IMF ຊີ້ຍີ່ປຸ່ນຕ້ອງເລັ່ງປະຕິຮູບ ເພື່ອຫລຸດຈາກສະພາບເງິນຝືດ

- advert banner 728 90 728x90 - IMF ຊີ້ຍີ່ປຸ່ນຕ້ອງເລັ່ງປະຕິຮູບ ເພື່ອຫລຸດຈາກສະພາບເງິນຝືດ

ກອງ​ທຶນ​​ເງິ​ນຕາ​ສາກົນ (IMF) ​ເຕືອນ​ວ່າ: ຍີ່ປຸ່ນ​ຈະ​ຕ້ອງ​ເດີນ​ໜ້າ​ປະຕິ​ຮູບ​ໂຄງ​ສ້າງ​ຫລາຍ​ກວ່າ​ນີ້ ຈຶ່ງ​ຈະ​ສາມາດ​ຫລຸດ​ພົ້ນຈາ​ກສະພາບ​ເງິນ​ຝືດ​ໄດ້, ພາຍຫລັງ​ເດີນ​ໜ້າ​ຖອຍຫລັງ​ມາ​ຫລາຍ​ປີ.

- new3 - IMF ຊີ້ຍີ່ປຸ່ນຕ້ອງເລັ່ງປະຕິຮູບ ເພື່ອຫລຸດຈາກສະພາບເງິນຝືດ

IMF ຄາດ​ຄະ​ເນ​ໃນ​ລາຍ​ງານ​ປະຈຳ​ປີ​ທົບ​ທວນ​ເສດຖະກິດ​ຍີ່ປຸ່ນ​ທີ່​ເຜີຍ​ແຜ່​ໃນ​ວັນ​ທີ 1 ສິງຫາ​ນີ້​ວ່າ: ​ເສດຖະກິດ​ຍີ່ປຸ່ນ​ອາດ​ຈະ​ຂະຫຍາຍຕົວ 1,3% ​ໃນ​ປີ​ນີ້ ​ເພາະ​ການ​ຄ້າ​ເຕີບ​ໃຫຍ່​ຕໍ່​ເນື່ອງ ​ແລະ ມີ​ແຮງ​ສະໜັບສະໜູນ​ທາງ​ການ​ເງິນ​ຊົ່ວຄາວ ​ໂດຍ​ໄດ້​ຂະຫຍາຍຕົວ​ເກີນ​ປະສິດທິພາບ 5 ​ໄຕ​ມາດ​ຕິດ​ຕໍ່​ກັນ. ຂະນະ​ທີ່​ອັດຕາ​ວ່າງ​ງານ​ຫລຸດ​ລົງຢູ່​ລະດັບ​ຕໍ່າ​ສຸດ​ເປັນ​ປະຫວັດສາດ, ​ແຕ່​ຍັງ​ບໍ່​ສາມາດ​ບັນລຸ​ເປົ້າໝາຍ​ເລື່ອງ​ອັດຕາ​ເງິນ​ເຟີ້, ຄວາມ​ຍືນ​ຍົງ​ຂອງ​ໜີ້​ສາທາລະນະ ​ແລະ ຈຸດປະສົງ​ການ​ເຕີບ​ໃຫຍ່. ນະ​ໂຍບາຍ​ເສດຖະກິດ​ຂອງ​ນາຍົກລັດຖະມົນຕີ ຊິນ​ໂຊ ອາ​ເບະ ທີ່​ເອີ້ນ​ວ່າ: ອາ​ເບະ​ໂນ​ມິກ ຊ່ວຍ​ໃຫ້​ສະພາບ​ເສດຖະກິດ​ດີ​ຂຶ້ນ ​ແລະ ​ເຮັດ​ໃຫ້​ເກີດ​ການ​ປະຕິ​ຮູບ​ໂຄງ​ສ້າງ, ​ແຕ່​ຍັງ​ບໍ່​ພຽງພໍ​ຈະ​ເຮັດ​ໃຫ້​ສາມາດ​ຫລຸດ​ພົ້ນຈາກ​ສະພາບ​ເງິນ​ຝືດ​ໄດ້​ແບບ​ຍືນ​ຍົງ.

IMF ​ແນະນຳ​ວ່າ: ຍີ່ປຸ່ນ​ຄວນ​ໃຫ້​ຄວາມ​ສຳຄັນ​ຕໍ່​ການ​ອອກ​ມາດ​ຕະການ​ທາງ​ໂຄງ​ສ້າງ​ເພື່ອ​ກະ​ຕຸ້ນ​ໃຫ້​ເສດຖະກິດ​ມີ​​ເງິນ​ທຶນ​ໝູນວຽນ​ຫລາຍ​ຂຶ້ນ ​ໂດຍ​ສະ​ເພາະ​ການ​ປະຕິ​ຮູບ​ຕະຫລາດ​ແຮງ​ງານ​ເພື່ອ​​ເພີ່ມ​ຄ່າ​ຈ້າງ ​ແລະ ການ​ອອກ​ນະ​ໂຍບາຍ​ສົ່ງ​ເສີມ​ການ​ເຕີບ​ໃຫຍ່​ດ້ານ​ປະສິດທິພາບ.

- lattana 1 - IMF ຊີ້ຍີ່ປຸ່ນຕ້ອງເລັ່ງປະຕິຮູບ ເພື່ອຫລຸດຈາກສະພາບເງິນຝືດ

ນາຍົກລັດຖະມົນຕີ ອາ​ເບະ ຮັບ​ຕຳ​ແໜ່​ງ​ໃນ​ທ້າຍ​ປີ 2012 ພ້ອມ​ກັບ​ຄຳ​ໝັ້ນວ່າ​ຈະ​ເຮັ​ດ​ໃຫ້​ເສດຖະກິດ​ຂອງ​ປະ​ເທດ​ຟື້ນຕົວ ດ້ວຍ​ນະ​ໂຍບາຍ​ອາ​ເບະ​ໂນ​ມິກທີ່​ປະກອບ​ມີ​ການ​ຫລຸດຜ່ອນ​ທາງ​ການ​ເງິນ​ຂະໜານ​ໃຫຍ່, ການ​ໃຊ້​ຈ່າຍ​ພາກ​ລັດ ​ແລະ ການ​ປະຕິ​ຮູບ, ​ແຕ່​ມີ​ສຽງ​ວິຈານ​ວ່າ: ນະ​ໂຍບາຍ​ຂອງ​ທ່ານ​ບໍ່​ບັງ​ເກີດ​ຜົນ​ໃນ​ພາບ​ລວມ. ທະນາຄານ​ກາງ​ຍີ່ປຸ່ນ​ເລື່ອນ​ກອບ​ເວລາ​ບັນລຸ​ເປົ້າໝາຍ​ເງິນ​ເຟີ້ 2% ອີກ ຈາກ​ກຳນົດ​ໄວ້​ເທື່ອ​ທຳ​ອິດ​ໃນ​ປີ 2013 ວ່າ​ຈະ​ບັນລຸ​ໄດ້​ພາຍ​ໃນ 2 ປີ ​ເທື່ອ​ນີ້​ຄາດ​ວ່າ​ຈະ​ບັນລຸ​ໄດ້​ໃນ​ປີ​ງົບປະມານ​ສິ້ນສຸດ​ເດືອນ​ມີນາ 2020.

error: Content is protected !!