ເຊລຊີ ພ້ອມປ່ອຍ ເກປາ ລະດູການນີ້ ຫລັງບໍ່ສາມາດຍຶດຕຳແຫນ່ງປະຕູມື 1 ສຳເລັດ

ທີມດັງແຫ່ງນະຄອນຫລວງລອນດອນ ພ້ອມເປີດຮັບທຸກຂໍ້ສະເຫນີໃນການປ່ອຍຕົວຜູ້ຮັກສາປະຕູມືກາວຊາວອີຕາລີ ຫລັງຈົບລະດູການນີ້ ເພື່ອໂອກາດລົງສະຫນາມຫລາຍຂຶ້ນກວ່າເກ່ົາ.

ເກປາ ອາຣິຊາບາລາກາ ເຖິງວ່າຈະຖືກດຶງຕົວເຂົ້າມາສູ່ຖິ່ນ ສະແຕມຟອດ ບຣິດ ເມື່ອປີ 2018 ດ້ວຍຄ່າຕົວທີ່ສຸດເຖິງ 71,6 ລ້ານປອນ ແຕ່ບໍ່ສາມາດຮັກສາຜົນງານທີ່ຄົງເສັ້ນຄົງວາໄດ້ ເຮັດໃຫ້ຖືກ ເອດູອາ ເມນດີ ບຽດຂຶ້ນຕຳແຫນ່ງມືຫນຶ່ງໄປຄອງ ເຮັດໃຫ້ມີຂ່າວວ່າລາວຕ້ອງການຍ້າຍທີມຫລັງຈົບລະດູການນີ້.

ຫລ້າສຸດ ‘‘ ເດິ ກາດຽນ ’’ ສື່ຊື່ດັງຂອງອັງກິດ ລະບຸວ່າ ໂທມັສ ທູເຄິລ ພ້ອມເປີດທາງໃຫ້ກັບ ເກປາ ຍ້າຍທີມຢ່າງແນ່ນອນໃນໄລຍະລະດູການນີ້ ແລະ ພ້ອມເປີດຮັບຂໍ້ສະເຫນີຈາກທຸກທີມທົ່ວຢູຣົບ.

ສຳລັບຜູ້ຮັກສາປະຕູອາຍຸ 26 ປີ ຊາວອິຕາລີ ກາຍເປັນຕົວສຳຮອງແບບຖາວອນຂອງ ເອດູອາເມນດີ ຕະຫລອດ 2 ລະດູການທີ່ຜ່ານມາ ກ່ນທີ່ຈະໄດ້ຮັບໂອກາດລົງສະຫນາມນັດຫລ້າສຸດ ໃນເກມນັດຕັດເຊືອກຊີງແຊ໊ມສະໂມສອນໂລກ 2021 ທີ່ເອົາຊະນະ ອັລ ຮິລາລ ໄປໄດ້ 1-0.

ສຳລັບ ເກປາ ອາຣິຊາບາລາກາ ລົງສະຫນາມໃຫ້ກັບ ເຊລຊີໄປແລ້ວ 122 ນັດ ຄວ້າແຊ໊ມກັບທີມໄດ້ 3 ລາຍການ ໄດ້ແກ່ ຢູຟາ ຢູໂຣປາລີກ, ຢູຟາ ແຊ໊ມປຽນລີກ ແລະ ຢູຟາ ຸຊຸບເປີ ຄັພ.