ຄາດຄະເນ ການເຕີບໂຕເສດຖະກິດຂອງພາກພື້ນອາຊຽນ ປີ 2022 ສະເລ່ຍ 5%

ວິທະຍຸກະຈາຍສຽງຫວຽດນາມລາຍງານວ່າ: ເມື່ອບໍ່ດົນຜ່ານມາ, ອົງການຈັດອັນດັບຄວາມໄວ້ວາງ ໃຈ S&P Global (ອາເມຣິກາ) ຄາດຄະເນວ່າ:

ພາກພື້ນ ອາຊີ – ປາຊີຟິກ ຈະເຕີບໂຕຢ່າງແຂງແຮງ ຢູ່ໃນລະດັບ 5,1% ໃນປີນີ້ ແລະ ປະມານ 4,5% ໃນປີ 2023 – 2025, ຊຶ່ງເຮັດໃຫ້ພາກພື້ນນີ້ຍັງຄົງແມ່ນພາກພື້ນທີ່ພັດທະນາໄວທີ່ສຸດໃນໂລກ.

ໃນຕາຕະລາງອັບເດດເສດຖະກິດປະຈຳໄຕມາດສຳລັບພາກພື້ນ ອາຊີ – ປາຊີຟິກ, S&P Global ຄາດຄະເນວ່າ: ການເຕີບໂຕເສດຖະກິດຂອງ ຍີ່ປຸ່ນ, ສ.ເກົາຫຼີ ແລະ ໄທເປຈີນ ໂດຍພື້ນຖານແລ້ວຈະບໍ່ມີການປ່ຽນແປງ ເພາະວ່າ ບັນດາພື້ນຖານເສດຖະກິດນີ້ໄດ້ຖືວ່າມີຄວາມສາມາດຕ້ານຢັນໄດ້ດີຕໍ່ບັນຫາໄພເງິນເຟີ້.

S&P Global ໄດ້ຫຼຸດລະດັບອັດຕາການເຕີບໂຕຂອງພາກພື້ນ ອາຊຽນ ຈາກລະດັບ 5,6% ລົງເຫຼືອພຽງ 5% ຍ້ອນຄວາມຕ້ອງການທົ່ວໂລກຫຼຸດລົງ ແລະ ສະພາບການເຄັ່ງຮ້ອນໃນໂລກ ໄດ້ສົ່ງຜົນກະທົບຕໍ່ພື້ນຖານເສດຖະກິດຂອງພາກພື້ນໃນປີ 2022.

ຂ່າວ: ປະຊາຊົນ