ບໍລິສັດ ອາລິອັນສ໌ ປະກັນໄພລາວ ຈຳກັດ ສັນຍາຄວາມຮ່ວມມື ກັບ ທະນາຄານ ເອຊີລີດາ ລາວ ຈຳກັດ

ວັນທີ 28/12/2021 ນີ້ ໄດ້ມີພິທີເຊັນສັນຍາຄວາມຮ່ວມມື ລະຫວ່າງ ບໍລິສັດ ອາລິອັນສ໌ ປະກັນໄພລາວ ຈຳກັດ ແລະ ທະນາຄານ ເອຊີລີດາ ລາວ ຈຳກັດ ເພື່ອຂາຍຜະລິດຕະພັນປະກັນໄພຂອງບໍລິສັດ ອາລິອັນສ໌ ປະກັນໄພລາວ ຜ່ານທະນາຄານ ເອຊີລີດາ ລາວ ຈຳກັດ ທຸກສາຂາທົ່ວປະເທດ.

ໃນພິທີເຊັນສັນຍາຮ່ວມມືນີ້ ຕາງໜ້າເຊັນສອງຝ່າຍໂດຍທ່ານ Raksmey NGUON ຜູ້ອໍານວຍການໃຫ່ຍ ທະນາຄານ ເອຊີລີດາ ລາວ ຈຳກັດ ແລະ ທ່ານ ກີ ອາໂປວີ ຜູ່້ອໍານວຍການໃຫ່ຍ ບໍລິສັດ ອາລິອັນສ໌ ປະກັນໄພລາວ ຈໍາກັດ ພ້ອມດ້ວຍສັກຂີພິຍານຈາກທັງສອງຝ່າຍ.

ຈຸດປະສົງໃນການຮ່ວມມືໃນຄັ້ງນີ້ກໍ່ເພື່ອຂະຫຍາຍຕານ່າງການຂາຍຜະລິດຕະພັນປະກັນໄພໃຫ້ກວ້າງຂື້ນ ພ້ອມກັນນັ້ນກໍ່ອໍານວຍຄວາມສະດວກໃຫ້ແກ່ລູກຄ້າທີ່ມາໃຊ້ບໍລິການຂອງທະນາຄານເອຊີລີດາ ລາວ ຈຳກັດ ໃຫ້ສາມາດເຂົ້າເຖີງຜະລິດຕະພັນປະກັນໄພໄດ້ຢ່າງງ່າຍດາຍຜ່ານເຄົ້າເຕີ້ທະນາຄານທຸກສາຂາທົ່ວປະເທດ.

ພ້ອມກັນນີ້ຍັງຈະຍັງສືບຕໍ່ຮ່ວມມືພັດທະນາໂຄງການອື່ນກ່ຽວກັບການຂາຍປະກັນໄພເພື່ອສ້າງຄວາມສະດວກສະບາຍ ແລະ ທັນສະໄໝ ໃຫ້ກັບລູກຄ້າໃນອານາຄົດ.