ລວມຄໍາຄົມ ບຸກຄົນສໍາຄັນຂອງໂລກ (ຕໍ່)

-                                                                            2 - ລວມຄໍາຄົມ ບຸກຄົນສໍາຄັນຂອງໂລກ (ຕໍ່)
- Untitled design - ລວມຄໍາຄົມ ບຸກຄົນສໍາຄັນຂອງໂລກ (ຕໍ່)
  1. ສິລະປະຂອງຄວາມກ້າວໜ້າຄື ຮັກສາລະບຽບວິໄນທ່າມກາງການປ່ຽນແປງ ແລະ ຮັກສາຄວາມປ່ຽນແປງທ່າມການລະບຽບວິໄນ (ທ່ານ ອັລເຟຣດ ນໍຣ໌ ໄວດ໌ເຮດ ນັກຄະນິດສາດ ແລະນັກປັດຊະຍາຊາວອັງກິດ).
  2. ຖ້າໃຜເຮັດດີກັບເຮົາໃຫ້ຈື່ ແຕ່ເຮົາເຮັດດີກັບໃຜໃຫ້ລືມ (ທ່ານ ທຽມ ໂຊດວັນນາ ອະດີດປະທານກຸ່ມທຸລະກິດສະຫະພັນ).
  3. ອັນຕະລາຍທີ່ແທ້ຈິງ ບໍ່ແມ່ນຢູ່ບ່ອນວ່າຄອມພິວເຕີຈະເລີ່ມຄິດຄືມະນຸດ ແຕ່ຢູ່ບ່ອນວ່າມະນຸດຈະເລີ່ມຄິດຄືຄອມພິວເຕີ (ທ່ານ ຊິດນີຍ໌ ເຈ ແຮຣ໌ຣິສ ນັກໜັງສືພິມຊາວອັງກິດ).
  4. ຂ້າພະເຈົ້ານໍາຄວາມຝັນໄປກັບຂ້າພະເຈົ້າ ແຕ່ຄວາມຝັນຂອງຂ້າພະເຈົ້າຈະບໍ່ສູນຫາຍໄປຈາກມະນຸດ ມັນຈະເປັນຂອງທ່ານໃນວັນທີ່ໂລກໄດ້ຮຽນຮູ້ຫຼາຍພໍທີ່ຈະໄດ້ຮັບປະໂຫຍດຈາກມັນ ແລະສະຫຼາດພໍທີ່ຈະບໍ່ໃຊ້ມັນໄປໃນທາງທີ່ຜິດ (ທ່ານ ຈູລສ໌ ເວິຣ໌ນ ນັກປະພັນຊາວຝຣັ່ງ ບິດາແຫ່ງນິຍາຍວິທະຍາສາດ).
  5. ເມື່ອເຈົ້າກ້າວຜິດພາດ ເຈົ້າອາດຈະຕັ້ງໂຕໃຫມ່ໄດ້ໃນບໍ່ຊ້າ ແຕ່ຖ້າເຈົ້າກ່າວວ່າຈະຜິດພາດ ເຈົ້າອາດຕ້ອງເສຍໃຈຕະຫຼອດຊີວິດ ( ເບນຈາມິນ ແຟຣງຄະລິນ ນັກວິທະຍາສາດ, ນັກປັດຊະຍາ ແລະ ລັດຖະບູລຸດຂອງສະຫະລັດອາ​ເມ​ລິ​ກາ).
  6. ບໍ່ມີວິທະຍາສາດທີ່ປາສະຈາກຄວາມຄິດຝັນ ແລະ ບໍ່ມີສິລະປະທີ່ປາສະຈາກຄວາມຈິງ (ທ່ານ ວະລາດິເນຍ ນາໂບຄອຟ ນັກຂຽນ ແລະ ນັກວິຈານ ຊາວສະຫະລັດອາ​ເມ​ລິ​ກາເຊື້ອສາຍຣັດເຊຍ).
  7. ຢ່າຢ້ານວ່າຊີວິດຂອງທ່ານຈະພົບຈຸດຈົບ ແຕ່ຈົ່ງຢ້ານວ່າຊີວິດຂອງທ່ານຈະບໍ່ມີໂອກາດໄດ້ເລີ່ມຕົ້ນ (ຄາຣ໌ດິນັດ ນິວແມນ ພະຣາຊາຄະນະນິກາຍໂຣມັນຄາທໍລິກຊາວອັງກິດ).
  8. ເຮົາລ້ຽງຊີວິດດ້ວຍສິ່ງທີ່ເຮົາຫາມາໄດ້ ແຕ່ເຮົາສ້າງຊີວິດດ້ວຍສິ່ງທີ່ເຮົາໃຫ້ ( ເຊີຣ໌ວິນສຕັນ ເຊີຣ໌ຊິລສ໌ ອະດີດນາຍົກລັດຖະມົນຕີ ແລະ ລັດຖະບູລຸດຂອງອັງກິດ)
  9. ຖ້າຄົນສອງຄົນມີເງິນຄົນລະ 1.000 ກີບ ເມື່ອນໍາມາແລກປ່ຽນກັນ ກັບບ້ານເຂົາກໍຈະມີເງິນຄົນລະ 1.000 ກີບ ຫາກສອງຄົນທີ່ມີຄວາມຮູ້ຄົນລະເລື່ອງ ແລະ ນໍາຄວາມຮູ້ມາແລກປ່ຽນກັນ ເມື່ອກັບບ້ານເຂົາທັງສອງຈະມີຄວາມຮູ້ຄົນລະ 2 ເລື່ອງ (ທ່ານ ນາງ ອິນທິຣາ ຄານຣີ ອະດີດນາຍົກລັດຖະມົນຕີອິນເດຍ)
  10. ລະຫວ່າງຜູ້ທີ່ມີຄວາມຮູ້ມີການສຶກສາຫຼາຍທີ່ສຸດ ກັບຜູ້ທີ່ມີຄວາມຮູ້ມີການສຶກສາໜ້ອຍທີ່ສຸດ ມີຄວາມແຕກຕ່າງກັນໃນລະດັບທີ່ເລັກໜ້ອຍຈົນບໍ່ອາດເວົ້າໄດ້ ເມື່ອທຽບໃສ່ກັບສິ່ງຕ່າງໆ ທີ່ເຮົາຍັງບໍ່ຮູ້ ( ອັລເບິຣຕ໌ ໄອນສະໄຕນຼ )
  11. ກຽດທີ່ຍິ່ງໃຫຍ່ບໍ່ໄດ້ຢູ່ທີ່ເຮົາບໍ່ລົ້ມ ແຕ່ຢູ່ທີ່ເຮົາລຸກຂຶ້ນທຸກຄັ້ງທີ່ເຮົາລົ້ມຕ່າງຫາກ (ຂົງຈື້ ນັກປັດຊະຍາຊາວຈີນ)
  12. ການເດີນທາງເຖິງວ່າຈະໄກກໍຕ້ອງເລີ່ມຕົ້ນຈາກກ້າວທໍາອິດສະເໝີ (ທ່ານ ເລົ່າຈື້ ນັກປັດຊະຍາຈີນ)
  13. ສິ່ງທີ່ເຈົ້າເຫັນເປັນພຽງຄວາມສໍາເລັດທີ່ເປັນພຽງ1% ຂອງຊີວິດຂ້ອຍ ແຕ່ສິ່ງທີ່ເຈົ້າບໍ່ເຫັນຄືອີກ 99% ທີ່ເປັນຄວາມລົ້ເຫຼວຂອງຂ້ອຍ (ທ່ານ ໂຊອິຈິໂຣ ຮອນດ້າ ປະທານບໍລິສັດຮອນດ້າ ປະເທດຍີ່ປຸ່ນ)
  14. ຜູ້ຊະນະຄືຜູ້ທີ່ກໍານົດເກມ ເມື່ອສູ້ດ້ວຍແຮງບໍ່ໄດ້ ກໍຕ້ອງສູ້ດ້ວຍຈິນຕະນາການ (ແຈັກ ເວລຊ໌ CEO ບໍລິສັດ ຈີອີ ປະເທດສະຫະລັດອາ​ເມ​ລິ​ກາ)
  15. ແຜນໜຶ່ງປີ ບໍ່ມີຫຍັງດີໄປກວ່າການປູກພືດ ແຜນສິບປີບໍ່ມີຫຍັງດີໄປກວ່າການປູກຕົ້ນໄມ້ ແຜນຕະຫຼອດຊີວິດບໍ່ມີຍັງດີໄປກວ່າການສ້າງຄົນ ປູກໜຶ່ງຄັ້ງເກັບກ່ຽວໄດ້ໜຶ່ງຄັ້ງຄືພືດ ປູກໜຶ່ງຄັ້ງເກັບກ່ຽວໄດ້ສິບຄັ້ງຄືຕົ້ນໝາກໄມ້ ສ້າງໜຶ່ງຄັ້ງໄດ້ຜົນປະໂຫຍດຮ້ອຍຄັ້ງຄືຄົນ (ຈາກໜັງສື ກ່ວນຈື່)
  16. ອຸປະສັກຄືສິ່ງທີ່ໜ້າຕົກໃຈ ກໍຕໍ່ເມື່ອເຈົ້າບໍ່ໄດ້ເບິ່ງໄປທີ່ຈຸດໝາຍປາຍທາງ ເພາະການສະແຫວງຫາ ບໍ່ແມ່ນເພາະລໍຄອຍ, ເພາະຊ່ຽວຊານ ບໍ່ແມ່ນເພາະລໍໂອກາດ, ເພາະສາມາດ ບໍ່ແມ່ນເພາະໂຊກຊ່ວຍ. ດັ່ງນັ້ນ ລິຂິດຟ້າ ຫຼື ຈະສູ້ມານະແຫ່ງຕົນ (ທ່ານ ຂົງເບັ້ງ ນັກປັດສະຍາຈີນ)
  17. ການທີ່ເຮົາຮຽນຮູ້ຈາກສິ່ງທີ່ເຮົາຍັງບໍ່ຮູ້ ເຮົາບໍ່ພຽງເຮັດດີໃນການທໍາລາຍໂລກເກົ່າ ແຕ່ຍັງເຮັດດີໃນການສ້າງໂລກໃຫມ່ ( ເໝົາເຈີ໋ຕຸງ ອະດີດປະທານາທິບໍດີ ສປຈີນ)
  18. ບໍ່ວ່າແມວຂາວ ຫຼື ແມວດໍາ ຂໍພຽງຈັບໝູໄດ້ກໍຄືແມວທີ່ດີ (ເຕິ້ງສຽວຜິງ ອະດີດປະທານນາທິບໍດີ ສປ ຈີນ)
  19. ຄົນບໍ່ຍອມໃຊ້ເຫດຜົນເປັນຄົນດື້ດັນ ຄົນບໍ່ສາມາດໃຊ້ເຫດຜົນເປັນຄົນໂງ່ຈ້າ ແລະ ຄົນບໍ່ກ້າໃຊ້ເຫດຜົນເປັນທາດ (ທ່ານ ເຊີຣ໌ ວິລລຽ່ມ ດໍາມອນດ໌ ຜູ້ວ່າການນິຄົມຂອງອັງກິດ).
- WhatsApp Image 2020 05 27 at 5 - ລວມຄໍາຄົມ ບຸກຄົນສໍາຄັນຂອງໂລກ (ຕໍ່)
- WhatsApp Image 2020 05 27 at 5 - ລວມຄໍາຄົມ ບຸກຄົນສໍາຄັນຂອງໂລກ (ຕໍ່)
- Wave100S AD to Website 2020 0 - ລວມຄໍາຄົມ ບຸກຄົນສໍາຄັນຂອງໂລກ (ຕໍ່)
error: Alert: ເນື້ອຫາຂ່າວມີລິຂະສິດ !!