິດ(ລາວ)ຈຳກັດ(“ພຣູເດັນໂຊລ໌ລາວ”)ມີຄວາມພາກພຸມໃຈເປີດໂຕຜະລິດຕະພັນໃໝ່ “ພຣູໂຄວິດ-19 ສະບາຍໃຈຫາຍຫ່ວງ” ເຊິ່ງຊ່ວຍປົກປ້ອງຄຸ້ມຄອງຸພະຍາດ ໂຄວິດ-19. ເພື່ອເປັນການສອດຄ້ອງກັບຄຳໝັ້ນສັນຍາຂອງ ບໍລິສັດ ພຣູເດັນໂຊລ໌ ລາວ ໃນການປົກປ້ອງສຸຂະພາບ ແລະ ການເປັນຢູ່ຂອງປວງຊົນລາວ, ຜະລິດຕະພັນ ພຣູໂຄວິດ-19 ສະບາຍໃຈຫາຍຫ່ວງ ຈະຈ່າຍເງິນອຸດໜູນຈຳນວນ 5.000.000 ກີບໃນກໍລະນີທີ່ມີການພົບເຊື້ອພະຍາດ ໂຄວິດ-19 ແລະ ເງິນອຸດໜູນຈຳນວນ 20.000.000 ກີບຈະຖືກຈ່າຍໃນກໍລິນີທີ່ມີເສຍຊີວິດຈາກເຊື້ອພະຍາດໂຄວິດ-19.ນອກຈາກນີ້, ພຣູເດັນໂຊລ໌ ລາວ ຈະຈ່າຍເງິນທົດແທນຄ່າປ່ວຍການ ຈຳນວນ 300.000/ມື້ ສູງສຸດ 10ວັນ ໃນກໍລະນີມີການເກີດຜົນຂ້າງຄຽງຫຼັງຈາກການສັກວັກຊີນ ແລະ ເງິນທົດແທນຈຳນວນ 20.000.000 ກີບຈະຖືກຈ່າຍໃນກໍລິນີທີ່ມີເສຍຊີວິດ.
ຜະລິດຕະພັນນີ້ຈະໃຫ້ເງິນອຸດໜຸນພິເສດເພິ່ມ 50% ແກ່ ຄູອາຈານ, ນັກຮຽນ, ແພດໝໍ ແລະ ບຸກຄະລາກອນທາງການແພດ. ນີ້ໝາຍຄວາມວ່າ, ບໍລິສັດຈະຈ່າຍເງິນອຸດໜູນຈຳນວນ 7.5000.000 ກີບໃນກໍລະນີທີ່ມີການພົບເຊື້ອພະຍາດ ໂຄວິດ-19 ແລະ ເງິນອຸດໜູນຈຳນວນ 30.000.000 ກີບຈະຖືກຈ່າຍໃນກໍລິນີທີ່ມີເສຍຊີວິດຈາກເຊື້ອພະຍາດໂຄວິດ-19.
“ທີ່ບໍລິສັດ ພຣູເດັນໂຊລ໌ ລາວ, ຈຸດປະສົງຂອງພວກເຮົາແມ່ນຊ່ວຍຄົນລາວໄດ້ຮັບສິ່ງທີ່ດີທີ່ສຸດໃນຊີວິດ. ເຊິ່ງລວມໄປເຖິງ ການໃຫ້ຄວາມຄຸ້ມຄອງສຸຂະພາບ ແລະ ການເປັນຢູ່ຂອງຜູ້ຄົນ.ພຣູໂຄວິດ-19 ສະບາຍໃຈຫາຍຫ່ວງ ຖືກອອກແບບມາເພື່ອໃຫ້ປະຊາຊົນລາວໄດ້ເຂົ້າເຖິງການຄຸ້ມຄອງທາງດ້ານການເງິນໃນລາຄາທີ່ເຂົ້າເຖິງໄດ້ເຊິ່ງເຮັດໃຫ້ພວກເຂົາອຸ່ນໃຈໃນການໃຊ້ຊີວິດປະຈຳວັນຂອງພວກເຂົາ” ທ່ານ ວີເຈມັດດາວັນຜູ້ອຳນວຍການໃຫຍ່ຂອງພຣູເດັນໂຊລ໌ ລາວ ກ່າວໄວ້.
ສຳລັບປະຊາຊົນລາວທີ່ອາໃສຢູ່ໃນປະເທດລາວ ທີ່ມີອາຍຸຕັ້ງແຕ່ 18 ປີຂຶ້ນໄປ ເຊິ່ງຖືບັດປະຈຳໂຕ, ສຳມະໂນຄົວແລະໜັງສືຜ່ານແດນຢ່າງຖືກຕ້ອງ ສາມາດລົງທະບຽນເອົາຜະລິດຕະພັນນີ້ໄດ້. ໃນການລົງທະບຽນສຳເລັດຈະມີເວລາລໍຖ້າ 14 ວັນ ນັບຈາກມື້ລົງທະບຽນ ແລະ ຜູ້ລົງທະບຽນສາມາດຮຽກຮ້ອງເອົາທຶນອຸດໜຸນໄດ້ຫຼັງ 14 ມື້ເທົ່ານັ້ນ.
ພຣູໂຄວິດ-19ສະບາຍໃຈຫາຍຫ່ວງ ມີລາຄາພຽງ 10,000 ກີບ ແລະ ລູກຄ້າສາມາດເຂົ້າເຖິງຜະລິດຕະພັນນີ້ຜ່ານຟອມອອນໄລນ໌ນີ້:ຟອມລົງທະບຽນ ໂດຍ ພຣູເດັນໂຊລ໌. ຂໍ້ມູນເພີ່ມເຕີມແມ່ນສາມາດເຂົ້າເບິ່ງໄດ້ທີ່ເວັບໄຊທ໌ບໍລິສັດ ພຣູເດັນໂຊລ໌ ທີ່ www.prudential.la ແລະ ເຟສບຸກ ທີ່ www.facebook.com/PrudentialLaos.
ກ່ຽວກັບພຣູເດັນໂຊລ໌ລາວ
ພຣູເດັນໂຊລ໌ລາວເປັນບໍລິສັດສາຂາ ຂອງພຣູເດັນໂຊລ໌ພີເອວຊີ. ພວກເຮົາມີຫ້ອງການຕົວເເທນທີ່ນະຄອນຫຼວງວຽງຈັນໃນເດືອນມີນາ2015 ເເລະໄດ້ຮັບໃບອະນຸຍາດການດຳເນີນທຸລະກິດຈາກກະຊວງການເງິນໃນເດືອນເມສາ2016 ພຣູເດັນໂຊລ໌ລາວເລີ່ມຕົ້ນທຸລະກິດໃນເດືອນພຶດສະພາ2016 ແລະນຳເອົາຜະລິດຕະພັນປະກັນໄພຊີວິດທີ່ແທດເໝາະກັບຄວາມຕ້ອງການໃນການປົກປ້ອງຄຸ້ມຄອງແລະການສະສົມທຶນຂອງຄົນລາວ. ໃນປະຈຸບັນ, ບໍລິສັດພຣູເດັນໂຊລ໌ລາວໄດ້ຈຳໜ່າຍຜະລິດຕະພັນຜ່ານລະບົບທະນາຄານທົ່ວປະເທດ, ຜ່ານລະບົບຂາຍກົງ, ລວມໄປເຖິງການຈຳໜ່າຍຜະລິດຕະພັນຜ່ານເທິງແອບພິເຄເຊິນເພົ້າສ໌ອີກດ້ວຍ.
ທ່ານສາມາດເບິ່ງຂໍ້ມູນເພີ່ມຕື່ມກ່ຽວກັບພຣູເດັນໂຊລ໌ລາວທີ່ www.prudential.la
ກ່ຽວກັບເພົ້າສ໌ ໂດຍພຣູເດັນໂຊລ໌
ເພົ້າສ໌ແມ່ນແອັບພີເຄເຊີນກ່ຽວກັບສຸຂະພາບແລະເປັນໜຶ່ງດຽວໃນພາກພື້ນອາຊີແລະອາຟຣິກາທີ່ຊ່ວຍໃນການຈັດການດ້ານສຸຂະພາບຕໍ່ຜູ້ໃຊ້. ໂດຍມີການນຳໃຊ້ປັນຍາປະດິດຫຼືAI ເຂົ້າມາຊ່ວຍໃນການໃຫ້ຂໍ້ມູນທີ່ຖືກຕ້ອງຊັດເຈນ, ສາມາດເຂົ້າເຖິງຂໍ້ມູນກ່ຽວກັບສຸຂະພາບໄດ້ຕະຫຼອດເວລາ. ຊ່ວຍໃຫ້ຜູ້ໃຊ້ສາມາດຫຼີກລ້ຽງ, ປ້ອງກັນກ່ຽວກັບການພະຍາດ. ເພົ້າສ໌ແມ່ນເປັນສ່ວນໜຶ່ງຂອງຍຸດທະສາດຂອງPrudential Corporate Asia, ທີ່ຢາກໃຫ້ທຸກໆຄົນໃນພາກພື້ນອາຊີສາມາດເຂົ້າເຖີງຂໍ້ມູນດ້ານສຸຂະພາບໄດ້ຢ່າງທົ່ວເຖິງ. ດ້ວຍເຕັກໂນໂລຢີທີ່ທັນສະໄໝແລະຄູ່ຮ່ວມທຸລະກິດທີ່ເຂັ້ມແຂງ.
ແອັບພິເຄເຊິນເພົ້າສ໌ໄດ້ເປິດໂຕຄັ້ງທຳອິດໃນເດືອນສິງຫາປີ2019ທີ່ປະເທດມາເລເຊຍແລະໄດ້ນຳໃຊ້ແລ້ວໃນ11ປະເທດທົ່ວອາຊີແລະ6ປະເທດໃນທະວີບອາຟຣິກາ. ໂດຍມີການກວດສອບອາການບໍ່ສະບາຍໃນເບື້ອງຕົ້ນແລະການວິເຄາະສະພາບຮ່າງກາຍ, ການບໍລິການດ້ານສຸຂະພາບສ່ວນບຸກຄົນ, ແລະການໃຫ້ຄຳປຶກສາຈາກທ່ານໝໍແລະຜູ້ຊ່ຽວຊານທາງການແພດທີ່ຜ່ານການຮອງຮັບ.
ຕັ້ງແຕ່ເປີດໂຕຫາປະຈຸບັນເພົ້າສ໌ແອັບພິເຄເຊິນຖືກດາວໂຫຼດຫຼາຍກວ່າ30ລ້ານເທື່ອໃນຂົງເຂດອາຊີແລະອາຟຣິກາ. ເພົ້າສ໌ແອັບພິເຄເຊິນສາມາດດາວໂຫຼດໄດ້ໃນApple/Google Play stores ເຊິ່ງໃນທະວີບອາຊີມີ: ປະເທດກຳປູເຈຍ, ຮົງກົງ, ອິນໂດເນເຊຍ, ລາວ, ມາເລເຊຍ, ມຽນມາ, ຟິລິບປີນ, ສິງກະໂປ, ໄຕ້ຫວັນ, ໄທແລະຫວຽດນາມ ແລະທະວີບອາຟຣິກາມີປະເທດແຄມມາຣູນ, ການາ, ເຄນຍາ, ໄນຈີເຣຍ, ອຸການດາ, ແລະ ແຊມເບຍ.
ສຳລັບຂໍ້ມູນເພີ່ມເຕີມ, ແລະສາມາດດາວໂຫຼດແອັບພິເຄເຊິນເພົ້າສ໌, ເຂົ້າໄປໃນເວັບໄຊ www.wedopulse.com
*ຂໍ້ມູນລ່າສຸດຄັ້ງເດືອນສິງຫາ2021
