ການຄ້າມຽນມາປະກາດໃຊ້ສະກຸນເງິນຢວນຂອງຈີນ ດ້ານການຄ້າ
ຕາມແຫລ່ງຂ່າວຊິນຮວາຂອງ ຈີນ, ວັນທີ 15 ເດືອນທັນວາ, ທະນາຄານກາງ ມຽນມາ ປະກາດ ໃຊ້ສະກຸນ ເງິນຢວນ ຈີນ ຫລື ເງິນຈາດ ມຽນມາ ເຂົ້າໃນການຊຳລະເງິນໂດຍກົງ ສຳລັບ ການຄ້າຊາຍແດນລະຫວ່າງຈີນ-ມຽນມາເພື່ອສົ່ງເສີມການຄ້າທະວີພາຄີ ແລະ ອຳນວຍຄວາມສະດວກ, ການຂົນສົ່ງສິນຄ້າ , ຊຸກຍູ້ການຊຳລະເງິນຂ້າມຊາຍແດນ ແລະ ສົ່ງເສີມສະກຸນເງິນທ້ອງຖິ່ນພາຍໃຕ້ແນວທາງການຮ່ວມກຸ່ມທາງການເງິນຂອງສະມາຄົມປະຊາຊາດ ແຫ່ງອາຊີຕາເວັນອອກສຽງໃຕ້ ຫລື ອາຊຽນ (ASEAN).
ປະຊາຊົນຄ້າຂາຍໄດ້ຮັບອະນຸຍາດ ໃຫ້ເປີດບັນຊີສະກຸນເງິນຢວນ ຈີນຢ່າງເປັນທາງການພາຍໃນຕະຫລາດ ແລກປ່ຽນເງິນຕາຕ່າງປະເທດທ້ອງຖິ່ນເມື່ອເດືອນຕຸລາຜ່ານມາ, ພ້ອມກັນນັ້ນຍັງເພີ່ມສະກຸນເງິນຢວນຈີນເຂົ້າໃນລາຍການສະກຸນເງິນທີ່ທະນາຄານສາມາດໃຊ້ຊຳລະ ແລະ ໂອນລະຫວ່າງປະເທດ ເມື່ອປີ 2019 ເພື່ອຊຸກຍູ້ການຊຳລະເງິນລະຫວ່າງປະເທດ ແລະ ການຄ້າຊາຍແດນ.
